អាត់ ធន់ ព្រមានថាបាតុកម្មអាចនឹង«កើតគ្រប់ពេល» បើគ្មានប្រាក់ឈ្នួលសមរម្យ
ប្រធានសម្ព័ន្ធសហជីព ប្រជាធិបតេយ្យកម្មករ កាត់ដេរកម្ពុជា លោក អាត់ ធន់ បានថ្លែងព្រមាន ទៅគ្រប់ភាគី ដែលពាក់ព័ន្ធទាំងអស់ ថាត្រូវធ្វើការកំណត់មួយច្បាស់លាស់ ពីប្រាក់ឈ្នួល(ខែ) «អប្បបរមា» សមរម្យទៅតាមភាពជាក់ស្តែង នៃសេដ្ឋកិច្ចទីផ្សារសេរី ជូនដល់កម្មករ និយោជិកទាំងអស់នៅកម្ពុជា។ បើមិនដូច្នោះទេ ការតវ៉ា បាតុកម្ម និងកូដកម្ម អាចនឹងកើតឡើងគ្រប់ពេល។
លោក អាត់ ធន់ បានថ្លែងដូច្នេះ ក្នុងកិច្ចសម្ភាសជាមួយអ្នកសារព័ត៌មាន បន្ទាប់ពីបញ្ចប់សិក្ខាសាលាថ្នាក់ជាតិមួយ ដែលមានត្រីភាគីចូលរួម (តំណាងកម្មករ តំណាងក្រុមហ៊ុន និងក្រសួងការងារ) កាលពីថ្ងៃទី ០៨ ខែកញ្ញា ឆ្នាំ២០១៥ កន្លងមកនេះ។ កន្លងមកក្រុមកម្មករ-និយោជិក បានធ្វើការទាមទារ នូវប្រាក់ខែអប្បបរមា១៧៧ដុល្លារ របស់ពួកគេ ដោយបានអះអាងថា ប្រាក់ខែទាបជាងនេះ មិនអាចឆ្លើយតប ទៅនឹងតម្រូវការរស់នៅជាក់ស្តែង នៃរបបទីផ្សារកម្ពុជាបច្ចុប្បន្នទេ។ រីឯ ក្រសួងការងារបានសម្រេច [...]