Posts in ‘សម្រាំងបច្ចុប្បន្នភាព’ Category

ហេតុការណ៍អគ្គីភ័យមួយ បានកើតឡើង នៅថ្ងៃទី១៩ ខែសីហា ឆ្នាំ២០១៥ វេលាម៉ោង ៣ និង ៤០នាទីទាបភ្លឺ នាភូមិប៉ាលីល័យ២ សង្កាត់ប៉ាលីល័យ ក្រុងប៉ោយប៉ែត ខេត្តបន្ទាយមានជ័យ ហើយបានឆាបឆេះ ផ្ទះរបស់​ប្រជាពលរដ្ឋមួយខ្នង បណ្តាលឲ្យខូចខាតទ្រព្យសម្បត្តិ នៅក្នុងផ្ទះទាំងស្រុង។

ម្ចាស់ផ្ទះឈ្មោះ សោម ឡាំ អាយុ ៦២ឆ្នាំ បាននិយាយថា ផ្ទះដែលត្រូវភ្លើងឆេះនេះ ផ្នែកខាងលើសង់ពីឈើ និង​ខាងក្រោមសង់ពីថ្មទាំងស្រុង ហើយមានទំហំទទឹង ៨ ម៉ែត បណ្តោយ ៩ ម៉ែត ដំបូលប្រក់ សង្ក័សី។

នៅពេលភ្លើងកំពុងតែឆាបឆេះ ប្រជាពលរដ្ឋនៅជិតខាង និងសមត្ថកិច្ចបាននាំគ្នាជួយពន្លត់ដែរ តែគួរឲ្យ​សោក​ស្តាយ ទោះខំប្រឹងយ៉ាងណា ក៏នៅតែជួយមិនបាន។ ប៉ុន្តែជាសំណាងល្អ ដែលម្ចាស់ផ្ទះមិនបានរងរបួស​អ្វី​ឡើយ នៅក្នុងហេតុកាតណ៍នេះ ហើយអគ្គីភ័យ ក៏មិនបានរាលដាល ដល់ផ្ទះអ្នកជិតខាងដែរ គ្រាន់តែបាត់បង់​ទ្រព្យ​សម្បត្តិ​តែប៉ុណ្ណោះ។

លោក អ៊ុំ សុផល អធិការក្រុងប៉ោយប៉ែត បានលើកឡើងថា [...]

គ្រោះថ្នាក់ចររាចរណ៍ មិនជាធំដុំ តែបានបង្កការភ្ញាក់ផ្អើល នៅតាមបណ្តោយផ្លូវ ២០៥ កែងផ្លូវ ៣២៨ក ហើយ​វា​ក៏ជាហេតុការណ៍ ដែលបានប្រាប់ ទៅអ្នកប្រើប្រាស់ទ្រូងផ្លូវគ្រប់រូប ថាត្រូវមានការប្រុងប្រយ័ត្ន គោរពពីគម្លាត​នៃ​ការបើកបរ (រវាង​យាន្ដ​ពីរ) និងមានការយល់អធ្យាស្រ័យគ្នា។

ឡានដែលរងការខូចខាតម៉ាក LEXUS RX ៣៥០ ស្លាកលេខភ្នំពេញ ២AD-៣៤៥៩ បើកបរដោយ​បុរស​ម្នាក់ ជិះជាមួយប្រពន្ធ កំពុងធ្វើដំណើរទៅតាមផ្លូវខាងលើ ត្រូវបានរ៉ឺម៉កដឹកស្លឹកគ្រៃបុកពីក្រោយ នៅពេល​ដែល​​គាត់​ជាន់ហ្វ្រាំងឈប់ភ្លាមៗ ព្រោះផ្លូវចង្អៀត។ ដោយឡែក រ៉ឺម៉កដែលមានដឹកស្លឹកគ្រៃ មិនអាចឈប់ ទាន់​​ពេល​​បាន ក៏ជ្រុលទៅបុកឡានខាងលើ ពីក្រោយបណ្តាលឲ្យ មានការខូចខាតមួយចំនួន។

ភ្លាមៗ បន្ទាប់ពីមានបញ្ហា ម្ចាស់រ៉ឺម៉កដឹកស្លឹកគ្រៃ ដែលជាយុវជនម្នាក់ អាយុប្រមាណជាង២០ឆ្នាំ មិនស្គាល់​អត្តសញ្ញាណ និងដែលកំពុងធ្វើដំណើរចេញ ពីផ្សារដើមគ ឆ្ពោះទៅកាន់កំពង់ដរអរិយ៍ក្សត្រនោះ [...]

