Posts in ‘គ្រប់អត្ថបទជាខេមរភាសា’ Category

ដើម្បីឲ្យច្បាប់មួយ ដែលជាបំណងរបស់នាយករដ្ឋមន្ត្រីចេញរួច រដ្ឋសភាកម្ពុជាត្រូវការរយៈពេលតែជាង១០ថ្ងៃប៉ុណ្ណោះ ដើម្បីសិក្សា វិភាគ ពិនិត្យពីច្បាប់នេះ។ ការអនុម័តច្បាប់នេះទៀតសោត នឹងមិនចាំបាច់មានការចូលរួម ពីក្រុមតំណាង​រាស្ត្ររបស់គណបក្សប្រឆាំងនោះឡើយ បើទោះជាគេដឹងថាគណបក្សប្រឆាំង បានប្រកាសគាំទ្រច្បាប់នោះក៏ដោយ។

តើយុត្តិធម៌មានទេ បើមនុស្សជាអ្នកកាន់វា ក្នុងដៃយ៉ាងនេះ? (រូបថត Reuters/ Stéphane Mahé)

បន្ទាប់ពីការថ្លែងលើកដំបូង របស់លោកនាយករដ្ឋមន្ត្រី ហ៊ុន សែន នៅថ្ងៃទី២៧ខែឧសភា ពីបំណងរបស់លោក ក្នុងការ​បង្កើតឲ្យមាននូវច្បាប់ ស្តីពី«ការប្រឆាំងការ​មិនទទួលស្គាល់ឧក្រិដ្ឋកម្ម ដែលបានប្រព្រឹត្តិឡើង ក្នុងរយៈកាលនៃកម្ពុជា​ប្រជាធិបតេយ្យ»នោះមក គេរំពឹងថារដ្ឋសភា [...]

ថ្ងៃសុក្រទី០៧ខែមិថុនានេះ រដ្ឋសភានឹងបើកកិច្ចប្រជុំវិសាមញ្ញមួយ ដើម្បីអនុម័តលើសេចក្តីស្នើច្បាប់ ស្តីពី«ការប្រឆាំងការ​មិនទទួលស្គាល់ឧក្រិដ្ឋកម្ម ដែលបានប្រព្រឹត្តិឡើង ក្នុងរយៈកាលនៃកម្ពុជាប្រជាធិបតេយ្យ» ដោយគ្មានវត្តមានរបស់​គណបក្សប្រឆាំង។ នេះបើតាមសេចក្តីថ្លែងការណ៍ ចុះថ្ងៃទី០៦ ខែមិថុនា របស់ក្រុមតំណាងរាស្រ្តគណបក្សសម រង្សី និង​គណបក្សសិទ្ធិមនុស្ស ដែលបានចាត់ទុកថា «រដ្ឋសភាខ្មែរបានបាត់បង់សុពលភាព» អស់ទៅហើយ។

រដ្ឋសភាជាតិ នៃព្រះរាជាណាចក្រកម្ពុជា។ MONOROOM.info photo/ O.Vary។

សេចក្តីថ្លែងការណ៍នេះបានចាត់ទុកថា រដ្ឋសភា ដែលគ្មានសម្លេងគណបក្សប្រឆាំងនេះ នឹងត្រូវបានរំលាយចោល ដោយ​គណកម្មាធិការអចិន្ត្រៃនៃរដ្ឋសភា ហើយនាំដល់ការរំលាយរដ្ឋសភាមុននីតិកាល។ រដ្ឋសភានេះមិនអាចមានសុពលភាព [...]

ក្នុងរយៈពេលចុងក្រោយនេះ ប្រទេសកម្ពុជាហាក់ដូចជាបានស្គាល់នូវ ភាពកម្រើកឡើងវិញ នូវការទាមទារពីសំណាក់​កម្មករនិយោជិក ដើម្បីសុំឲ្យមានការគោរពសិទ្ធិរបស់ពួកគេ និងកែលម្អលក្ខខ័ណ្ឌការងារ ជាពិសេសនៅក្នុងសហគ្រាស​មួយ ដែលបានផ្គត់ផ្គង់ផលិតផលរបស់ខ្លួន ទៅឲ្យក្រុមហ៊ុនយីហោសម្លៀកបំពាក់កីឡាដ៏ល្បីរបស់ពិភពលោកមួយនោះ។

