ឆក់ទូរស័ព្ទ iPhone 6 មិន​សម្រេច ត្រូវ​ពលរដ្ឋ​ចាប់​បាន​សម្រេច

ជនសង្ស័យមានគ្នាពីរនាក់ ត្រូវបានក្រុមពលរដ្ឋដេញតាមចាប់ បន្ទាប់ពីអ្នកទាំងពីរ ត្រូវបានគេមើលឃើញ ថា​បាន​ធ្វើ​សកម្មភាព​ឆក់​ទូរស័ព្ទ​ដៃ របស់ស្ត្រីពីរនាក់ ដែលកំពុងធ្វើដំណើរតាមផ្លូវ។ ហេតុការណ៍នេះ បាន​បង្ក​ការ​ភ្ញាក់​ផ្អើល ដល់​អ្នក​រួម​ដំណើរ ឲ្យ​ជួយ​តាមប្រមាញ់ ជនសង្ស័យ​ទាំងពីរ រហូតចាប់ខ្លួនបាន នៅមួយម៉ោងក្រោយ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ៣០ មិថុនា ២០១៥
  • កែប្រែចុងក្រោយ: June 30, 2015
  • ប្រធានបទ: ឆក់ប្លន់
  • អត្ថបទ: មានបញ្ហា?
  • មតិ-យោបល់

ជនសង្ស័យជាក្រុមចោរពីរនាក់ ដែលអត្តសញ្ញាណ មិនត្រូវបានបង្ហាញខាងលើ ត្រូវបានអ្នកនៅក្នុង​ហេតុ​ការណ៍​បា្រប់ថា បានឆក់ទូរស័ព្ទដៃ របស់ស្រ្តីរងគ្រោះ នៅពេលដែលស្ត្រីរូបនោះ កំពុងជិះម៉ូតូនៅតាម​បណ្តោយ​ផ្លូវ ៥៩៨ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ ប្រភពដដែលបានបន្តថា ក្នុងពេល​ភ្លាម​នោះ ស្រ្តីរងគ្រោះទាំងពីរបានស្រែកឡើង ដើម្បីឲ្យអ្នករួមដំណើរផ្សេងទៀតជួយ។ បន្ទាប់មក ការដេញ​ប្រមាញ់​មួយ បានកើតឡើង ដើម្បីតាមចាប់ជនសង្ស័យទាំងពីរ។

តែក្រុមពលរដ្ឋ មិនអាចចាប់បាន ជនសង្ស័យឆក់ទូរស័ព្ទបានភ្លាមៗឡើយ រហូតមកដល់ម៉ោង៨ យប់ ថ្ងៃទី ២៩ ខែមិថុនា ឆ្នាំ ២០១៥ ទើបពួកគេតាមជនសង្ស័យទាន់ នៅទីតាំង សង្កាត់ទួលសង្កែរ ខណ្ឌឬស្សីកែវ រាជធានី​ភ្នំពេញ។ ក្រុមពលរដ្ឋ បានបញ្ជូនខ្លួនជនសង្ស័យទាំងពីរ ឲ្យទៅសមត្ថកិច្ចប៉ុស្តិ៍នគរបាល ទួលសង្កែរ ទាំងយប់ ជាមួយនឹងវត្ថុតាង ដើម្បីដោះស្រាយតាមច្បាប់។

ប្រភពពីមន្ត្រីនគរបាលនៅប៉ុស្ដ៍ទួលសង្កែរ បានបញ្ជាក់ថា ជនសង្ស័យទាំងពីរ ហាក់លាក់បាំងជាមួយ​សមត្ថកិច្ច និងមិនបានផ្តល់ចម្លើយអ្វីឡើយ។ បច្ចុប្បន្នជនសង្ស័យទាំងពីរ ត្រូវបានឃុំខ្លួន ជាបណ្តោះអាសន្ននៅប៉ុស្តិ៍ រងចាំ​ការកសាងសំនុំរឿង ដើម្បីបញ្ជូនទៅ អធិការដ្ឋាននគរបាលខណ្ឌ ឬស្សីកែវ។

ដោយឡែក ស្រ្តីរងគ្រោះទាំងពីរនាក់ ដែលគេមិនស្គាល់ អត្តសញ្ញាណដែរនោះ នៅមិនទាន់ទទួលបាន ទូរស័ព្ទ​របស់នាងមកវិញនៅឡើយ និងបានត្រឡប់ទៅគេហដ្ឋានវិញ ទាំងការភ័យខ្លាច៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...