អ្វីដែលគេបានដឹង ពីឃាតកម្មលើ អ៊ឹង ម៉េងជឺ៖ មនុស្សជាង១០នាក់ ត្រូវបានឃាត់ខ្លួន
ការឡោមព័ទ្ធភូមិគ្រឹះលោក ថោង សារ៉ាត នៅសង្កាត់ចាក់អង្រែលើ កាលពីថ្ងៃទី០៣ ខែធ្នូ ឆ្នាំ២០១៤នេះ បន្ទាប់ពីកម្លាំងសមត្ថកិច្ច បានឃាត់ខ្លួនជនសង្ស័យទីបួនឈ្មោះ លី សៅ (ហៅវី) នាសៀលថ្ងៃដដែល។ ឈ្មោះ លី សៅ ត្រូវបានសង្ស័យថា ជាអ្នកបើកម៉ូតូដឹកជនដៃដល់ ដែលទៅបាញ់សម្លាប់លោក អ៊ឹង ម៉េងជឺ។
រសៀលថ្ងៃទី៣ ខែធ្នូនេះ ប្ដីប្រពន្ធដែលមានដើមកំណើតជាជនជាតិវៀតណាមពីរនាក់ និងជាឪពុកម្តាយលោក ថោង សារ៉ាត បានធ្វើសន្និសីទសារព័ត៌មានមួយដែរ ដោយចេញមុខការពារកូនរបស់ខ្លួន ពាក់ព័ន្ធនឹងការចោទប្រកាន់សម្លាប់លោក អ៊ឹង ម៉េងជឺ បន្ទាប់ពីសមត្ថកិច្ចឃាត់ខ្លួនអង្គរក្សទីបួន របស់លោក ថោង សារ៉ាត។
អ្នកស្រី កែវ សារី (ហៅចែហាយ) ឋានរន្ដស័ក្ដិជាវរសេនីយ៍ទោ នៅក្រសួងការពារជាតិ និងជាអតីតទីប្រឹក្សា នៃអគ្គលេខាធិការដ្ឋានព្រឹទ្ធសភា រួមនឹងលោក តាំង សុខ ហៅ ថោង ចំរើន [...]