Posts in ‘ជុំវិញកំសាន្ដ’ Category

ពេល​ដែល​សិល្បៈករ​​ដង្ហោយ​ពី «ស្រុក​ខ្មែរ​គ្មាន​ភាព​យុត្តិធម៌​សម្រាប់​រាស្ត្រ»

ពេល​ដែល​សិល្បៈករ​​ដង្ហោយ​ពី «ស្រុក​ខ្មែរ​គ្មាន​ភាព​យុត្តិធម៌​សម្រាប់​រាស្ត្រ»

«ស្រុកខ្មែរ គ្មានភាពយុត្តិធម៌ សម្រាប់ប្រជារាស្ត្រឡើយ! គ្នាគេ ឲ្យចាំ!» នេះ ជាការលើកឡើង របស់អ្នកនាង សុខ ចិន្តា ហៅ វ៉ាន់ នីឡា កាលពីម្សិលម៉ិញ នៅលើបណ្ដាញសង្គម បរិហារពីប្រព័ន្ធអនុវត្តច្បាប់ និងប្រព័ន្ធតុលាការនៅកម្ពុជា។

ជាមួយនឹងរូបថតប៉ុន្មានសន្លឹក ដែលបង្ហាញពីដីការតុលាការ និងរូបថតអតីតសង្សារបស់កញ្ញា ដែលថតរូបជាមួយគូស្នេហ៍ថ្មីនោះ តារាសំដែងអ្នកនាង វ៉ាន់ នីឡា បានសរសេរថា៖ «ហ្នឹងហើយបងប្អូនទាំងអស់គ្នា មើលទៅណា៎ ប្រពន្ធ័ច្បាប់តុលាការស្រុកខ្មែរ ខ្ញំុមិនទាន់បាន ទទួលភាពយុត្តិធម៌ស្អីទេ! (...) ភាពយុត្តិធម៌សំរាប់ខ្ញំុ មានត្រឹមតែក្រដាស ប្រកាសសាលក្រមក្លែងក្លាយ ដែលគ្មានប្រសិទ្ធភាព តែមួយសន្លឹកប៉ុណ្្ណះ ហើយក៏គ្មានខាងតុលាកាមួយរូបណាអើពើនឹងរកដំណោះស្រាយឲ្យខ្ញំុ ចេញជារូបជារាង ទៅតាមសេចក្តីប្រកាសសាលក្រមនោះដែរ។»។

អ្នកនាង សុខ ចិន្តា ដែលរងគ្រោះ ព្រោះរូបថតឯកជន​របស់នាងជាច្រើនសន្លឹក [...]

ស៊ិន សក្កដា អះអាងបន្ថែមថា ហ៊ុន ម៉ានី «ខាំ»​ទាំង​ប្រុស​ទាំង​ស្រី

ស៊ិន សក្កដា អះអាងបន្ថែមថា ហ៊ុន ម៉ានី «ខាំ»​ទាំង​ប្រុស​ទាំង​ស្រី

កូនប្រុសនាយករដ្ឋមន្ត្រី ចូលចិត្តល្បែងខុសគេមួយ គឺដើរខាំគេឯង ទាំងប្រុសទាំងស្រី ដោយមិនរើសមុខ។ នេះ បើតាមការអះអាង នៅមុននេះបន្តិច ពីសំណាក់តារាសំដែង និងជានាដការិនី កញ្ញា សិន សក្កដា ដែលរងការចោទ តាមរយៈវីដេអូបែកធ្លាយមួយ កាលពីពាក់កណ្ដាលខែមុនថា មានទំនាក់ទំនងផ្លូវភេទ ជាមួយលោក ហ៊ុន ម៉ានី កូនប្រុសនាយករដ្ឋមន្ត្រី និងជាតំណាងរាស្ត្រ របស់គណបក្សប្រជាជនកម្ពុជា។

