Posts in ‘សង្គម’ Category

«យើងទាមទារទៅរាល់សមាជិក របស់រដ្ឋាភិបាលកម្ពុជា នគរបាល និងរាល់បណ្ដាស្ថាប័នពាក់ព័ន្ធ ឲ្យធ្វើការលុបចោលជាបន្ទាន់ នូវព័ត៌មានស្ដីពីអត្តសញ្ញាណ របស់អ្នកសារព័ត៌មាន ចេញពីប្រព័ន្ធអ៊ិនធើណែត»។ នេះ បើតាមសេចក្ដីថ្លែងការណ៍មួយ របស់ក្លិបអ្នកកាសែតបរទេស នៅកម្ពុជា ដែលហៅជាភាសា​អង់គ្លេស «The Overseas Press Club of Cambodia» ចេញផ្សាយនៅមុននេះបន្តិច។

កាលពីរសៀលម្សិលម៉ិញ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានបង្ហោះ​នៅលើ​គណនេយ្យ​ហ្វេសប៊ុក​របស់​លោក នូវរូបថតពីរ-បីសន្លឹក ក្នុងនោះមានពីរសន្លឹក ថតពីពាក្យបណ្ដឹងមួយច្បាប់ និងមួយសន្លឹកទៀត ថតពីលិខិតឆ្លងដែន របស់អ្នកសារព័ត៌មាន ជាតិកាណាដាមួយរូប មកពីសារព័ត៌មាន ខេមបូឌាដេលី។

លោករដ្ឋមន្ត្រី បានសរសេរ អមទៅនឹងរូបថត បង្ហោះ​ជាសាធារណៈ​ទាំង​នេះថា អ្នកកាសែត​ទាំងអស់ ត្រូវ«រៀន​ពីច្បាប់បោះឆ្នោត» និងពី​«ក្រមសីលធម៌» ក្នុងពេលបោះឆ្នោត ឲ្យបានខ្ជាប់ខ្ជួន [...]

អ្នកកាសែតទាំងអស់ ត្រូវរៀនពីច្បាប់បោះឆ្នោត និងពីក្រមសីលធម៌ ក្នុងពេលបោះឆ្នោត ឲ្យបានខ្ជាប់ខ្ជួន ដើម្បីចៀសវាង ពីការចោទប្រកាន់នានា។ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានសរសេរដូច្នេះ នៅលើបណ្ដាញសង្គម កាលពីរសៀលម្សិលម៉ិញ ដោយមានភ្ជាប់មកជាមួយ នូររូបថតពីរសន្លឹក ថតពីពាក្យបណ្ដឹងមួយច្បាប់ និងមួយសន្លឹកទៀត ថតពីលិខិតឆ្លងដែន របស់អ្នកសារព័ត៌មាន ជាតិកាណាដាមួយរូប មកពីសារព័ត៌មាន ខេមបូឌាដេលី។

ពាក្យបណ្ដឹងនោះ ត្រូវបានលោក រម៉ាម យួត មេឃុំមួយរូប មកពីគណបក្ស សម រង្ស៊ី រួមជាមួយអ្នកស្រុក ពីរនាក់ទៀត នៅក្នុងឃុំប៉ាតេ ក្នុងស្រុកអូយ៉ាដាវ ខេត្តរតនគិរី ប្ដឹងឡើងទៅអភិបាលស្រុក ប្រឆាំងនឹងអ្នកសារព័ត៌មានពីររូប របស់សារព័ត៌មានខាងលើ គឺលោក «Zsombor Peter» ជាតិកាណាដា និងលោក អូន ភាព (អ្នកបកប្រែភាសា) ដោយចោទអ្នកសារព័ត៌មាន ថាបានចូលទៅក្នុងភូមិ «ក្នុងគោលបំណងមិនល្អ» បន្ទាប់ពីពួកគេ បានសាកសួរពលរដ្ឋ នៅក្នុងឃុំពីរឿងរ៉ាវ [...]

ខណៈក្នុងប្រទេសកម្ពុជា បានធ្វើពិធីទទួល សពទាហានខ្មែរទាំង៤រូប ក្នុងយប់ថ្ងៃអាទិត្យ ទី២១ ខែឧសភា នៅអាកាសយានដ្ឋានអន្តរជាតិភ្នំពេញ ដោយមានការចូលរួម ពីក្រុមគ្រួសារសព លោកនាយករដ្ឋមន្ត្រី ហ៊ុន សែន និងមន្ត្រីជាន់ខ្ពស់ច្រើននាក់នោះ វីរភាពរបស់ទាហានខ្មែរទាំងនេះ ក៏ត្រូវបានផ្ដល់កិត្តិយស ដោយ «Minusca (បេសកកម្ម​​ពហុ​ជំនាញ ​របស់​អង្គការ​សហប្រជា​ជាតិ ដើម្បីស្ថិរភាព នៅប្រទេសអាហ្វ្រិក​កណ្ដាល)» ក្នុងពិធីរំលឹកវិញ្ញាណក្ខន្ធមួយ កាលពីល្ងាចថ្ងៃសុក្រ ទី១២ ខែឧសភា នៅក្នុងរដ្ឋធានី «Bangui» នៃប្រទេសអាហ្វ្រិកកណ្ដាលដែរ។

