Posts in ‘ពិភពលោក’ Category

អ្នកជិតដិតនឹងលោក ស៊ីវីយ៉ូ ប៊ែរលូស្កូនី (Silvio Berlusconi) ចំនួនបីរូប ត្រូវបានតុលាការផ្ដន្ទាទោស កាលពីថ្ងៃសុក្រ​ទី១៩​ខែកក្កដា ពីបទ«នាំពេស្យាចារ»អោយលោក ខណៈពេលដែលអតីតនាយករដ្ឋមន្ត្រីអ៊ីតាលីរូបនេះ នៅជាប់សំនុំរឿងក្ដី​ទាក់​ទង់អំពើពុករលួយ នៃព្រឹទ្ធសមាជិកមួយរូបពីគណបក្សប្រឆាំង។

នាងរូប៊ី (ខាងឆ្វេង) និងលោកប៊ែរលូស្កូនី។ (រូបថត AP)

រឿងអាស្រូវដែលទាក់ទង់នឹង«ស្រី» របស់អតីតនាយករដ្ឋមន្ត្រីអ៊ីតាលី លោក ស៊ីវីយ៉ូ ប៊ែរលូស្កូនី នៅជាប់រយីងរយោង ដូច​សម្លកំពឹស ជាពិសេសនៅឯតុលាការ។ កាលពីថ្ងៃសុក្រ អ្នកជិតដិតនឹងលោកបីនាក់ បានត្រូវប្រព័ន្ធយុត្តិធម៌របស់ប្រទេស កាត់ក្ដីឲ្យជាប់ពន្ធនាគារ ពីបទដឹក«ញ៉ី»ទៅបន្ស៊ី«ឈ្មោល» ជាពិសេសស្រីលក់ខ្លួនមិនទាន់គ្រប់អាយុមួយនាក់ [...]

ប្រធានគណបក្សប្រឆាំងនៅកម្ពុជា ដែលទើបនឹងត្រឡប់ចូលប្រទេសវិញ នៅថ្ងៃសុក្រទី១៩ខែកក្កដាកន្លងទៅនេះ បាន​បរិហារពីការបំភិតបំភ័យទាំងឡាយ ដែលបានធ្វើទៅលើអ្នកស្និត នឹងគណបក្សរបស់លោក ហើយនឹងត្រៀមចាត់ទុក ការ​បោះឆ្នោតថ្ងៃទី២៨ខែកក្កដាខាងមុខ ថាគ្រាន់តែជា«ឆាកល្ខោន»មួយ ប្រសិនណាលោកមិនអាចឈរឈ្មោះ ជាបេក្ខជន​តំណាងរាស្ត្របាន។

លោក សម រង្សី ផ្ដល់កិច្ចសម្ភាសទៅឲ្យក្រុមអ្នកកាសែត។ (រូបថត AAP file)

មនុស្សសំខាន់ដែលគេចាត់ទុកថា ជាគូរប្រជែងតែមួយគត់ទល់នឹងលោកហ៊ុន សែន បានត្រឡប់ចូលក្នុងប្រទេសកម្ពុជា​ពិត​មែនហើយ តែលោកត្រូវបានគេលប់ឈ្មោះចេញពីបញ្ជីបោះឆ្នោត ហើយនឹងមិនអាចចូលរួមក្នុងការបោះឆ្នោតនេះបានទេ។ នេះ បើតាមការប្រកាសរបស់គណកម្មាធិការជាតិរៀបចំការបោះឆ្នោត ដោយលើកពីច្បាប់បោះឆ្នោត ដែលគណកម្មាធិការ​នេះគិតថា [...]

ព្រឹទ្ធសមាជិកមួយរូប ដែលមកពីគណបក្សមិនចូលចិត្តជនធ្វើចំណាកស្រុក មានឈ្មោះថា «សម្ព័ន្ធភាពខាងជើង» បាន​ប្រៀបធៀបលោកស្រី សេស៊ីល គេនហ្ស៍ (Cecile Kyenge) រដ្ឋមន្ត្រីសម្បុរខ្មៅលើកទីមួយ នៅក្នុងរដ្ឋាភិបាលអ៊ីតាលី ទៅនឹង​សត្វស្វា​អូរ៉ង់-អ៊ូតង់ (orang-outan)។ ជាពាក្យសម្ដីប្រៀបធៀប ដែលប្រមុខរដ្ឋាភិបាលអ៊ីតាលី លោក អង់រីកូ ឡេតា (Enrico Letta) បានចាត់ទុកកាលពីថ្ងៃអាទិត្យទី១៤ខែកក្កដា ថា«ទទួលយកមិនបាន»។