ព្រឹត្តិការណ៍ប្រឈមមុខគ្នា រវាងកងកម្លាំងនគរបាល និងក្រុមកម្មករ នៅថ្ងៃទី០៣ខែមិថុនា នៅរោងចក្រសាប៊្រីណា ក្នុងខេត្តកំពង់ស្ពឺ។ (រូបថត REUTERS/Samrang-Pring)

ហេតុការណ៍ដែលកើតចុងក្រោយបង្អស់ បានផ្ទុះឡើងនៅចុងខែឧសភា នៅក្នុងរោងចក្រកាត់ដេរមួយ ក្នុងខេត្តកំពង់ស្ពឺ ដែលធ្វើការឲ្យម៉ាកសម្លៀបំពាក់កីឡារបស់អាមេរិក មានឈ្មោះថា ណៃគ៍។ កម្មករអ្នកធ្វើការនៅទីនោះ [...]

កីឡាករវាយតឺនីសជើងខ្លាំងទាំង២រូប រ៉ាហ្វាអែល ណាដាល់ (Rafael Nadal) និងណូវ៉ាក់ ឌីចូកូវីក (Novak Djokovic) នឹង​ត្រូវជួបប្រកួតគ្នានៅវគ្គពាក់កណ្តាលផ្តាច់ព្រ័ត្រ ក្នុងព្រឹត្តិការណ៏ហ្វ្រេនអូផិន (French Open) បន្ទាប់ពីពួកគេទទួលបាន​ជ័យជំនះ ក្នុងវគ្គ១ភាគ៤ដូចគ្នារួចមកនោះ។

កីឡាករវាយតឺនីសជើងខ្លាំងទាំង២រូប(Rafael Nadal)ណូវ៉ាក់ ឌីចូកូវីក និង រ៉ាហ្វាអែល ណាដាល់។

ម្ចាស់ជើងឯក៧សម័យកាល ណាដាល់ បានយកឈ្នះកីឡាករស្វីស ស្តែនីស្លាស វ៉ារីនកា (Stanislas Wawrinka) ដោយ​លទ្ធផល ៦-២, ៦-៣ និង ៦-១ ខណៈដែលកីឡាករលំដាប់លេខ១ពិភពលោកឌីចូកូវីក បានទម្លាក់កីឡាករអាឡឺម៉ង់ ថុម៊ី ហាស (Tommy Haas) ដោយលទ្ធផល ៦-៣, ៧-៦ (៧-៥) និង ៧-៥។

កីឡាករអេស្ប៉ាញ ណាដាល់ [...]

ប្រទេសកូរ៉េខាងត្បូង បានទទួលយល់ព្រម នៅថ្ងៃព្រហស្បត្តិ៍នេះ សំណើសុំរបស់កូរ៉េខាងជើង ដែលចង់ធ្វើការចចារ​ទៅ​លើប្រធានបទចំពោះមុខមួយចំនួន ក្រោយបន្ទាប់ពីមានភាពតានតឹងដាក់គ្នារវាងបងប្អូនសត្រូវទាំងពីរ ប៉ុន្មានខែចុង​ក្រោយ​នេះរួចមក។

ផ្លូវឆ្ពោះទៅកាន់តំបន់ឧស្សាហកម្ម កាអេស៊ុង។

សេចក្ដីប្រកាសនេះ បានកើតឡើង ខណៈពេលដែលការតម្លើងសម្លេង បានកើតឡើងយ៉ាងខ្លាំង រវាងប្រទេស​លោកខាង​លិច និងរបបកុម្មុយនីសកូរ៉េខាងជើង នៅជុំវិញការបាញ់សាកល្បងកាំជ្រួចនុយក្លេអ៊ែរ លើកទីបីរបស់ទីក្រុងព្យុងយ៉ាង និង​បន្ទាប់ពីការគម្រាមកំហែង ដោយបើកការវាយប្រហារពីសំណាក់របបនេះ ក្នុងប៉ុន្មានខែចុងក្រោយ។

សេចក្ដីប្រកាសរបស់ក្រសួងបង្រួបបង្រួមកូរ៉េទាំងពីរ របស់ប្រទេសកូរ៉េខាងត្បូង បានឲ្យដឹងថា «រដ្ឋាភិបាលកូរ៉េខាងត្បូង [...]