ស្ដេចខ្មែរធ្លាប់ប្រទាន«មេដាយសហមេត្រី» ឲ្យមន្ត្រីយួន២១នាក់រឿងព្រំដែន
ការផ្ដល់មេដាយឲ្យមន្ត្រីជាន់ខ្ពស់ផងគ្នា ទៅវិញទៅមក បានបង្ហាញពីសភាពចាក់ទឹកមិនលេច នៃសម្ព័ន្ធមេត្រីភាព រវាងប្រទេសបងប្អូនម្មឺនឆ្នាំទាំងពីរ កម្ពុជា-វៀតណាម។ បើមន្ត្រីជាន់ខ្ពស់កម្ពុជាបីរូប ក្នុងនោះមានពីរនាក់ជាប្អូនស្រីបង្កើត របស់នាយករដ្ឋមន្ត្រីលោក ហ៊ុន សែន បានទទួលមេដាយ«ស្នេហាជាតិ»ជាកិត្តិយស ពីប្រទេសវៀតណាម កាលពីពីរសប្ដាហ៍មុននោះ មន្ត្រីជាន់ខ្ពស់របស់ប្រទេសកុម្មុយនីសវៀតណាម ក៏ធ្លាប់ទទួលមេដាយ«សហមេត្រី»ជាច្រើនថ្នាក់ ពីព្រះមហាក្សត្រកម្ពុជាដែរ។
នៅក្នុងព្រះរាជក្រិត្យមួយ ដែលចេញផ្សាយនៅក្នុងសៀវភៅរាជកិច្ច តាំងពីឆ្នាំ២០០៥ បានបង្ហាញថា មន្ត្រីជាន់ខ្ពស់ និងថ្នាក់មធ្យមវៀតណាមចំនួន២១រូប ត្រូវបានព្រះមហាក្សត្រកម្ពុជា ព្រះបាទ ព្រះនរោត្ដម សីហមុនី ទ្រង់ប្រោសប្រទាន ផ្ដល់មេដាយ«សហមេត្រី»ជូន។ [...]
