នូ ស៊ិប រូបភាពជាតារាចម្រៀងជើងចាស់ មិនអាចព្យាបាលជំងឺខ្លួនបាន
ជីវិតជាអ្នកសិល្បៈក្នុងប្រទេសកម្ពុជា មិនមានភាពរុងរឿងទេ បើសូម្បីតែប្រាក់ សម្រាប់ព្យាបាលជំងឺរបស់ខ្លួនក៏ដោយ។ ជាពិសេស បើគ្រាន់តែអវត្តមានមិនបានចេញច្រៀងទៀត បានធ្វើឲ្យលោក នូ ស៊ិប វ័យ ៦៧ ឆ្នាំ ដែលរងរបួសដោយសារគ្រោះថ្នាក់ចរាចរណ៍ ប្រឈមនឹងកង្វះខាតផ្នែកថវិកា សម្រាប់ព្យាបាលជំងឺ ហើយកំពុងស្ថិតក្នុងសភាពកាន់តែដុនដាបទៅៗ។ បច្ចុប្បន្ននេះ លោកកំពុងស្នាក់ និងស្ថិតក្រោមការពឹងអាស្រ័យ លើក្មួយម្នាក់ក្នុងផ្ទះជួលមួយ នារាជធានីភ្នំពេញ។
តាមរយៈវីដេអូមួយ ដែលត្រូវបានយកមកបង្ហោះ នៅលើបណ្ដាញសង្គម លោក នូ ស៊ិប បានរៀបរាប់ថា លោកមិនបានស្វែងរកការព្យាបាល ពីមន្ទីរពេទ្យណាមួយឡើយ ដោយគ្រាន់តែឲ្យក្មួយរស់នៅជាមួយ ទិញថ្នាំយកមកព្យាបាលខ្លួនឯង ព្រោះតែលោកធ្លាប់ចេះវិជ្ជាពេទ្យខ្លះៗដែរ និងពិសេសជាងនេះនោះ ក៏ព្រោះតែលោកមិនមានថវិកាគ្រប់គ្រាន់ ក្នុងការព្យាបាល។ [...]