លោកស្រី សេស៊ីល គេនហ្ស៍ រដ្ឋមន្ត្រីក្រសួងរួមបញ្ចូល (ក្នុងសង្គម)។ (រូបថត FILIPPO MONTEFORTE/AFP)

នៅថ្ងៃសៅរ៍ ទី១៣ខែកក្កដា ក្នុងកិច្ចប្រជុំនៃគណបក្សរបស់គាត់ នៅក្នុងទីក្រុងមួយភាគខាងជើងនៃប្រទេសអ៊ីតាលី លោក រ៉ូប៊ែតូ កាដឺរ៉ូលី (Roberto Calderoli) សមាជិកព្រឹទ្ធសភា [...]

បើអស់បេតីហើយ នាងមិនធ្វើការលែងលះពីស្វាមីរបស់ខ្លួននោះទេ តែភរិយាដ៏អស្ចារ្យអាយុ២១ឆ្នាំរូបនេះ បែរជាបាន​ស្វែង​រកមធ្យោបាយ«សមញ្ញៗ» តែពិសេសជាងអ្វីដែលគេនឹកស្មានមិនដល់ ... ជួលនិងពន្យុះឃាតករឲ្យសម្លាប់ប្ដីរបស់ខ្លួន។

ភរិយាវ័យក្មេង នាងជូលៀ មេហ្វៀល នៅក្នុងរថយន្ដរបស់ឃាតករ«សិប្បនិមិត្ត»។ (រូបថត ចម្លងពីអេក្រង់វីដេអូ)

រឿងនេះកើតឡើងតាំងពីខែមេសាកន្លងទៅ តែប្រព័ន្ធផ្សព្វផ្សាយប្រចាំតំបន់ ទើបនឹងទទួលបានវីដេអូនៃដំណើររឿង ដែល​ត្រូវបានអ្នកស៊ើបអង្កេតចេញផ្សាយឲ្យដឹង ពីរឿងដ៏ហួសចិត្តនេះ ក្នុងពេលថ្មីៗនេះ នៅទីក្រុង មឹស្កេហ្គន (Muskegon) នៃ​រដ្ឋមីឈីហ្គែន (Michigan) សហរដ្ឋអាមេរិក។

នាង ជូលៀ មេហ្វៀល (Julia Merfeld) ដែលជាភរិយាចិត្តអាក្រក់នេះ [...]

អគ្គិភ័យបានឆាបឆេះឡើង នៅក្នុងយន្ដហោះប៊ូអ៊ីញ ៧៨៧ (Boeing 787) នៅល្ងាចថ្ងៃសុក្រទី១២ខែកក្កដា ខណៈពេល​ដែលយន្ដហោះនេះ បានមកដល់ព្រលានយន្ដហោះ ហៀដស្រ៊ូវ (Heathrow) នៃទីក្រុងឡុងដ៍ ប្រទេសអង់គ្លេស។ គ្រោះថ្នាក់​នេះ បានបង្កនូវការព្រួយបារម្ភពីសំណាក់អ្នកស៊ើបអង្កេត របស់ក្រុមហ៊ុនផលិតយន្ដហោះ ជុំវិញរឿងហេតុ​ថានឹងអាចកើតឡើងដ៏អាក្រក់បំផុត ទៅលើយន្ដហោះប្រភេទ ៧៨៧។

សកម្មភាពនៅក្រោយពេលពន្លត់ពន្លត់អគ្គិភ័យរួច។ (រូបថត ctvnews.ca)

អ្នកស៊ើបអង្កេតមកពីក្រុមហ៊ុនផលិតយន្ដហោះអាមេរិក ប៊ូអ៊ីញ សង្ស័យថាបញ្ហាដែលធ្លាប់បង្អាក់មិនអោយហោះហើរ នូវ​យន្ដហោះរបស់ក្រុមហ៊ុនខ្លួនលើកមុន អាចនឹងកើតឡើងទៀតសម្រាប់យន្ដហោះប្រភេទនេះ។

អ្នកស៊ើបអង្កេត នៅមិនទាន់បង្ហើបប្រាប់ឲ្យដឹងពីមូលហេតុ [...]