នៅល្ងាចថ្ងៃទី៨ ខែសីហា ឆ្នាំ២០១៥នេះ លោក សម រង្ស៊ី មេដឹកនាំគណបក្សសង្គ្រោះជាតិ បានចាកចេញ​ពី​ប្រទេសកម្ពុជា ឆ្ពោះទៅកាន់ប្រទេសអូស្ត្រាលី ក្នុងរយៈពេល១០ថ្ងៃ។ គេមិនដឹងឲ្យច្បាស់ថា តើប្រធាន​គណបក្ស​ប្រឆាំងរូបនេះ ចាកចេញទៅកាន់ទីនោះ មានមូលហេតុអ្វីទេ ប៉ុន្តែវាជាការចាកចេញមួយ ដែលធ្វើ​ឡើង​​ខណៈ​ក្រុម​មន្ត្រី និងសកម្មជនរបស់គណបក្សសង្គ្រោះជាតិ កំពុងស្ថិតក្នុងការជាប់ឃុំ ក្នុងពន្ធនាគារ ហើយ​ការ​បោះ​ដៃ​របស់​លោក ទៅ​រក​រដ្ឋាភិបាលលោក ហ៊ុន សែន ក្នុងរឿងទាំងនេះ ទំនងជាបានជួបបរាជ័យ។

ប្រភពពីមន្ត្រីជាន់ខ្ពស់ របស់គណបក្សសង្ក្រោះជាតិ បាននិយាយថា លោក សម រង្ស៊ី បានចាកចេញទៅនេះ ដើម្បីជួបជាមួយនឹងសកម្មជន នៅប្រទេសអូស្ត្រាលី និងជួបជាមួយអនុប្រធានរបស់លោក គឺលោក កឹម សុខា ដែលកំពុងស្ថិតទីនោះស្រាប់។ លោក កឹម សុខា ដែលបានចាកចេញពីប្រទេសកម្ពុជា កាលពីរសៀលថ្ងៃទី១៦ ខែសីហា ឆ្នាំ២០១៥ តែប៉ុន្មានម៉ោង ក្រោយការត្រឡប់ មកប្រទេសវិញ របស់លោក សម [...]

មេដឹកនាំគណបក្សសង្គ្រោះជាតិ លោក សម រង្ស៊ី បានសម្ដែងសុទិដ្ឋិនិយមថា ស្ថានភាពតានតឹង ផ្នែក​នយោបាយលើក«ទីបី»នេះ អាចនឹងមានច្រកសម្រាប់ទម្លាយ បន្ទាប់ពីស្ថានការតានតឹង នៃនយោបាយ ក្នុង​ឆ្នាំ២០១៤ ទាំង«ពីរ» ត្រូវបានទម្លាយដោយស្របច្បាប់ និងដោយជោគជ័យ ក្រោមកិច្ចអន្តរាគមន៍ របស់លោក​នាយករដ្ឋមន្រ្តី ហ៊ុន សែន។ ការថ្លែងរបស់លោក សម រង្ស៊ី បានធ្វើឡើង ទៅកាន់អ្នកសារព័ត៌មាន បន្ទាប់​ពី​លោកបានជួប និងសួរសុខទុកសកម្មជន ទាំង១១រូប នៅមុខមន្ទីរអប់រំកែប្រែទី១ ព្រៃស ដោយលោក បាន​អះ​អាងទៀតថា លោកនឹងព្យាយាមចរចា ជាមួយលោក ហ៊ុន សែន នាយរដ្ឋមន្ត្រីកម្ពុជា ក្នុងពេលឆាប់ៗខាងមុខ ទៅតាមស្ថានភាព និងស្ថានការជាក់ស្តែង។។

លោកបន្តថា ទាំងរូបលោកផ្ទាល់ ទាំងលោកនាយករដ្ឋមន្រ្តី ហ៊ុន សែន មានគោលដៅ និងគំនិតតែមួយដូចគ្នា ក្នុងការបង្រួបបង្រួមជាតិ និងប្រមូលអ្នកមានចំណេះដឹង ដើម្បីការពារបូរណភាពទឹកដី តែមួយដូចគ្នា។

ប៉ុន្តែលោក សម រង្ស៊ី [...]