អាជីវករ​ផ្សារ​ដើម​គ​ត្រូវ​បាន​បណ្តេញ បន្ទាប់​ពី​សម្ភោធ​ស្ពាន​អាកាស​រួច

ក្រោមហេតុផលសម្ភោធស្ពានអាកាស និងថែរក្សាសណ្តាប់ធ្នាប់ផ្សារ អាជីវករផ្សារដើមគ ត្រូវបានបណ្តេញចេញ​មិនអោយលក់បន្ត ដោយគ្មានមូលហេតុ។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ n[email protected]) - ភ្នំពេញ ថ្ងៃទី០១ សីហា ២០១៤
  • កែប្រែចុងក្រោយ: August 01, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រោមហេតុផលសម្ភោធស្ពានអាកាស និងថែរក្សាសណ្តាប់ធ្នាប់ផ្សារ អាជីវករផ្សារដើមគ ត្រូវបានបណ្តេញចេញ​មិនអោយលក់បន្ត ដោយគ្មានមូលហេតុ។


ផ្នែកមួយនៃផ្សារដើមគរ រាជធានីភ្នំពេញ។ (រូបថត MONOROOM.info/ D. Rith)

សណ្តាប់ធ្នាប់ - នៅថ្ងៃទី០១ ខែសីហា នេះអាជីវករដែលលក់ដូនៅផ្សារដើមគ ត្រូវបានក្រុមសន្តិសុខផ្សារ​បណ្តេញ​ចេញមិនឱ្យលក់បន្តទៅទៀត។ ក្រុមអាជីវករដែលត្រូវបានបណ្តេញ បានឱ្យដឹងថា មុនដំបូងក្រុមសន្តិសុខ​បានមក​សុំពួកគាត់ចំនួនបីថ្ងៃ ដើម្បីរៀបចំសណ្តាប់ធ្នាប់ក្នុងអំឡុងពេល លោកនាយករដ្ឋមន្រ្តី ហ៊ុន សែន ចុះមកសម្ភោធ​ស្ពាន​អាកាសស្ទឹងមានជ័យ ពួកគាត់ក៏សុខធ្វើតាមសំណើរ។ ប៉ុន្តែក្រោយរយៈពេលបីថ្ងៃ ដែលបានស្នើនោះ នៅថ្ងៃនេះ​ជា​ថ្ងៃដែលខាងអាជីវករមកលក់ដូរវិញ បែរជាត្រូវក្រុមសន្តិសុខថែរក្សាសណ្តាប់ធ្នាប់ផ្សារនេះ មកបណ្តេញចេញ អូស​យកឥវ៉ាន់របស់ពួកគាត់ដាក់ឡាន ដោយគ្មានមូលហេតុ និងការជូនដំណឹងជាមុន។

អាជីវករជាអ្នកលក់បន្លែមម្នាក់ បានរៀបរាប់ថា អ្នកស្រីបានទិញតូបនេះតាំងពីឆ្នាំ២០១៣ ពីសន្តិសុខឈ្មោះវ៉ាន់ ក្នុង​តម្លៃ៥ពាន់ដុល្លា ថែមទាំងមានកុងត្រាជាមួយគ្នាថែមទៀតផង។ អ្នកស្រីបន្តថា៖ «បើថាខ្ញុំលក់ទៅប៉ះពាល់​ដល់​ចិញ្ចើមថ្នល់គេ ខ្ញុំអត់ថាទេ ខ្ញុំក៏សុខចិត្តដែរ ប៉ុន្តែខ្ញុំទៅហួសឯណោះ។ (.....) តែឥលូវ គាត់មិនឱ្យខ្ញុំលក់ គាត់បណ្តេញ​ខ្ញុំចេញមិនឱ្យខ្ញុំលក់តែម្តង។»

អាជីវករលក់សាច់ជ្រូកនៅផ្សារដើមគ អ្នកស្រី ស្រីភា បាន បញ្ជាក់អះអាងផងដែរថា អ្នកស្រីបានលក់ដូរ​នៅទីនេះ​តាំងឆ្នាំ២០០៣ ក្នុងពេលដែលអ្នកស្រីទិញបានតូប ពីអ្នកគ្រប់គ្រងផ្សារគេ​បានសន្យាឱ្យអ្នកស្រី​លក់រហូតដោយ​គ្មាន​ល័ក្ខខណ្ឌ ប៉ុន្តែស្រាប់តែឥលូវនេះ ស្រាប់តែពួកគាត់មកដេញពួកអាជីវករទៅវិញ។ អ្នកស្រីរៀបរាប់បន្តថា៖ «គាត់ថា​កន្លែងហ្នឹងសណ្តាប់ធ្នាប់ទីផ្សារ ប៉ុន្តែឥលូវគេដេញតែមួយកន្លែង ទុកមួយកន្លែង អញ្ចឹងខ្ញុំចង់សួរថាទីផ្សាររញ៉េរញ៉ៃ​តែ​មួយកន្លែងមួយហ្នឹងមែន វាប៉ះពាល់ទាំងអស់គ្នា? ហើយខ្ញុំចង់សួរថា ខ្ញុំរស់នៅកន្លែងហ្នឹងបានសុខរាប់ខែរាប់ឆ្នាំហើយ ហេតុអ្វីបានជាពួកគាត់ដេញខ្ញុំ ដោយគ្មានលក្ខខណ្ឌអ្វីទាំងអស់ក្នុងពេលឥលូវហ្នឹង? អយុត្តិធម៌ណាស់។»

ចំនែកអាជីវករម្នាក់ទៀត បានលើកឡើងថា៖ «ពួកខ្ញុំខុសអី បានជានៅសុខៗមកដេញខ្ញុំ ហើយលក់មិនមែន​លក់​ធម្មតាទេមានទាំងបង់ខែ បង់ឆ្នាំ បង់ថ្ងៃ ភាស៊ីអីក៏មានដែរ មានភាស៊ីបេន ភាស៊ីផ្សារ សន្តិសុខផ្សាក៏មានដែរ និយាយ​ទៅវាច្រើន សូម្បីតែលុយលាងផ្លូវក៏មានដែរ»។

បុរសម្នាក់ ដែលអះអាងជាបុគ្គលិកសន្តិសុខផ្សារដើមគរ លោក តាំង វ៉ុនសេង បានឱ្យដឹងយ៉ាងដូច្នេះដែរថា សណ្តាប់​វាជារឿងសំខាន់ បើក្រុមអាជីវករនៅតែបន្តលក់ វានឹងប៉ះពាល់ដល់សណ្តាប់ធ្នាប់ផ្សារនេះ។ លោកបន្តថា «ចំពោះ​ការ​ដេញទៅដល់ខាងក្នុងអីទៀត មិនទាន់មាគោលការណ៍អីនោះទេ»។

ក្រុមអាជីវករទាំងនោះបានប្តេជ្ញាថា នឹងមិនចេញពីទីកន្លែងហ្នឹងជាដាច់ខាត ព្រោះពួកគាត់បានលក់ដូ នៅទីនេះជា​ច្រើនឆ្នាំមកហើយ មិនដែលមានបញ្ហាអ្វីទេ។ ក្រុមអាជីវករទាំងនោះ បានអះអាងថា​ នឹងធ្វើការតវ៉ាគ្រប់​ទីកន្លែង បើ​ទោះបីជាទៅតវ៉ាដល់ផ្ទះនាយករដ្ឋមន្រ្តី ហ៊ុន សែន ក៏ទៅដែរ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...