Posts in ‘អត្ថបទមានវីដេអូ’ Category

ពីពេលនេះតទៅ កីឡាករ ផ្លាវីយូ ការណីរ៉ូ (Flavio Carneiro) នឹងក្លាយជាតារាបាល់ទាត់ ដ៏ល្បីមួយ នៅលើបណ្ដាញ​អ៊ិនធើណែត និងបណ្ដាញសង្គម។ នៅក្នុងវគ្គចុងក្រោយ នៃការប្រកួតដណ្ដើមជើងឯង ក្នុងរដ្ឋ ស៊ែជីប៉ាណូ (Sergipano) របស់ប្រទេសប្រេស៊ីល រវាងក្រុមបាល់ទាត់ចំនួនបួនក្រុម កីឡាការខ្សែប្រយុទ្ធ ការណីរ៉ូ បានទាត់បញ្ចូលទី យក​ជ័យជំនះ​ឲ្យក្រុម កុងហ្វីយ៉ងស្សា (Confiança) របស់ខ្លួន ជាមួយនឹងថ្វីជើងដ៏ពិសេស និងគ្មាននរណានឹកស្មានដល់។

បើទោះជាមកដល់ពេលនេះ ក៏គេនៅតែឆ្ងល់ដែរថា តើកីឡាករជាតិប្រេស៊ីលម្នាក់នេះ កំពុងលេងកីឡាទាត់សី ឬទាត់​បាល់​សីដក់?

នៅពេលបានបណ្ដើរបាល់ មកដល់មុខទី របស់ក្រុម សូក័ររ៉េនសេ (Socorrense) កីឡាករយើង បានបញ្ឆោតអ្នកចាំទី ដោយ​បានទាត់បាល់ទៅមុខបន្តិច តែកីឡាករបានរត់លឿនជាងបាល់ ហើយបាល់នៅពេលនោះ បានរត់មកនៅ​ខាង​ក្រោយ ជើង​របស់​កីឡាករ។ បើសិនជាកីឡាករធម្មតា និងទូទៅ គេច្បាស់ជាត្រឡប់ក្រោយ ដើម្បីទាត់បាល់ពីមុខ [...]

រូបភាពវីដេអូ ដែលបានថតដោយ អ្នកដំណើរម្នាក់ ត្រូវបានប្រព័ន្ធផ្សព្វផ្សាយអាមេរិក យកមកផ្សាយជាបន្តបន្ទាប់ បង្ក​ការ​ក្ដៅក្រហាយ កាន់តែខ្លាំងឡើង ទាក់ទងនឹងរឿងអាស្រូវ នៃភ្នាក់ងារនគរបាលស្បែកស របស់រដ្ឋការ៉ូលីន ខាងត្បូង លោក ម៉ៃឃើល ស្លេជឺ (Michael Slager) ដែលបានធ្វើការបាញ់ប្រហារ ទៅលើជនរងគ្រោះ វលធើរ ស្កុត (Walter Scott) ដែល​ជា​ជន​ជាតិ​អាមេរិកស្បែកខ្មៅ អាយុ៥០ឆ្នាំ។

បើតាមចៅហ្វាយក្រុង ឆាលេស្ដុន (Charleston) លោក គេត សាមម៉ី (Keith Summey) បានឲ្យដឹងថា វីដេអូនេះ បានដើរ​តួរយ៉ាងសំខាន់ ក្នុងការចោទប្រកាន់ ទៅលើភ្នាក់ងារនគរបាល រូបនោះ។ លោកចៅហ្វាយក្រុង បានថ្លែងឡើងថា៖ «នៅ​ពេល​អ្នកឯងប្រព្រឹត្តិកំហុស អ្នកត្រូវតែខុស»។

នៅពេលហៅកម្លាំងជំនួយមកបន្ថែម លោក ម៉ៃឃើល ស្លេជឺ បានអះអាងថា ជនរងគ្រោះ បានដណ្ដើមកាំភ្លើងឆក់ របស់​ខ្លួន។ ប៉ុន្តែនៅក្នុងវីដេអូ បន្ទាប់ពីការប្រតាយប្រតប់គ្នា បានបញ្ចប់ [...]

នេះជាសង្គ្រាម ដណ្ដើមទឹកដី រវាងសត្វឆ្កែ ដែលមិនស្គាល់គ្នា ហើយមកជួបទល់មុខគ្នា។ សង្គ្រាមនេះ អាចនឹងមាន​រយៈ​ពេល​យូរ ប្រសិនបើម្ចាស់វា មិនជួយចាប់ញែកវាចេញពីគ្នានោះទេ។ ប៉ុន្តែសង្គ្រាមលើកនេះ មិនមែន​បណ្ដាលមក​ពីឆ្កែ​ពីរ​ក្បាល​នោះទេ តែជាឆ្កែ ប៊លដកពូជតឿ របស់បារាំងមួយក្បាល ដែលសង្ខើញដាក់រូបខ្លួនវា នៅក្នុងកញ្ចក់ នៃបន្ទប់​របស់​ម្ចាស់​វា។

ឆ្កែមួយក្បាលនេះ ឈ្មោះ ប៊ៀ (Bear)។ វាបានសង្កុកនៅពីមុខកញ្ចក់ មួយសន្ទុះធំហើយ តែវាមិនគិតថា ខ្លួនវា​ស្ថិតក្នុង​ចំណាំងផ្លាត នៃរូបភាពក្នុងកញ្ចក់នោះទេ។ ផ្ទុយទៅវិញ វាខិតខំរិះរកនូវគ្រប់វិធី ដើម្បីធ្វើយ៉ាងណា បណ្ដេញបច្ចាមិត្រ របស់វាមួយនេះ ឲ្យចេញឲ្យផុត ពីបន្ទប់របស់ម្ចាស់វា។

ហើយដេញយ៉ាងម៉េចនឹងកើត បើនេះជារូបខ្លួនវា? គ្រប់វិធីហើយ នៅតែមិនចេញ... គួរឲ្យក្ដៅមែន!

ប៉ុន្តែ វាបានផ្ដល់នូវរូបភាព គួរឲ្យស្រឡាញ់ណាស់។ សូមទស្សនាវីដេអូ ដូចនៅខាង​លើ៕