Posts in ‘សម្រាំងបច្ចុប្បន្នភាព’ Category

ស្ថានទូតបារាំងក្នុងរដ្ឋធានីទ្រីប៉ូលីប្រទេសលីប៊ី បានរងនូវការបំផ្ទុះគ្រាប់បែក ថ្ងៃអង្គារនេះ ដែលទំនងជាបណ្ដាលមកពី​រថយន្ដចតចោលនៅក្បែរនោះ បង្កឲ្យកម្លាំងប្រដាប់អាវុធបារាំងពីររូប ដែលរក្សាសន្តិសុខនៅទីនោះបានរងរបួស ក្នុង​នោះ​ម្នាក់រងរបួសធ្ងន់។

រូបថតនៅក្រោយពេលភេវរកម្ម ខណៈរថយន្ដដែលត្រូវបានបំផ្ទុះ នៅកំពុងឆេះនៅឡើយ។

គេនឹងមិនទាន់ដឹងពីមូលហេតុ និងនរណាជាអ្នកទទួលខុសត្រូវនោះនៅឡើយ ហើយក៏នៅមិនទាន់មាន ការ«ចេញមក​ប្រកាស»ទទួលខុសត្រូវណាមួយនោះដែរ។ នាយករដ្ឋមន្ត្រីបារាំង លោកហ្សង់ម៉ាក អារ៉ូល៍ (Jean-Marc Ayrault) បាន​និយាយថា កិច្ចអន្តរាគមន៍នៅប្រទេសម៉ាលីរបស់បារាំង ប្រឆាំងនឹងក្រុមឧទ្ទាមអ៊ីស្លាមនិយម ត្រូវបានគិតថាជាដើមហេតុ​នៃអំពើ​ភេវរកម្មនេះ។

ប្រធានាធិបតីបារាំង លោកហ្វ្រង់ស័រ [...]

ប្រទេសកូរ៉េខាងជើង បាននិយាយសារជាថ្មី នៅថ្ងៃអង្គារទី២៣ខែមេសានេះ ពីការទាមទាររបស់ខ្លួន ដែលចង់អោយមាន​ការទទួលស្គាល់ ថាខ្លួនជាមហាអំណាចនុយក្លេអ៊ែរ ពីសំណាក់សហគមន៍អន្តរជាតិ មុននឹងឈានជើងចូលទៅអង្គុយ​ចរចា​ឡើងវិញ ជាមួយ​នឹងសហរដ្ឋអាមេរិក និងសម្ព័ន្ធមិត្ត។

របបក្រុងព្យុងយ៉ាង បានដាក់ប្រទេសខ្លួន ទៅក្នុង«ស្ថានភាពសង្គ្រាម»។

ទិនានុប្បវត្តិផ្លូវការរបស់ប្រទេសកូរ៉េខាងជើង បានប្រកាសអោយដឹងថា ការចាប់ផ្ដើមអោយមានកិច្ចសន្ទនាឡើងវិញនេះ នឹងត្រូវ«ធ្វើក្នុងនាមរដ្ឋដែលមានអាវុធនុយក្លេអ៊ែរ»ដូចគ្នា ឬបើមិនអញ្ចឹងទេ នឹង«គ្មានការចរចា» ណាមួយទាំងអស់។ ទិនានុប្បវត្តិ​ដដែលបានបន្ថែមថា លក្ខខ័ណ្ឌដែលកំណត់ឲ្យទីក្រុងព្យុងយ៉ាងបោះបង់ចោល នូវគម្រោងនុយក្លេអ៊ែររបស់​ខ្លួន មុនទៅអង្គុយនៅក្នុងតុចរចានោះ [...]

មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) បានចេញសេចក្តីប្រកាសព័ត៌មាន នាថ្ងៃទី២៣នេះ ដើម្បីសម្ពោធ​យុទ្ធនាការ​«សម្លេងសេរីភាព» គាំទ្រសកម្មជនសិទ្ធិដីធ្លី អ្នកស្រី យ៉ោម បុប្ផា ដែលកំពុងជាប់ពន្ធនាគារ និងស្នើសុំឲ្យមានការដោះលែង​ជាបន្ទាន់។

