Posts in ‘គំនូរ ចម្លាក់’ Category

អ្នកចម្រៀងអាមេរិកាំងដ៏ល្បី ឡេឌី ហ្គាហ្គា (Lady Gaga) កំពុងត្រូវបានប្រឈមនឹងពាក្យបណ្ដឹងមួយ របស់វិចិត្រការិនី​ផ្នែកចម្លាក់មួយរូប ជាជនជាតិបារាំង ឈ្មោះ អ័ឡង់ (Orlan)។ វិចិត្រការិនី បានប្ដឹងអ្នកចម្រៀង ថាបានលួចចម្លងស្នាដៃ​របស់គាត់ នៅក្នុងថាសចម្រៀងដែលទើបនឹងចេញផ្សាយ ឈ្មោះថា «Born this way (កើតតាមរបៀបនេះ)»។

វិចិត្រការិនីចម្លាក់ អ័រឡង់ និងអ្នកចម្រៀងឡេឌី ហ្គាហ្គា ជុំវិញស្នាដៃដែលវិចិត្រការិនី ធ្វើការចោទប្រកាន់។

តើឡេឌី ហ្គាហ្គា ស្គាល់អ័រឡង់ឬទេ? មិនមែនជារឿងគួរឲ្យសង្ស័យទេ ព្រោះវិចិត្រការិនីជនជាតិបារាំង ក៏មានឈ្មោះ​ល្បី​ខ្លាំងណាស់ដែរ នៅលើឆាកអន្តរជាតិ ស្ដីពីសិល្បៈចម្លាក់ និងការតុបតែងពិសេសៗ។ នោះជាអ្វីដែល អ័ឡង់ បានប្ដឹង ឡេឌី ហ្គាហ្គា ទៅតុលាការទីក្រុងប៉ារីស ពីបទ«លួចរចនាមូដ» [...]

សារមន្ទីរសិល្បៈនៃទីក្រុងញ៉ូយក បានប្រកាសពីថ្ងៃសុក្រទី០៣ខែមេសានេះ ថាខ្លួននឹងសងទៅកម្ពុជាវិញ នូវរូបចម្លាក់ខ្មែរ​ចំនួនពីរ ចំណាស់តាំងពីសតវត្សន៍ទី១០។ ទីក្រុងភ្នំពេញបាននិយាយថា រូបចម្លាក់ទាំងពីរនេះ ត្រូវបានលួចចេញពីប្រាសាទ​ដើមរបស់វាមួយ នៅកណ្ដាលព្រៃ។

ផ្នែកមួយដែលតាំងសុទ្ធតែចម្លាក់មកពីទ្វីបអាស៊ី របស់សារមន្ទីរសិល្បៈនៃទីក្រុងញ៉ូយក។

សារមន្ទីរអាមេរិកាំង បានបញ្ជាក់ថា រូបចម្លាក់ចំនួនពីរធ្វើពីថ្មភក់ នៃរចនាបទ«កោះកែរ» នឹងត្រូវបញ្ជូនសងទៅឲ្យកម្ពុជាវិញ បន្ទាប់ពីបានដាក់តាំងពិព័ណ៌អស់រយះពេល ២០ឆ្នាំកន្លងមក នៅក្នុងផ្នែកមួយនៃសិល្បៈចម្លាក់អាស៊ីរបស់សារមន្ទីរ។

» សូមអានអត្ថបទដែលទាក់នឹងប្រធានបទនេះឡើងវិញ

វិចិត្រការិនីគំនូរ ជាស្ត្រីជាតិអ៊ុយក្រែនមួយរូប បានបង្កើតអោយមាន នូវយុទ្ធនាការធ្វើរូបភាពមួយ ដែលមានឈ្មោះថា «រូបភាពពីស្កកៅស៊ូ»។

វិចិត្រការិនី អាណា សូហ្វីយ៉ា ម៉ាវើយ៉េវ៉ា នៅពីមុខស្នាដៃរបស់នាង ស្ទៀវ ចប។

ក្នុងគោលបំណងធ្វើបដិវត្តផង និងចេញពីចំណង់ចំណូលចិត្តរបស់នាងផង វិចិត្រការិនីឈ្មោះ អាណា សូហ្វីយ៉ា ម៉ាវើយ៉េវ៉ា (Anna Sofia Matveyeva) បានដាក់ចិត្តដើម្បីបង្កើតគំនិតថ្មីៗ ដោយជំនួសអោយជក់ទឹកខ្មៅ  និងថ្នាំលាបគំនូររបស់នាង ដោយស្កកៅស៊ូ ដែលញ៉ាំរួច។

