បើកបញ្ច្រាសទិស បុកក្មេងចេញពីសាលាបាក់ជើងគ្មានអ្នកទទួលខុសត្រូវ
តើក្នុងសង្គមនេះ សម្បូរតែមនុស្សអាត្មានិយម និងគ្មានការទទួលខុសត្រូវទេឬអ្វី? ជួប ឃើញ ដឹងថាមានបញ្ហា តែធ្វើមិនដឹង និងមិនចង់ជួប ហើយអ្នកខ្លះបានជួបហើយ តែគេចធ្វើមិនដឹង ក្រោមគំនិតគិតថា «បើអាចគេចបាន នោះគេនឹងគេច ធ្វើជាមិនដឹងមិនលឺ ដើម្បីកុំឲ្យជាប់ពាក់ព័ន្ធវែងឆ្ងាយ»។ នេះជាព្រឹត្តិការណ៍ ដែលបានកើតឡើងនៅភូមិទី១៥ ផ្លូវ៤៧ សង្កាត់ស្រះចក ខណ្ឌដូនពេញ រាជធានីភ្នំពេញ។ នៅវេលាម៉ោង ៤និង៤៥នាទីល្ងាច ថ្ងៃទី៣១ ខែធ្នូ ឆ្នាំ២០១៤នេះ មានគ្រោះថ្នាក់ចរាចរណ៍មួយ ដែលបង្ករបួសដល់ជនរងគ្រោះរហូតបាក់ជើង។
សាក្សីនៅកន្លែងកើតហេតុ ខាងមុខអនុវិទ្យាល័យ ហ៊ុន សែន ប៊ុន រ៉ានី វត្តភ្នំ បានឲ្យដឹងថា ជនបង្កឈ្មោះ រ៉ែម ភេទប្រុស ជាអ្នកធ្វើការនៅក្នុងអង្កការក្រៅរដ្ឋាភិបាលមួយ បានជិះម៉ូតូបុកក្មេងប្រុសម្នាក់ ឈ្មោះ យឿន [...]