Posts in ‘កម្ពុជា’ Category

គណបក្សសង្រ្គោះជាតិ នឹងបង្ហាញឲ្យបានច្បាស់ ពីគោលជំហរនយោបាយរបស់គណបក្សដល់អ្នកគាំទ្រ ដើម្បី​ជៀស​វាងការភ័ន្តច្រឡំ ដែលធ្វើឲ្យធ្លាក់ប្រជាប្រិយភាព។ នេះជាការពន្យល់របស់លោក កឹម សុខា អនុ​ប្រធាន​គណបក្ស​សង្រ្គោះជាតិ ខណៈដែលលោកយល់ថា ស្ថានការណ៍ចុងក្រោយនេះ ធ្វើឲ្យមានភាពស្រពិចស្រពិល​ពីជំហរ​គណបក្ស។

លោកកឹម​ សុខា នៅពិធីជួបជាមួយអ្នកគាំទ្រគណបក្សលោក។ (រូបថតគណបក្ស)

នយោបាយ - គោលដៅអត្ថិភាពរបស់គណក្សសង្រ្គោះជាតិ ដែលត្រូវធ្វើនៅក្នុងរដ្ឋសភា មុននឹងសម្រេច​ធ្វើកិច្ចការ​អ្វីផ្សេងទៀត គឺការកែទម្រង់គណៈកម្មាធិការជាតិរៀបចំការបោះឆ្នោត គ.ជ.ប និងការពង្រឹងតួនាទីរបស់គណបក្ស​ជំទាស់ នៅក្នុងរដ្ឋសភា។ នេះជាការបញ្ជាក់របស់លោក កឹម សុខា អនុប្រធានគណបក្សសង្រ្គោះជាតិ [...]

នយោបាយ - ភាពជាប់គាំងនយោបាយក្រោយការបោះឆ្នោត ព្រោះតែគណបក្សសង្គ្រោះជាតិ មិនអាចទទួលយក​លទ្ធផល ដែលបានប្រកាស ឬរៀបចំដោយ គ.ជ.ប ក្រោយការបោះឆ្នោតនោះទេ។ បក្សប្រឆាំងបានចាត់ទុកលទ្ធផល នៃការបោះឆ្នោតកាលពីថ្ងៃទី២៨ ខែកក្កដា ឆ្នាំ២០១៣កន្លងមក ជាការក្លែងបន្លំ ដោយមន្រ្តីមានអំណាចមួយចំនួន ក្នុង គ.ជ.ប។

មន្រ្តីជាន់ខ្ពស់គណបក្សសង្គ្រោះជាតិ លោក រស់ សួរ បានបញ្ជាក់ប្រាប់ទស្សនាវដ្តីមនោរម្យ.អាំងហ្វូ នាល្ងាចថ្ងៃទី២៥ ខែកក្កដានេះថា ពេលនេះគណបក្សកំពង់ធ្វើការរៀបចំឯកសារ និងជ្រើសរើសសមាសភាពមន្រ្តីចំនួនបីរូប ថែមទៀត ក្រៅពីលោក គួយ ប៊ុនរឿន ដើម្បីដាក់ទៅរដ្ឋសភាដើម្បីអនុម័ត ក្រោយពេលតំណាងរាស្រ្តបក្សសង្គ្រោះជាតិ ចូលកាន់​តំណែងជាផ្លូវការ។

លោកបន្តថា ជាពិសេសជាងនេះទៅទៀតនោះ គណបក្សសង្គ្រោះជាតិបានគិតគូរហើយ [...]

បើទោះជាទទួលការព្យាបាលរួចរាល់ ហើយសម្រាកនៅក្រៅមន្ទីរពេទ្យក៏ដោយ ក៏ក្រុមសន្តិសុខស៊ីឈ្នួល សាលា​រាជធានីភ្នំពេញចំនួន១៧នាក់ ក្នុងចំណោមសន្តិសុខ រងរបួសសរុប៤១នាក់ បានត្រូវសាលារាជធានីភ្នំពេញ ផ្តល់​ប្រាក់ឧបត្ថមបន្ថែម ក្នុងម្នាក់៥០ម៉ឺនរៀលថែមទៀត។

