តឺនីស៖ ណាដាល់ និង​ឌីចូកូវីក ប៉ះ​​គ្នា​​នៅ​​វគ្គ​ពាក់​កណ្តាល​ផ្តាច់​ព្រ័ត្រ

កីឡាករវាយតឺនីសជើងខ្លាំងទាំង២រូប រ៉ាហ្វាអែល ណាដាល់ (Rafael Nadal) និងណូវ៉ាក់ ឌីចូកូវីក (Novak Djokovic) នឹង​ត្រូវជួបប្រកួតគ្នានៅវគ្គពាក់កណ្តាលផ្តាច់ព្រ័ត្រ ក្នុងព្រឹត្តិការណ៏ហ្វ្រេនអូផិន (French Open) បន្ទាប់ពីពួកគេទទួលបាន​ជ័យជំនះ ក្នុងវគ្គ១ភាគ៤ដូចគ្នារួចមកនោះ។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 06, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករវាយតឺនីសជើងខ្លាំងទាំង២រូប រ៉ាហ្វាអែល ណាដាល់ (Rafael Nadal) និងណូវ៉ាក់ ឌីចូកូវីក (Novak Djokovic) នឹង​ត្រូវជួបប្រកួតគ្នានៅវគ្គពាក់កណ្តាលផ្តាច់ព្រ័ត្រ ក្នុងព្រឹត្តិការណ៏ហ្វ្រេនអូផិន (French Open) បន្ទាប់ពីពួកគេទទួលបាន​ជ័យជំនះ ក្នុងវគ្គ១ភាគ៤ដូចគ្នារួចមកនោះ។


កីឡាករវាយតឺនីសជើងខ្លាំងទាំង២រូប(Rafael Nadal)ណូវ៉ាក់ ឌីចូកូវីក និង រ៉ាហ្វាអែល ណាដាល់។

ម្ចាស់ជើងឯក៧សម័យកាល ណាដាល់ បានយកឈ្នះកីឡាករស្វីស ស្តែនីស្លាស វ៉ារីនកា (Stanislas Wawrinka) ដោយ​លទ្ធផល ៦-២, ៦-៣ និង ៦-១ ខណៈដែលកីឡាករលំដាប់លេខ១ពិភពលោកឌីចូកូវីក បានទម្លាក់កីឡាករអាឡឺម៉ង់ ថុម៊ី ហាស (Tommy Haas) ដោយលទ្ធផល ៦-៣, ៧-៦ (៧-៥) និង ៧-៥។

កីឡាករអេស្ប៉ាញ ណាដាល់ ដែលទើបតែត្រឡប់ពីរបួសអស់រយះពេល៧ខែ ដោយសាររបួសជង្គង់នោះ បាននិយាយថា «ខ្ញុំដឹងថា ខ្ញុំនឹងត្រូវប្រកួតជាមួយ កំពូលកីឡាកររបស់ពិភពលោក។ ហើយខ្ញុំក៏ដឹងថា គាត់ធ្វើបានយ៉ាងល្អបំផុត ក្នុងពេល​កន្លងមកដែរ។»

កីឡាករវ័យ២៧ឆ្នាំ បានបន្តថា «ប៉ុន្តែខ្ញុំគ្រាន់តែលេង ទៅតាមសមត្ថភាពរបស់ខ្ញុំ និងព្យាយាមធ្វើឲ្យបានល្អបំផុត​សម្រាប់​ខ្លួនឯង តែប៉ុណ្ណោះ។ នេះជាឱកាសរបស់ខ្ញុំ ដែលបានឡើងដល់វគ្គពាក់កណ្តាលផ្តាច់ព្រ័ត្រនេះ។»

រីឯកីឡាករស៊ែប៊ី ឌីចូកូវីក ក៏បាននិយាយដែរថា «ខ្ញុំកំពុងតែផ្តោតអារម្មណ៏ ទៅលើការប្រកួតមួយនេះ។ អ្នកដឹងទេ នេះ​មិនមែនជាលើកទី១ទេ ដែលខ្ញុំត្រូវប្រកួតជាមួយគាត់ ព្រោះយើងបានជួបគ្នា ៣០លើករួចមកហើយ។ ខ្ញុំគិតថា យើងក៏​បានដឹងពីសមត្ថភាពរបស់គ្នា រៀងៗខ្លួនដែរ។»

កីឡាករវ័យ២៦ឆ្នាំ បានបន្ថែមថា «យើងទាំង២នាក់ កំពុងតែមានទម្រង់ដ៏ល្អដូចគ្នា។ ហើយនេះក៏ជាការប្រកួតដ៏ធំជាង​គេ​បំផុតដែរ នៅក្នុងកម្មវិធី រ៉ូឡែន ហ្គារ៉ូស (Roland Garros) ឆ្នាំ២០១៣នេះ សម្រាប់រូបខ្ញុំ ក៏ដូចជារូបគាត់ផងដែរ។»

ការប្រកួតវគ្គពាក់កណ្តាលផ្តាច់ព្រ័ត្រនេះ នឹងធ្វើឡើងនៅយប់ថ្ងៃសុក្រស្អែកនេះ ដែលគូបើកឆាកទី១ កីឡាករអេស្ប៉ាញ ដេវីដ ហ្វឺរ៉ឺ (David Ferrer) នឹងត្រូវប្រកួតជាមួយកីឡាករបារាំង ចូវីលហ្វ្រេដ ធីសុងហ្គា (Jo-Wilfried Tsonga)។ រីឯគូ​ដែល​ជក់ចិត្តរវាងណាដាល់ និងឌីចូកូវីក នឹងប្រកួតគ្នាបន្ទាប់៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៦ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...