Posts in ‘គ្រប់អត្ថបទជាខេមរភាសា’ Category

ជាលើកដំបូងបង្អស់ ដែលអង្គការរដ្ឋអ៊ីស្លាម ល្បីល្បាញខាងធ្វើអំពើភេរវកម្ម បានចាត់វិធានការ ទៅខ្មាំង​សត្រូវ​របស់ខ្លួន ដែលមានភេទជាស្ត្រី។ នៅថ្ងៃអង្គារនេះ ក្រុមអ្នកឃ្លាំមើលសិទ្ធិមនុស្ស នៅក្នុងប្រទេសស៊ីរី ដែលហៅ​កាត់ «OSDH» បានអះអាងថា ស្ត្រីជាតិស៊ីរីពីរនាក់ ត្រូវបានកាត់ ក ដោយក្រុមយុទ្ធជនស្ម័គ្រប្រយុទ្ធ របស់​ព្រះអាឡាហ៍ ដែលជាផ្នែកមួយ នៃអង្គការរដ្ឋអ៊ីស្លាម បន្ទាប់ពីបានចោទស្ត្រីទាំងនេះ ថាបានធ្វើ​«អំពើ​អាប​ធ្មប់»។

ប្រធានក្រុមអ្នកឃ្លាំមើលសិទ្ធិមនុស្ស លោក រ៉ាមី អាប៊ែល រ៉ាម៉ាន់ (Rami Abdel Rahmane) បាន​ថ្លែង​ឡើង​ថា៖ «ក្រុមអង្គការរដ្ឋអ៊ីស្លាម បានសម្លាប់ស្ត្រីពីរនាក់ ដោយកាត់"ក" នៅក្នុងខេត្ត ដៀអេស៊័រ។ នេះ ជា​លើក​ទី​មួយ​ហើយ ដែលក្រុមអ្នកឃ្លាំមើលរបស់យើង បានជួបប្រទះ ទាក់ទងនឹងការសម្លាប់ស្ត្រី របស់​អង្គការ​រដ្ឋ​អ៊ីស្លាម ទោះ​ជាស្ថិតក្នុងការចោទប្រកាន់ បែបណាក៏ដោយ។» លោក រ៉ាមី បានអះអាងទៀតថា [...]

នាវេលាម៉ោងជិត១០ ព្រឹកថ្ងៃទី៣០ ខែមិថុនា ឆ្នាំ២០១៥នេះ ក្បួនដង្ហែរ និងបើកយុទ្ធនាការ របស់ក្រុមអង្គការ​សង្គមស៊ីវិល បានជួបនូវការរារាំង ពីសំណាក់កងកម្លាំងសន្ដិសុខ បង្កឲ្យមានការប៉ះទង្កិចគ្នា នៅតាមបណ្ដោយ​មហាវិថីកម្ពុជាក្រោម និងនៅតាមវិថីផ្សេងទៀតមួយចំនួន ខណៈពួកគេព្យាយាមហែរក្បួនទាំងនេះ ទៅ​កាន់​វិមានរដ្ឋសភា។

ចំពោះមុខព្រួញទាំង៤ទិសដៅ លើផ្លូវជាតិធំៗទាំង៤ នៃអ្នកតវ៉ា មកពីបណ្ដាអង្គការសង្គមស៊ីវិលជាតិ និង​អន្តរជាតិ ប្រមាណ៥00នាក់នោះ ត្រូវបានរារាំងជាបន្តបន្ទាប់ ពីសំណាក់សមត្ថកិច្ចចម្រុះជាតិ ក្នុងគោល​បំណង​មិនអនុញ្ញាត ឲ្យមានការប្រមូលផ្តុំគ្នា នៅមុខវិមានរដ្ឋសភា ក្នុងថ្ងៃទី៣០ ខែមិថុនានេះឡើយ។

ការប៉ះទង្គិចគ្នា ទាំងបួនទិសដៅនេះ ទាំងនៅមុខស្ថានទូតបារាំង ទាំងនៅតាមបណ្តោយផ្លូវកម្ពុជាក្រោម មិន​បង្កឲ្យមានរបួសធ្ងន់ធ្ងរ ដល់អ្នកណាម្នាក់នោះទេ។ កាលពីវេលាម៉ោង ជិត១០ព្រឹក យុវជនម្នាក់ ត្រូវបាន​ចាប់​ខ្លួន [...]

ជនសង្ស័យជាក្រុមចោរពីរនាក់ ដែលអត្តសញ្ញាណ មិនត្រូវបានបង្ហាញខាងលើ ត្រូវបានអ្នកនៅក្នុង​ហេតុ​ការណ៍​បា្រប់ថា បានឆក់ទូរស័ព្ទដៃ របស់ស្រ្តីរងគ្រោះ នៅពេលដែលស្ត្រីរូបនោះ កំពុងជិះម៉ូតូនៅតាម​បណ្តោយ​ផ្លូវ ៥៩៨ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ ប្រភពដដែលបានបន្តថា ក្នុងពេល​ភ្លាម​នោះ ស្រ្តីរងគ្រោះទាំងពីរបានស្រែកឡើង ដើម្បីឲ្យអ្នករួមដំណើរផ្សេងទៀតជួយ។ បន្ទាប់មក ការដេញ​ប្រមាញ់​មួយ បានកើតឡើង ដើម្បីតាមចាប់ជនសង្ស័យទាំងពីរ។