ជាមួយនឹងរូបថតច្រើនសន្លឹក ដែលមានពីរសន្លឹក បង្ហាញពីស្នាមខាំ នៅលើដើមដៃរបស់នាងផង តារាសំដែងវ័យក្មេង បានសរសេរនៅលើគណនីហ្វេសប៊ុករបស់នាងថា៖ «កាលពីឆ្នាំមុន ក្នុងកម្មវិធីខួបកំណើតឯកឧត្ដម ហ៊ុន ម៉ានី គាត់ខាំទាំងប្រុសទាំងស្រី ហើយគាត់កំប្លែងលេង ដាក់មនុស្សគ្រប់ៗគ្នា។ ខ្ញុំមានសាក្សីជាច្រើន តែអ្នកដែលមានគំនិតស្មោគគ្រោក វាយប្រហារមិនគិតពីកិត្តិយសខ្ញុំ។»។

ស៊ិន សក្កដា ទទួល​ស្គាល់​មាន​បញ្ហា​ស្បែក តែ​បដិសេធ​មាន​អីៗ​ជាមួយ ហ៊ុន ម៉ានី

ស៊ិន សក្កដា ទទួល​ស្គាល់​មាន​បញ្ហា​ស្បែក តែ​បដិសេធ​មាន​អីៗ​ជាមួយ ហ៊ុន ម៉ានី

ទីបំផុត កញ្ញា ស៊ិន សក្កដា នាដការិនីរបាំបូរាណ និងជាតារាសម្ដែង បានបំបែកភាពស្ងាត់ស្ងៀមរបស់នាង នៅចំពោះវីដេអូបែកធ្លាយ របស់ក្រុម ហែគ័រ ដែលបានចោទប្រកាន់ថា នាងមានទំនាក់ទំនងផ្លូវភេទ ជាមួយលោក ហ៊ុន ម៉ានី កូនប្រុសនាយករដ្ឋមន្ត្រី និងជាតំណាងរាស្ត្ររបស់គណបក្សប្រជាជនកម្ពុជា។

តារាសម្ដែងវ័យក្មេង បានចេញមកទទួលស្គាល់ថា នាងពិតជាមានស្នាម នៅលើខ្លួននោះមែន តែមិនមែនជាស្នាមខាំទេ តែជាស្នាមដោយសារស្បែកនាង មានបញ្ហា។ នាងសរសេរនៅលើបណ្ដាញសង្គម នៅមុននេះថា៖ «ខ្ញុំ សុិន សក្កដា សូមបកស្រាយរឿងអាស្រូវនោះថា វាជារឿងប្រឌិតបោកប្រាស់ អសិលធម៍ណាស់។ ខ្ញុំស្រលាញ់ និងគោរពឯកឧត្ដម ហ៊ុន ម៉ានី ដូចជាបងប្រុសម្នាក់របស់ខ្ញុំ។ ស្លាកស្នាមនៅលើដៃ គីជាបញ្ហាស្បែករបស់ខ្ញុំ ខ្ញុំបានទទួលវេជ្ជបញ្ជា ពីវេជ្ជបណ្ឌិតត្រឹមត្រូវ។»។

នាដការិនីរបាំបូរាណ បានផ្ទុះកំហឹង ដាក់អ្នកសារព័ត៌មានវិញថា៖ «សូមលោកអ្នកកាសែត និងបងប្អូនទាំងឡាយ [...]

«Symphony of the seas» នាវា​ទេសចរណ៍​យក្ស​ធំ​ជាង​គេ ចេញ​យាត្រា​លើ​សមុទ្រ

«Symphony of the seas» នាវា​ទេសចរណ៍​យក្ស​ធំ​ជាង​គេ ចេញ​យាត្រា​លើ​សមុទ្រ

ការចរចេញយាត្រាដំបូង របស់នាវាទេសចរណ៍​ដែលធំជាងគេ នៅក្នុងពិភពលោកនេះ ធ្វើឡើងក្រោមក្រសែរភ្នែកមនុស្ស រាប់រយ-ពាន់នាក់ ដែលបានប្រមូលគ្នាមកជួបជុំ នៅក្បែរការដ្ឋានសាងសង់នាវា នៃក្រុង សាំងណាស៊ែរ (Saint-Nazaire) ជាប់មហាសមុទ្រអាត្លង់ទិក ភាគខាងលិច នៃប្រទេសបារាំង ដើម្បីទស្សនាការរំកិលខ្លួន នៅលើផ្ទៃសមុទ្រដំបូង របស់នាវាមួយនេះ ដែលពោរពេញដោយ ផ្ទាំងទស្សនីយភាព​ដ៏អស្ចារ្យ។

