Posts in ‘តារា ជនល្បីៗ’ Category

វេលាម៉ោង ៨ និង ១២ នាទីព្រឹកថ្ងៃ ទី ១៨ ខែ កញ្ញា ឆ្នាំ២០១៥នេះ ភរិយារបស់លោក ជា វណ្ណារិទ្ធ បានសម្រាល​កូនប្រុសមួយរូប ដ៏ស្រស់ស្អាតដែលមានទំងន់ ៣, ៣១ គីឡូក្រាម និងមានប្រវែង ៥០ សង់ទីម៉ែត នៅក្នុង​មន្ទីរ​ពេទ្យពហុព្យាបាលមួយ ក្នុងរាជធានីភ្នំពេញ។

តាមការថ្លែងរបស់លោក ទៅកាន់សារពត៍មានក្នុងស្រុកមួយ បានឲ្យដឹងថា៖ «ពេលនេះ ទាំងម្ដាយ និង កូន គឺ​ពួកគាត់មានសុខភាពល្អធម្មតាទេ»។ លោកបានបន្តថា ទារកដែលទើបសម្រាលព្រឹកនេះ មានឈ្មោះថា ជា ប្រសិទ្ធិរិទ្ធ។

លោកបានបញ្ជាក់ថា ប្រហែលជាសម្រាកនៅមន្ទីរពេទ្យ បួន ប្រាំ ថ្ងៃសិន ទើបចេញត្រឡប់ទៅផ្ទះវិញ។ លោក​ពិត​ជាមានអារម្មណ៍ សប្បាយរីករាយ រកពាក្យអ្វីនិយាយមិនបានទេ ពេលកូនប្រុស និង ភរិយាសំណព្វចិត្ត មាន​សុខភាពរឹងមាំទាំងពីរ។

បើយើងក្រលេកមើលរូបថត ដែលលោកបានថតជាមួយគ្រួសារវិញ នៅលើបណ្តាញសង្គម គឺពិតជា រីករាយ និង​មានសុភមង្គលណា ស់ចំពោះវត្តមានរបស់សមាជិតថ្មី [...]

ការចុះផ្សាយពីរឿងរ៉ាវផ្ទាល់ខ្លួន របស់តារាកំប្លែង អ្នកនាង ខ្ញុង ពីសំណាក់សារព័ត៌មានក្នុងស្រុកមួយចំនួន បានធ្វើឲ្យអ្នកនាង ស្រេង សុកាន់ដា ហៅ ខ្ញុង ចេញមុខមកធ្វើប្រតិកម្មខ្លាំងៗ។ មិនត្រឹមតែការចុះ​ផ្សាយ​របស់​សារព័ត៌មានទេ តែអ្នកនាង ខ្ញុង ក៏បានសម្ដែងការមិនសប្បាយចិត្ត ទៅលើការបេញ្ចេញយោបល់ ឬការបន្ទរ របស់អ្នកប្រើប្រាស់បណ្ដាញសង្គមមួយចំនួន ដែលមានលក្ខណៈជេរប្រទេច និងការរិះគន់ មិនប្រកប​ដោយ​ការ​ស្ថាបនានោះ។

តើការក្ដៅក្រហាយរបស់នាង ស្រេង សុកាន់ដា មានដល់កម្រិតណា ទើបតារាកំប្លែងដ៏មានប្រជាប្រិយរូបនេះ ទ្រាំមិនបាន រហូតចេញជាវីដេអូប្រតិកម្ម នៅលើបណ្ដាញសង្គម តបមកខាងសារព័ត៌មាន និងក្រុមអ្នកលេង​ហ្វេសប៊ុកវិញ?

តាមពិតទៅ ការចុះផ្សាយនោះ ជាការដកស្រង់សម្ដី​របស់អ្នកនាង ខ្ញុង ខ្លួនឯង ដែលបានផ្ដល់កិច្ចសម្ភាស ទៅ​សារព័ត៌មាន​ក្នុងស្រុកនោះ។ តារាមេម៉ាយកូនមួយរូបនេះ បានថ្លែងនៅក្នុងកិច្ចសម្ភាសនោះថា៖ [...]

តើមានរឿងអ្វី ដែលបានកើតឡើង ចំពោះតារាសម្ដែង កញ្ញា ភិន សុដាលីស អស់រយៈពេលជាង៣ឆ្នាំមកនេះ? តើរឿងរ៉ាវ មានទម្ងន់ដល់កម្រិតណា ដែលបានជំរុញឲ្យកញ្ញា ដាច់ចិត្តរត់ចេញពីផ្ទះ? វីដេអូឃ្លីបមួយ ដែល​បង្ហោះ​ដោយតារាសម្ដែងផ្ទាល់ បានរៀបរាប់ ទាំងអួលដើមករ ប្រាប់អ្នកគាំទ្រកញ្ញា ព្រមទាំង​លោក​«ប៉ា»​កញ្ញា​ថា កញ្ញាមិនអាចទ្រាំ នឹងការគាបសង្កត់ផ្លូវចិត្ត ពីលោកឪពុករបស់កញ្ញា ក្នុងការធ្វើឲ្យប្រែប្រួល នូវគូរជីវិត​របស់​កញ្ញា មួយលើកជាពីរលើក រហូតដល់មានបញ្ហាផ្លូវចិត្តនេះ បានទៀតទេ។