តែក្រុមពលរដ្ឋ មិនអាចចាប់បាន ជនសង្ស័យឆក់ទូរស័ព្ទបានភ្លាមៗឡើយ រហូតមកដល់ម៉ោង៨ យប់ ថ្ងៃទី ២៩ ខែមិថុនា ឆ្នាំ ២០១៥ ទើបពួកគេតាមជនសង្ស័យទាន់ នៅទីតាំង សង្កាត់ទួលសង្កែរ ខណ្ឌឬស្សីកែវ រាជធានី​ភ្នំពេញ។ ក្រុមពលរដ្ឋ បានបញ្ជូនខ្លួនជនសង្ស័យទាំងពីរ ឲ្យទៅសមត្ថកិច្ចប៉ុស្តិ៍នគរបាល ទួលសង្កែរ ទាំងយប់ ជាមួយនឹងវត្ថុតាង ដើម្បីដោះស្រាយតាមច្បាប់។

ប្រភពពីមន្ត្រីនគរបាលនៅប៉ុស្ដ៍ទួលសង្កែរ [...]

ប៉ុន្មានថ្ងៃកន្លងមកនេះ ក្រុមអង្គការសង្គមស៊ីវិលរាប់រយ រួមទាំងមន្រ្តីរបស់ខ្លួន និងប្រជាពលរដ្ឋមួយចំនួន បាន​នឹងកំពុងបន្ត ធ្វើការតវ៉ាមិនចេះចប់ ដោយជំទាស់ មិនចង់ឲ្យច្បាប់មួយនេះ កើតជារូបរាងឡើយ។ សង្គម​ស៊ីវិល​ទាំងនោះ នៅតែទាមទារ ឲ្យមានការកែសម្រួល និងព្រមទទួលយកអនុសាសន៍ របស់ក្រុមខ្លួន។ ប៉ុន្តែ​ចំពោះ​រដ្ឋាភិបាលកម្ពុជាវិញ នៅតែជម្រុញឲ្យច្បាប់នេះចេញ ឲ្យខាងតែបាន។

សម្រាប់មេដឹកនាំគណបក្សសង្គ្រោះជាតិ លោក សម រង្ស៊ី មិនគាំឲ្យមានច្បាប់គ្រប់គ្រង អង្គការសង្គមស៊ីវិល​នោះឡើយ ដោយលោកបានអះអាងថា បើទោះជាមាន ក៏ត្រូវធ្វើការកែតម្រូវឡើងវិញសិនដែរ។ ចំពោះ​ព្រះ​អង្គម្ចាស់ នរោត្តម រណឬទ្ធិ វិញ ក៍ធ្លាប់មានបន្ទូល នាពេលថ្មីៗនេះថា ចំពោះសេចក្តីព្រាងច្បាប់នេះ ត្រូវតែ​មាន​ហើយ តែរដ្ឋាភិបាលត្រូវប្រគល់សិទ្ធិ ទៅឲ្យភាគីពាក់ព័ន្ធ ពិសេសសមាគម និងអង្គការក្រៅរដ្ឋាភិបាល ជាអ្នក​មានសិទ្ធិសម្រេច។

សូមទស្សនាកិច្ចសម្ភាស [...]

ក្ដីសប្បាយរីករាយ របស់ក្រុមអ្នកប្រើប្រាស់បណ្ដាញសង្គម ក្នុងការដាក់លាយបញ្ចូលគ្នា រវាងរូបថតផ្ទាល់ខ្លួន របស់ពួកគេ និងពណ៌ចម្រុះ«ដូចឥន្ទនូ» នៅលើហ្វេសប៊ុកនោះ មិនមែនជាការពញចិត្ត របស់មនុស្ស​មួយ​ចំនួន​ទេ។ ជាពិសេស គឺតំណាងរាស្ត្រជាតិរ៉ូស្ស៊ីមួយរូប លោក វីតាលី មីឡូណូវ (Vitali Milonov) បានបង្កើត សេចក្ដី​ព្រាងច្បាប់​មួយ​ឡើង ដើម្បីដាក់ទណ្ឌកម្ម លើបណ្ដាញសង្គម ដែលបានផ្សព្វផ្សាយ មាន​លក្ខណៈជា​«ពាណិជ្ជកម្ម» ពីការ​ស្រឡាញ់​ភេទដូចគ្នា។

សម្រាប់លោក វីតាលី មីឡូណូវ រូបថតទាំងអស់ ដែលមានលាយឡំ ទៅដោយពណ៌ឥន្ទនូនោះ ជាការ​«រំលោភ» លើច្បាប់ទំម្លាប់របស់ប្រទេសរ៉ូស្ស៊ី។ លោកបាននិយាយថា៖ «ហ្វេសប៊ុក មិនបានកំណត់អាយុ របស់​អ្នក​ចូលទៅប្រើប្រាស់ទេ (តាមពិត មិនមែនដូច្នេះទេ ព្រោះតាមលក្ខខន្តិកៈ របស់ហ្វេសប៊ុក បានបញ្ជាក់ថា អ្នកប្រើប្រាស់​ត្រូវ​មានអាយុ ពី១៣ឆ្នាំឡើង) គេមិនអាចដឹងថា តើមានកុមារច្រើនយ៉ាងណា ដែលបានមើល​ឃើញ [...]