ក្រុមសន្តិសុខបិទមុខចម្រុះ ដែលត្រូវបានបញ្ជូនមកវាយពលរដ្ឋ និងអ្នកសារព័ត៌មាន នៅទីលានប្រជាធិបតេយ្យ។ (រូបថត ហ្វេសប៊ុក)

ជំនួយឧបត្ថម - ជួសមុខឲ្យលោក ប៉ា សុជាតិវង្ស អភិបាលរជាធានីភ្នំពេញ លោក គួច ចំរើន អភិបាលខណ្ឌដូនពេញ នៅថ្ងៃទី២៤ ខែកក្កដា ឆ្នាំ២០១៤ នេះ បានផ្តល់ទឹកប្រាក់ក្នុងម្នាក់ៗ ចំនួន៥០ម៉ឺនរៀលបន្ថែមទៀត ដល់ក្រុមសន្តិសុខ​ស៊ីឈ្នួលរបស់សាលារាជធានីភ្នំពេញ ដែលប៉ះទង្គិចយ៉ាងហិង្សា [...]

បន្ទាប់ពីមានប្រព័ន្ធសារព័ត៌មាន ក្នុងប្រទេសកម្ពុជាមួយចំនួន បានផ្សាយថាអនុប្រធានគណបក្សសង្រ្គោះជាតិ លោក កឹម សុខា អាចលើកពេល ចំពោះការចូលទៅបំភ្លឺ នៅសាលាតំបូងរាជធានីភ្នំពេញ លោក កឹម សុខា អនុប្រធាន​គណបក្សសង្រ្គោះជាតិ បានចេញមកបកស្រាយថា គ្មានការលើកពេលនោះទេ ពោលគឺលោក នឹងចូល​ទៅបំភ្លឺ​តាម​កាលកំណត់របស់តុលាការ។

លោកកឹម សុខា អនុប្រធានគណបក្សសង្គ្រោះជាតិ នៅក្នុងបាតុកម្មខែមេសាឆ្នាំ២០១៣។ (រូបថតហ្វេសប៊ុក)

យុត្តិធម៌ - «ខ្ញុំ កឹម សុខា នឹងចូលបំភ្លឺនៅសាលាតំបូងរាជធានីភ្នំពេញ ថ្ងៃស្អែកទី២៥ ខែកក្កដា ឆ្នាំ២០១៤ វេលាម៉ោង​៨ព្រឹក យោងតាមដីកាកោះរបស់សាលាតំបូងរាជធានីភ្នំពេញ សំណុំរឿងព្រហ្មទណ្ឌលេខ២៣៥១ ចុះថ្ងៃទី១៦ ខែ​កក្កដា ឆ្នាំ២០១៤»។ [...]

ថ្នាក់ដឹកនាំកំពូលនៃគណបក្សនយោបាយធំៗទាំងពីរ នឹងដឹកដៃគ្នាឡើងគាល់ព្រះមហាក្សត្រ នាល្ងាចថ្ងៃទី២៤ ខែ​កក្កដានេះ ដើម្បីបង្ហាញពីកិច្ចព្រមព្រៀង ក្រោយជំនួបប្រជុំកាលពីថ្ងៃទី២២ ខែកក្កដា។ កិច្ចការបន្ទាប់មក នៅក្នុង​គម្រោងនោះ នឹងមានការស្បថធ្វើសច្ចាប្រណិធាន នៅថ្ងៃបន្ទាប់ ថ្ងៃទី២៥ ខែកក្កដា ឆ្នាំ២០១២។

ព្រះមហាក្សត្រ នរោត្តម សី ហមុនី យាងព្រះកោដ្ឋព្រះបរមរតនកោដ្ឋ ចូលព្រះរាជវាំង។ (រូបថត MONOROOM.info/ O.Vary)

នយោបាយ - ថ្នាក់ដឹកនាំកំពូលគណបក្សប្រជាជនកម្ពុជា និងគណបក្សសង្គ្រោះជាតិ ចូលគាល់អង្គ​ព្រះមហាក្សត្រ​នាល្លាចថ្ងៃទី២៤ ខែកក្កដានេះ ដើម្បីទូលថ្វាយព្រះមហាក្សត្រ នូវលទ្ធផលក្រោយជំនួបចរចា ដោះស្រាយវិបត្ត​នយោបាយ [...]