«យើងចង់ឲ្យអតិថិជនចូលហាង... មិនមែនកង់រថយន្ដទេ!»
នៅខណៈពេល កំពុងរង់ចាំដើម្បីពិគ្រោះ និងជាវថ្នាំពេទ្យ នៅក្នុងហាងលក់ថ្នាំពេទ្យមួយ អតិថិជនពីររូបបានរងការភ័យភិតមិនស្ទើរ ដោយត្រូវកង់រថយន្ដមួយ មិនដឹងចេញពីណាមក ហោះសំដៅមករកខ្លួន។ ហេតុការណ៍បានកើតឡើង កាលពីថ្ងៃសុក្រសប្ដាហ៍មុន នៅក្នុងទីក្រុង «Adana» ស្ថិតនៅភាគខាងត្បូង នៃប្រទេសទួកគី ដោយមិនបានធ្វើឲ្យនរណាម្នាក់ រងរបួសធ្ងន់ធ្ងរនោះទេ។
នៅក្នុងវីដេអូ ដែលថតជាប់ដោយកាម៉េរា សុវត្ថិភាព បានបង្ហាញថា កង់រថយន្ដនេះ បានរបូតចេញ ពីរថយន្ដមួយ ដែលបើកនៅលើដង់ផ្លូវ ខាងមុខហាង។ កង់រថយន្ដបានរត់ត្រង់ ដោយឆ្លងកាត់ផ្លូវ និងចិញ្ចើមថ្នល់ ទៅបុកនឹងដើមឈើមួយ មុននឹងហោះចូលត្រង់ភ្លឹង តាមទ្វាហាងលក់ថ្នាំពេទ្យ។ នៅទីបំផុត គឺអតិថិជនពីរនាក់ខាងលើ ជាអ្នករងទម្ងន់កង់រថយន្ដមួយនេះ ម្នាក់ម្ដង។
បុគ្គលិកមួយរូប របស់ហាងលក់ថ្នាំ បានថ្លែងប្រាប់សារព័ត៌មានក្នុងស្រុក «Daily Sabah» [...]