រូបភាពថតពីអេក្រង់នៃគេហទំព័ររបស់មជ្ឈមណ្ឌលសិទ្ធិមនុស្ស។

សេចក្តីប្រកាសព័ត៌មានបន្តថា ប្រជាពលរដ្ឋទាំងអស់ អាចផ្ញើរសារជាសម្លេង ឬហៅតាមទូរសព្ទ័ មកកាន់ ម.ស.ម.ក ដើម្បី​ចូលរួមគាំទ្រអ្នកស្រីយ៉ោម បុប្ផា។ សម្លេង ឬសារទាំងនោះ នឹងត្រូវបានចាក់ផ្សាយ លើរលកធាតុអាកាសវិទ្យុ អែហ្វអឹម ១០៥ វេលាម៉ោង១១.០០ ដល់ម៉ោង១២.០០ថ្ងៃត្រង់ ពីថ្ងៃអង្គារ ដល់ថ្ងៃព្រហស្បតិ៍ រហូតអ្នកស្រីត្រូវបានដោះលែង។

ជាមួយគ្នានេះដែរ ក៏មានការដាក់បង្ហាញផ្ទាំងបដា រាប់ចំនួនថ្ងៃនៃការជាប់ពន្ធនាគារ [...]

អង្គការអន្តរជាតិមួយ សម្រាប់ការឃ្លាំមើលសិទ្ធមនុស្ស បានអះអាងថាបណ្ដាជនភាគតិច កាន់សាសនាអ៊ីស្លាម រ៉ូហីនជីយ៉ា នៅក្នុងប្រទេសភូមា បានរងគ្រោះនឹង«យុទ្ធនាការបោសសម្អាត»ជនជាតិមួយ ដែលបានធ្វើឲ្យមនុស្សច្រើនជាង១០០នាក់​ស្លាប់​បាត់បង់ជីវិត និងប្រមាណជា ១២៥ពាន់នាក់ផ្សេងទៀត រត់ភៀសខ្លួន។

រូបភាពពីចម្ងាយនៃការដុតបំផ្លាញភូមិស្រុក របស់បណ្ដាជនអ្នកកាន់សាសនាអ៊ីស្លាម។

កាលពីថ្ងៃច័ន្ទទី២២ខែមេសានេះ អង្គការឃ្លាំមើលសិទ្ធមនុស្ស ដែលហៅជាភាសាអង់គ្លេសថា  Human Rights Watch បាន​បញ្ជាក់ថាយុទ្ធនាការនេះ ត្រូវ​បានបញ្ជាដោយ អាជ្ញាភូមា ដោយមានកិច្ចសហការ ពីសំណាក់សង្ឃនៃសាសនាព្រះពុទ្ធផង។

អង្គការដែលមានទីតាំងនៅទីក្រុងញ៉ូយក មួយនេះបាននិយាយថា រលកអំពើហឹង្សា ទៅលើតំបន់រ៉ាក់ឃីន (Rakhine) ផ្នែក​ខាងលិចនៃប្រទេស [...]

ជនសង្ស័យទីពីរ ជ័កហារ ត្សាណី (Dzhokhar Tsarnaev) អាយុ១៩ឆ្នាំ នៃព្រឹត្តិការណ៍បំផ្ទុះគ្រាប់បែកពីរគ្រាប់ នៅទីក្រុង​ប៊ូស្តុន នឹងមិនត្រូវជំនុំជម្រះ នៅចំពោះតុលាការយោធាអាមេរិកនោះទេ។ តែជនសង្ស័យ នឹងត្រូវកាត់ទោសដោយ​តុលាការ​សហព័ន្ធស៊ីវីល នៅក្រោមបទចោទប្រកាន់ ពីការប្រើប្រាស់ «អាវុធជាតិផ្ទុះខុសច្បាប់ និងដ៏ប្រល័យ»។ អគ្គរដ្ឋអាជ្ញា​នៃ​សហរដ្ឋអាមេរិក បានលើក​ឡើងពីបទចោទប្រកាន់នេះ នៅថ្ងៃច័ន្ទម្សិលម៉ិញ។

រូបថតជនរងគ្រោះ ក្នុងភេវរកម្ម និងឃាតកម្មនៅប៊ូស្តុន៕

អគ្គរដ្ឋអាជ្ញា លោក អេរិក ហូដ័រ (Eric Holder) បានប្រកាសផ្សាយនៅរសៀលថ្ងៃច័ន្ទទី២២ខែមេសា នូវការចោទប្រកាន់ ប្រឆាំងនឹង ជ័កហារ ត្សាណី ពីបទប្រើប្រាស់«អាវុធជាតិផ្ទុះខុសច្បាប់ និងដ៏ប្រល័យ» ប៉ះពាល់ដល់ជីវិតមនុស្សស្លូតត្រង់។ ជនសង្ស័យអាយុ [...]