នាងបានបញ្ជាក់ថា នាងមិនអាចរស់នៅ ជាកូនកតញ្ញូ ក្នុងផ្ទះទៀតបានទេ។ រាល់ថ្ងៃនេះ លោក«ប៉ា» នៅតែជា​ឪពុក​ដ៏ល្អរបស់នាង តែអ្វីដែលធ្វើឱ្យនាងពិបាកខ្លាំង គឺត្រូវឪពុក សម័យ«នំមិនធំជានាល» បង្ខំឱ្យនាង​ស្រឡាញ់​គ្នាវិញ ជាមួយលោក ប៉ែន តុលា។ តារាសម្ដែងមុខស្រស់ បានបន្តពន្យល់ទៀតថា លោក«ប៉ា» បាន​លួង​លោម​កញ្ញា សុដាលីស ឱ្យស្រឡាញ់លោក ប៉ែន តុលា រហូតបានដល់ការភ្ជាប់ពាក្យ [...]

សារពត័មានក្នុងស្រុកមួយឈ្មោះ ហ្វ្រេសញូ បានរាយការណ៍ថា ហេតុការណ៍ ដែលលោកចាងហ្វាងផលិតកម្ម មហាហង្ស លោក អ៊ិន សុភិន បានវាយលោក ប៉ែន ចំរ៉ុង នេះ បានកើតឡើង នៅប្រមាណវេលាម៉ោង ២២យប់ ថ្ងៃ​ទី២៦ ខែសីហា ឆ្នាំ២០១៥ ស្ថិតនៅខណ្ឌសែនសុខ នៅពេលដែលលោក ប៉ែន ចំរ៉ុង បានជូនកូនស្រី​របស់​លោក ត្រលប់មកផ្ទះវិញ។

នៅពេលដែលឃើញកូនស្រី និងលោក ចំរ៉ុង មានទំនាក់ទំនង«ប្លែកៗ» ខុសពីមិត្តធម្មតា លោកបាន​ប្រាប់ឲ្យអ្នក​ទាំង​ពីរ (ចំរ៉ុងនិង ដាលីស) ឈប់ទាក់ទងគ្នា ហើយបានរំលឹករឿងនេះ ជាច្រើនដងមកហើយ។ តែពួកគេ នៅ​តែ​លួច​ទាក់ទងគ្នាទៀត ទើបលោក សុភិន បានប្រើវិធីសាស្ត្រ ដ៏ពិសេសមួយ នោះគឺ«ទាត់»លោក ប៉ែន ចំរ៉ុង ដើម្បី​គំរាម​តារាប្រុស ឲ្យឈប់ទាក់ទងកូនស្រីទៀត។ លោក សុភិន បានបញ្ជាក់ទៀតថា កូនស្រី របស់លោកមាន​គូ​ដណ្តឹង​​ហើយ ត្រៀមចូលរោងការ នៅបំណាច់ឆ្នាំនេះ។

លោក អ៊ិន សុភិន និយាយប្រាប់ក្រុមអ្នកសារព័ត៌មាន នៅភូមិគ្រឹះរបស់លោក នៅថ្ងៃទី២៧ ខែសីហានេះថា៖ [...]

តាមការអះអាង របស់ព្រះរាជអាជ្ញាអមសាលាដំបូង ខេត្តបាត់ដំបង បានលើកឡើងថា អតីតពិធីការិនីស្ថានីយ​ទូរទស្សន៍ CTN កញ្ញា ឯក សុជាតា ហៅ សាសា បើបន្តការគេចវេសជាលើកទីពីរ និងមិនព្រមចូលខ្លួនមក​ឆ្លើយ​បំភ្លឺទេ តុលាការនឹងអាចមានវិធានការ «នាំខ្លួន»ជាបន្ត។ ការថ្លែងព្រមានរបស់មន្ត្រីតុលាការនេះ បានធ្វើឡើង បន្ទាប់ពីព្រះរាជអាជ្ញារង សាលាដំបូងខេត្តបាត់ដំបង បានចេញដីកាកោះហៅកញ្ញា ឯក សុជាតា ហៅ សាសា ជា​លើកទី២ ឲ្យបំភ្លឺក្នុងសំណុំរឿងគ្រោះថ្នាក់ចរាចរណ៍ (កើតហេតុ កាលពីថ្ងៃទី២ ខែសីហា កន្លងទៅ)  នៅថ្ងៃ​ទី​១០ ខែកញ្ញា ឆ្នាំ២០១៥ វេលាម៉ោង៨ និង៣០នាទីខាងមុខនេះ។

សូមរំលឹកថា ព្រះរាជអាជ្ញារងអមសាលាដំបូងខេត្តបាត់ដំបង បានចេញដីកា​កោះហៅកញ្ញា សាសា ឲ្យចូលបំភ្លឺ ក្នុងថ្ងៃទី២៧ ខែសីហា ឆ្នាំ២០១៥ ទាក់ទងសំណុំរឿងគ្រោះថ្នាក់ចរាចរណ៍ កាលពីថ្ងៃទី២ ខែសីហា ឆ្នាំ២០១៥ តែ​មិនបានចូល បំភ្លឺតាមការកោះហៅឡើយ ហើយក៏មិនបានបញ្ជាក់ ពីមូលហេតុនៃការអវត្តមាននេះ [...]