យឹម សុវណ្ណ៖ ព្រះសង្ឃត្រូវមានសិទ្ធិចូលរួមបោះឆ្នោត
នៅចំពោះភាពប្រទាំងប្រទើស ទាក់ទងសិទ្ធិចូលរួមបោះឆ្នោត របស់ព្រះសង្ឃនោះ អ្នកនាំពាក្យរបស់គណបក្សសង្គ្រោះជាតិ បានប្រកាសជំហរ គាំទ្រឲ្យអ្នកបួស អាចធ្វើការបោះឆ្នោតបាន ក្នុងនាមជាពលរដ្ឋមួយរូប។ ថ្លែងទៅកាន់អ្នកសារព័ត៌មាន នាព្រឹកថ្ងៃទី២៨ ខែកញ្ញា ឆ្នាំ២០១៥ ក្នុងពីធីកាន់បិណ្ឌវេណទី១ នៅវត្តអង្គតាម៉ិញ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានថ្លែងឡើងថា ព្រះសង្ឃ ជាប្រជាពលរដ្ឋខ្មែរ ដែលត្រូវតែមានអត្តសញ្ញាណប័ណ្ណ ជាខ្មែរ ដូច្នេះព្រះសង្ឃ ត្រូវតែមានសិទ្ធិគ្រប់គ្រាន់ ដើម្បីចូលរួមការបោះឆ្នោត។
លោក សុវណ្ណ បានថ្លែងឡើងថា៖ «បើយើងមិនធ្វើអត្តសញ្ញាណប័ណ្ណ ប្រគេនលោកសង្ឃទេ តើយើងទាំងអស់គ្នា ទុកព្រះសង្ឃជាអ្វី នៅក្នុងសង្គមខ្មែរ? មានសញ្ជាតិខ្មែរ ទាល់សំគាល់ថាមាន អត្តសញ្ញាណប័ណ្ណ មានសំបុត្រកំណើត។ ចុះបើមិនចេញអត្តសញ្ញាណប័ណ្ណ ឲ្យព្រះសង្ឃ មានតែចង់ឲ្យលោក គង់នៅក្រៅសង្គម? ខ្ញុំមិនយល់!។»
[...]