ក្នុងពិធីនោះ មានការចូលរួម ពីអគ្គលេខាធិការ​រង អង្គការ​សហ​ប្រជា​ជាតិ លោក ហ្សង់ព្យែ ឡាក្រ័រ (Jean Pierre Lacroix) ព្រមទាំង​សមាជិក​រដ្ឋាភិបាល នៃ​ប្រទេស​អាហ្វ្រិក​កណ្ដាល មន្ត្រី​ការទូត​បរទេស និង​មន្ត្រី​ទទួល​ខុស​ត្រូវ ក្នុង«Minusca» ជាច្រើននាក់។

យុទ្ធជនមួកខៀវកម្ពុជា ទាំងបួនរូប រួមមាន៖ [...]

នៅកម្ពុជា មន្ត្រីប្រព្រឹត្តិល្មើស ទទួលរង្វាន់? លោក គ្រី ស៊ាងឡុង អតីត​មន្ត្រីក្រសួងអប់រំ យុវជន និងកីឡា និងជាតំណាងឲ្យកម្ពុជា ដែលបានប្រព្រឹត្តិការបៀតបៀនកេរ្ដិ៍ខ្មាស់ លើស្ត្រីអ្នកបកប្រែជាតិកូរ៉េម្នាក់ នៅក្នុងវេទិកា​ស្ដីពី​ការ​អភិវឌ្ឍ​ធនធាន​មនុស្ស​ អាស៊ាន​បូក​ ៣ ​នៅក្នុងប្រទេស​កូរ៉េ​ខាង​ត្បូង ​កាលពី​ឆ្នាំ​មុន​នោះ ត្រូវបានដំឡើងឋានៈ ពី​គ្រូបង្រៀន​កម្រិត​ឧត្តម​ដើម​ខ្សែ ​ថ្នាក់​លេខ​ ២ ​មក​គ្រូបង្រៀន​កម្រិត​ឧត្តម​ដើមខ្សែ ​ថ្នាក់​លេខ​ ១។ នេះបើតាងអនុក្រឹត្យ​ មួយ​ចុះ​ហត្ថលេខា ​ដោយ​លោក​នាយក​រដ្ឋមន្ត្រី ហ៊ុន សែន ចុះ​ថ្ងៃ​ទី​ ២២ មីនា ឆ្នាំ២០១៧ ដែលទើបនឹងធ្លាក់មកដល់ដៃអ្នកសារព័ត៌មាន កាលពីប៉ុន្មានថ្ងៃមុននេះ។

បន្ទាប់ពីផ្ទុះរឿងអាស្រូវ ដែលធ្វើឲ្យក្រសួង ចេញលិខិតប្រកាសព័ត៌មានដ៏ច្របូកច្របល់ កាលពីអំឡុង​ពេលនោះ លោក គ្រី ស៊ាងឡុង [...]

ព្រះមហាក្សត្រថៃ កាលនៅជាព្រះអង្គម្ចាស់ បានចេញដើរកម្សាន្ដ ទៅតាមចំណង់ចំណូលចិត្ត និងសេរីភាពរបស់ទ្រង់ នៅក្នុងផ្សារទំនើបមួយ ដែលគេគិតថា ជាផ្សារទំនើប នៅក្នុងក្រុងម៉ូនិច ប្រទេសអាល្លឺម៉ង់។ ហើយការចេញប្រព្រាតផ្សារនេះ ត្រូវបានអ្នកស្គាល់ទ្រង់ ថតជាវីដេអូ មុននឹងយកវីដេអូនេះ មកទម្លាយតៗគ្នា ជាពិសេសយកមកបង្ហោះ នៅលើបណ្ដាញសង្គម ហ្វេសប៊ុក (Facebook)។ នៅទីបំផុត អាជ្ញាធរថៃបែរជាគម្រាម​បិតហ្វេសប៊ុក ប្រសិនជាបណ្ដាញសង្គមដ៏ធំមួយនេះ មិនព្រមលុបចេញ នូវទំព័រហ្វេសប៊ុកច្រើនរយទំព័រ ដែលបានបង្ហោះវីដេអូខាងលើនោះទេ។

សារព័ត៌មាន «TOMO» ជំនាញខាងធ្វើអាត្ថាធិប្បាយជារូបភាព ទៅលើព្រឹត្តិការណ៍សំខាន់ៗ នៅក្នុងពិភពលោក បានចោទជាសំនួរឡើងថា៖ «និយាយឲ្យពិតទៅ តើវាជាកំហុស របស់ហ្វេសប៊ុកឬ?»។

សារព័ត៌មានចម្រុះភាសា «TOMO» ផ្សាយនៅលើបណ្ដាញអ៊ិនធើណែត និងមានទីតាំង នៅក្នុងរដ្ឋធានី តៃប៉ិ ប្រទេសតៃវ៉ាន់ ក៏បានធ្វើវីដេអូមួយ [...]