យន្ដហោះ​ប៊ូអ៊ីញ ៧៨៧ ឆេះ​នៅ​ព្រលាន​យន្ដហោះ​ក្រុង​ឡុងដ៍ (VDO)

អគ្គិភ័យបានឆាបឆេះឡើង នៅក្នុងយន្ដហោះប៊ូអ៊ីញ ៧៨៧ (Boeing 787) នៅល្ងាចថ្ងៃសុក្រទី១២ខែកក្កដា ខណៈពេលដែលយន្ដហោះនេះ បានមកដល់ព្រលានយន្ដហោះ ហៀដស្រ៊ូវ (Heathrow) នៃទីក្រុងឡុងដ៍ ប្រទេសអង់គ្លេស។ គ្រោះថ្នាក់នេះ បានបង្កនូវការព្រួយបារម្ភពីសំណាក់អ្នកស៊ើបអង្កេត របស់ក្រុមហ៊ុនផលិតយន្ដហោះ ជុំវិញរឿងហេតុថានឹងអាចកើតឡើងដ៏អាក្រក់បំផុត ទៅលើយន្ដហោះប្រភេទ ៧៨៧។
Loading...
  • ដោយ: សេក មនោរកុមារ
  • កែប្រែចុងក្រោយ: July 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អគ្គិភ័យបានឆាបឆេះឡើង នៅក្នុងយន្ដហោះប៊ូអ៊ីញ ៧៨៧ (Boeing 787) នៅល្ងាចថ្ងៃសុក្រទី១២ខែកក្កដា ខណៈពេល​ដែលយន្ដហោះនេះ បានមកដល់ព្រលានយន្ដហោះ ហៀដស្រ៊ូវ (Heathrow) នៃទីក្រុងឡុងដ៍ ប្រទេសអង់គ្លេស។ គ្រោះថ្នាក់​នេះ បានបង្កនូវការព្រួយបារម្ភពីសំណាក់អ្នកស៊ើបអង្កេត របស់ក្រុមហ៊ុនផលិតយន្ដហោះ ជុំវិញរឿងហេតុ​ថានឹងអាចកើតឡើងដ៏អាក្រក់បំផុត ទៅលើយន្ដហោះប្រភេទ ៧៨៧។


សកម្មភាពនៅក្រោយពេលពន្លត់ពន្លត់អគ្គិភ័យរួច។ (រូបថត ctvnews.ca)

អ្នកស៊ើបអង្កេតមកពីក្រុមហ៊ុនផលិតយន្ដហោះអាមេរិក ប៊ូអ៊ីញ សង្ស័យថាបញ្ហាដែលធ្លាប់បង្អាក់មិនអោយហោះហើរ នូវ​យន្ដហោះរបស់ក្រុមហ៊ុនខ្លួនលើកមុន អាចនឹងកើតឡើងទៀតសម្រាប់យន្ដហោះប្រភេទនេះ។

អ្នកស៊ើបអង្កេត នៅមិនទាន់បង្ហើបប្រាប់ឲ្យដឹងពីមូលហេតុ ដែលនាំទៅដល់មានអគ្គិភ័យនៅលើយន្ដហោះ ៧៨៧ នៃ​ក្រុមហ៊ុនអាកាសចរណ៍អេទីចូពីរអ៊ែរឡាញ (Ethiopian Airlines) នៅពេលយន្ដហោះហោះហើរបានរយៈពេល៨ម៉ោង និងបន្ទាប់ពីយន្ដហោះបានចុះចត នៅនឹងព្រលានយន្ដហោះនៃទីក្រុងឡុងដ៍នេះនៅឡើយ។

នៅក្នុងយន្ដហោះ៧៨៧មួយទៀត របស់ក្រុមហ៊ុនអាកាសចរណ៍ ថមសុន អ៊ែរវេស (Thomson Airways) បញ្ហាបច្ចេកទេស​ដែលគេកំណត់មិនទាន់បានពីអត្តសញ្ញាណរបស់វា ក៏បានកើតឡើងដែរ នៅពេលដែលយន្ដហោះ​បានត្រឡប់​មកដល់​អាកាសយន្ដដ្ឋាន មេនឆេស្ទើរ (Manchester) វិញ។ បញ្ហានេះ បានធ្វើឲ្យការព្រួយបារម្ភ កើតមានកាន់តែខ្លាំង។

នៅ​ព្រលានយន្ដហោះនៃទីក្រុងឡុងដ៍ ផ្លូវចុះចត និងហោះឡើង ត្រូវបានបិទប្រមាណជាជិតមួយម៉ោង ក្នុងពេលដែលក្រុម​សង្គ្រោះ​បន្ទាន់ បានចូលមកពន្លត់អគ្គិភ័យ ដែលកើតនៅលើយន្ដហោះ៧៨៧នេះ។ ក្នុងពេលមានអគ្គិភ័យនោះ មិនមាន​អ្នកដំណើរណាម្នាក់ មានវត្តមាននៅលើយន្ដហោះនោះទេ។

យន្ដហោះប្រភេទប៊ូអ៊ីញ ៧៨៧ ត្រូវបានហាមមិនឲ្យហោះហើរ កាលពីខែមករាមុន ដោយសារមានបញ្ហាអាគុយស្ងួត ដែលបានកើតឡើងចំនួនពីរដងទៅលើយន្ដហោះពីរផ្សេងគ្នា។ ជាពិសេសទៅទៀត យន្ដហោះមួយដែលមានបញ្ហានេះ បានបង្កើតឲ្យមានជាអគ្គិភ័យដូចគ្នា ខណៈយន្ដហោះចតនៅព្រលានឡូហ្គេន (Logan) នៅទីក្រុងប៊ូស្ដុនសហរដ្ឋអាមេរិក នាថ្ងៃទី០៧ខែមករា៕

សូមទស្សនាវីដេអូ ពីហេតុការណ៍នេះដូចតទៅ៖

-----------------------------------------------------
ដោយ សេក មនោរកុមារ - ប៉ារីស​ ថ្ងៃទី១៣ ខែកក្កដា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...