អង្គរក្លាយជាកន្លែងដ៏ពេញនិយម សម្រាប់ជនបរទេសថតស្រាត?
ថ្មីនេះៗ មានរូបភាពថតស្រាតរបស់ជនបរទេសជាច្រើន ត្រូវបានយកមកបង្ហោះ ពាសពេញបណ្តាញសង្គម។ រូបភាពទាំងនោះ បានបង្ហាញឲ្យឃើញថា ជនបរទេស ឬភ្ញៀវទេសចរណ៍ ដែលមកទស្សនាកំសាន្ត ក្នុងប្រទេសកម្ពុជា មានការពេញនិយមយ៉ាងខ្លាំង ក្នុងការយកទិដ្ឋភាពជុំវិញ នៃតំបន់ទេសចរណ៍វប្បធម៌ ដ៏ល្អប្រណិតរបស់ប្រទេសនេះ ដើម្បីសម្រេចសមិទ្ធិផលដ៏ពិសេសរបស់ពួកគេ នោះគឺថតរូបស្រាត។
គ្រាន់តែមួយរយៈពេលនេះ យ៉ាងហោចណាស់ករណីចំនួនពីរ ត្រូវបានអាជ្ញាធរគ្រប់គ្រងតំបន់អង្គរ ហៅកាត់ថា អប្សរា ចាប់បាន។ ករណីទីមួយ បានធ្លាក់ទៅលើបុរសជនជាតិបារាំង ៣នាក់ ដែលទើបតែត្រូវបានកាត់ទោស ឱ្យជាប់ពន្ធនាគាររយៈពេល៦ខែ ដោយព្យួរទោស ហើយបណ្តេញចេញពីស្រុក មិនឱ្យចូលមកកម្ពុជា រយៈពេល៤ឆ្នាំ បន្ទាប់ពីពួកគេបាននាំគ្នាថតស្រាត នៅក្នុងប្រាសាទបន្ទាយក្ដី ចំណាស់តាំងពីជិត១ពាន់ឆ្នាំ។ ករណីក្រោយមកទៀត ធ្លាក់ទៅលើស្រ្តីបរទេស ពីរនាក់ផ្សេងទៀត ដែលត្រូវបានផ្ដន្ទាទោស [...]