នាវា «Symphony of the seas» ជាសមិទ្ធផលរបស់សហគ្រាសសង់នាវាបារាំង ឈ្មោះ «STX France» តាមការបញ្ជាទិញ របស់សហគ្រាសទេសចរណ៍អាមេរិក ឈ្មោះ «Royal Caribbean Cruises Ltd (RCCL)» ដែលមានទីតាំងកណ្ដាល ក្នុងក្រុងមីអាមី រដ្ឋផ្លរីដា សហរដ្ឋអាមេរិក និងសាខាធ្វើអាជីវកម្មច្រើនកន្លែង នៅក្នុងពិភពលោក ជាពិសេសក្នុងតំបន់ការ៉ាអីប និងសមុទ្រមេឌីទែរ៉ាណេ។ នាវានេះ មានប្រវែងបណ្ដោយ ៣៦២ម៉ែត្រ ទទឹង៦៦ម៉ែត្រ កំពស់ផុតពីទឹក ៧០ម៉ែត្រ និងមានចំណុះជិត ៦៥០ ០០០ម៉ែត្រគូប [...]

ផ្ទះបន​ពេស្យា​បម្រើសេវា​ដោយ​កូន​ក្រមុំ​ជ័រ បាន​បើក​ទ្វា​នៅ​ប៉ារីស

ផ្ទះបន​ពេស្យា​បម្រើសេវា​ដោយ​កូន​ក្រមុំ​ជ័រ បាន​បើក​ទ្វា​នៅ​ប៉ារីស

ជាលើកទីមួយ ក្នុងប្រទេសបារាំង... ហើយក៏បង្ក​ឲ្យមាន​ការភ្ញាក់ផ្អើល​មិនតិចដែរ។

សមាជិកក្រុមប្រឹក្សារដ្ឋធានីប៉ារីស ជាច្រើន ជាពិសេសសមាជិក មកពីគណបក្សឆ្វេងនិយមជ្រុល របស់ប្រទេស​បារាំង បានជំទាស់នឹងការបើកទ្វា នៃផ្ទះបនពេស្យា «បែបថ្មី» មួយ ដែលផ្ដល់សេវាកម្មផ្លូវភេទ ដោយតុក្កតា ឬកូនក្រមុំ ធ្វើពីជ័រស៊ីលីកូន (Silicone)។ ផ្ទះបនមួយនេះ បានបើកទ្វា កាលពីថ្ងៃទី១ ខែកុម្ភៈកន្លងមក ដើម្បីទទួលអតិថិជនរបស់ខ្លួន ក្នុងការចូលទៅនែបនិត្យ ជាមួយនាងៗ ដែលធ្វើពីជ័រស៊ីលីកូន និងដែលមានរូបរាងស្អាតៗ ដូចមនុស្សពិតៗ។

ផ្ទះបននោះ ជាកម្មសិទ្ធិរបស់ក្រុមហ៊ុន «Xdolls» ហើយត្រូវបានបើកធ្វើអាជីវកម្ម ក្នុងអាគារដ៏ស្ងាត់កំបាំងមួយ ដែលស្ថិតនៅសង្កាត់ទី១៤ នៃរដ្ឋធានីប៉ារីស។ នៅក្នុងក្រដាសស្នាម សុំការអនុញ្ញាត​ធ្វើអាជីវកម្ម មិនបានបញ្ជាក់ថា ទីនោះគឺជា​«ផ្ទះបន»​ទេ តែគ្រាន់តែ​ជា​«ហាងលេងល្បែង (Game Room)»​មួយប៉ុណ្ណោះ។ 



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...