មុននឹងចាប់ស្នាដៃគំនូរ វិចិត្រករគំនូររូបនេះ បានទំពារប្រដាប់ប្រដាគំនូរ (ស្កកៅស៊ូ) របស់នាង ហើយខ្ជាក់ពួកវាមក​តម្រៀប​តាមពណ៌។ បន្ទាប់មក នាងយកវាទាំងអស់នេះ ទៅកំដៅក្នុងម៉ាស៊ីនកម្ដៅអាហារ។

ស្នាដៃ«ស្កកៅស៊ូ»ថ្មីរបស់នាងនេះ [...]

ដំណឹងពីទីក្រុងញ៉ូយក បានអោយដឹងថា ប្រព័ន្ធយុត្តិធម៌អាមេរិកាំង បានចោទប្រកាន់គ្រឹស្ថានដេញថ្លៃ សូធើបាយ និង​ម្ចាស់​រូបចម្លាក់បូរាណខ្មែរ ថាមានបំណងចង់លាក់ពត៌មាន ដែលបញ្ជាក់ថាពីការលួចចេញពីទីតាំងដើមរបស់វា នៅតំបន់​កោះកែរ កាលពីឆ្នាំ១៩៧២កន្លងទៅ។

 
រូបចម្លាក់ខ្មែរ «Duryodhanna» ដែលកំពុងមានរឿងក្ដីចម្រូងចម្រាស នៅទីក្រុងញ៉ូយក។

ប្រសិនជាគ្រឹស្ថានដេញថ្លៃ ការពារថា ខ្លួនមិនត្រូវបានគេផ្ដល់ពត៌មាន ពីប្រភពខុសច្បាប់ របស់រូបចំលាក់ខ្មែរ ហើយថានឹង​ត្រៀមខ្លួនរួចស្រេច ដើម្បីចូលរួមបញ្ជូនរូបនេះ ត្រឡប់ទៅស្រុកខ្មែរវិញនោះក៏ដោយ ក៏ប្រព័ន្ធតុលាការអាមេរិកាំង នៅតែ​បន្ថែម​នូវភស្ដុតាងជាទម្ងន់ ដែលជាផលអវិជ្ជមាន ផ្ដល់ដល់គ្រឹស្ថាននេះ។

ពត៌មានចុងក្រោយ [...]

រដ្ឋាភិបាលខ្មែរ បញ្ជាក់ថារូបចំលាក់ ដ៏ចាស់ចំនូនពីរ ដែលកំពុងត្រូវបានតាំង នៅក្នុងសារមន្ទីសិល្បៈ មេត្រូប៉ូលីទែន នៅទីក្រុងញ៉ូយក ជារូបចំលាក់ ដែលត្រូវបានគេលួច ចេញពីទីកន្លែងដើមរបស់វា ក្នុងប្រទេសកម្ពុជា។ រូបចំលាក់ទាំងនេះ ត្រូវបានគាស់ចេញ តាំងពីប៉ុន្មានទស្សវត្តមុន ហើយបច្ចុប្បន្ន គេគួរតែប្រគល់វាអោយមកអោយកម្ពុជាវិញ។

រូបចំលាក់ពីថ្មភក់ មានឈ្មោះហៅថា «អ្នកការពារលុតជង្គង់»។ រយះពេលប្រមាណជា ២០ឆ្នាំមកហើយ ដែលរូបចំលាក់ ចំណាស់តាំងពីសតវត្សទី១០ទាំងនេះ ត្រូវបានគេចាត់ទុកជា វត្ថុសិល្បៈដ៏មានតំលៃ ក្នុងចំណោមវត្ថុសិល្បៈផ្សេងទៀត មកពី បណ្ដាប្រទេសអាស៊ីផ្នែកអាគ្នេយ៍។

កាសែត ញ៉ូយកថែម បានធ្វើរបាយការណ៍ពី ករិយាល័យជំនាញខ្មែរមួយ​ [...]