អាមេរិក៖ នគរបាល​បាញ់​ជន​ស៊ីវិល​គ្មាន​អាវុធ ៨គ្រាប់​ពី​ក្រោយ​ខ្នង (vdo)

រឿងអាស្រូវ ទាក់ទងនឹងភ្នាក់ងារនគរបាលអាមេរិក ដែលប្រើអំពើហិង្សា ទៅលើជនស៊ីវិល ស្បែកខ្មៅគ្មានអាវុធ បាន​កើត​ឡើង​ជា​ថ្មី​ទៀត។ លើកនេះ ហេតុការណ៍ ត្រូវបានអ្នកដំណើរម្នាក់ ថតជាវីដេអូយកមកផ្សាយ។
វីដេអូទាំងស្រុង នៃឈុតឆាកបាញ់ប្រហារ របស់នគរបាលអាមេរិក ស្បែកសមួយរូប ទៅលើជនស្បែកខ្មៅ គ្មានអាវុធ។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី០៨ មេសា ២០១៥
  • កែប្រែចុងក្រោយ: April 08, 2015
  • ប្រធានបទ: ជ្រុងមួយ
  • អត្ថបទ: មានបញ្ហា?
  • មតិ-យោបល់

រូបភាពវីដេអូ ដែលបានថតដោយ អ្នកដំណើរម្នាក់ ត្រូវបានប្រព័ន្ធផ្សព្វផ្សាយអាមេរិក យកមកផ្សាយជាបន្តបន្ទាប់ បង្ក​ការ​ក្ដៅក្រហាយ កាន់តែខ្លាំងឡើង ទាក់ទងនឹងរឿងអាស្រូវ នៃភ្នាក់ងារនគរបាលស្បែកស របស់រដ្ឋការ៉ូលីន ខាងត្បូង លោក ម៉ៃឃើល ស្លេជឺ (Michael Slager) ដែលបានធ្វើការបាញ់ប្រហារ ទៅលើជនរងគ្រោះ វលធើរ ស្កុត (Walter Scott) ដែល​ជា​ជន​ជាតិ​អាមេរិកស្បែកខ្មៅ អាយុ៥០ឆ្នាំ។

បើតាមចៅហ្វាយក្រុង ឆាលេស្ដុន (Charleston) លោក គេត សាមម៉ី (Keith Summey) បានឲ្យដឹងថា វីដេអូនេះ បានដើរ​តួរយ៉ាងសំខាន់ ក្នុងការចោទប្រកាន់ ទៅលើភ្នាក់ងារនគរបាល រូបនោះ។ លោកចៅហ្វាយក្រុង បានថ្លែងឡើងថា៖ «នៅ​ពេល​អ្នកឯងប្រព្រឹត្តិកំហុស អ្នកត្រូវតែខុស»។

នៅពេលហៅកម្លាំងជំនួយមកបន្ថែម លោក ម៉ៃឃើល ស្លេជឺ បានអះអាងថា ជនរងគ្រោះ បានដណ្ដើមកាំភ្លើងឆក់ របស់​ខ្លួន។ ប៉ុន្តែនៅក្នុងវីដេអូ បន្ទាប់ពីការប្រតាយប្រតប់គ្នា បានបញ្ចប់ គេឃើញវត្ថុមួយបានជ្រុះនៅនឹងដី ដែលទំនងជា​កាំភ្លើង​ឆក់ ហើយក្នុងពេលនោះ ជនរងគ្រោះ បានរត់ចេញទៅ។ ភ្លាមៗក្រោយមក ភ្នាក់ងារនគរបាលបានដក កាំភ្លើង​មែន​ទែន​របស់ខ្លួន ហើយបាញ់ចំនួន៨គ្រាប់ ទៅលើជនរងគ្រោះ ចំពីក្រោយខ្នង បើសូម្បីតែជនរងគ្រោះ មិនបានតដៃ​អ្វី​សោះ។

បន្ទាប់ពីជនរងគ្រោះ បានដួលនឹងដីរួច លោក ម៉ៃឃើល ស្លេជឺ បានរត់ទៅតាម ដើម្បីដាក់ខ្នោះ។ ប៉ុន្តែភ្នាក់ងារនគរបាល ទំនងជាបានភ្លេចរឿងមួយ គឺជនរងគ្រោះគ្មានកាំភ្លើងឆក់ នៅនឹងខ្លួន ដូចដែលភ្នាក់ងាររូបនេះ បានរាយការណ៍មុនណ្នឹង ថាលោក វ័លធើរ ស្កុត បានដណ្ដើេមវាពីនគរបាល។ ដូច្នេះហើយ ទើបមួយសន្ទុះក្រោយ លោក ម៉ៃឃើល បានត្រឡប់​មក​វិញ ហើយដូចជាយកអ្វីមួយ មកទម្លាក់នៅក្បែរជនរងគ្រោះវិញ ដែលបើតាមអ្នកជំនាញនិយាយថា ជាកាំភ្លើងឆក់​នោះ​ឯង។

នៅក្នុងដីកាឃាត់ខ្លួនភ្នាក់ងារនគរបាល បានសរសរថា លោក ស្លាជឺរ បានសម្លាប់ជនរងគ្រោះ «ដោយខុសច្បាប់ និង​ប្រកប​ដោយឈាមត្រជាក់»។

ហេតុការណ៍នេះ អាចនឹងធ្វើឲ្យភាពតានតឹង កើតឡើងជាថ្មីទៀត នៅសហរដ្ឋអាមេរិក បន្ទាប់ពីសំណុំរឿងជាច្រើន បាន​ផ្ទុះជាបន្តបន្ទាប់ រវាងនគរបាលស្បែកស និងជនជាតិអាមេរិកាំងស្បែកខ្មៅ ជាពិសេសហេតុការណ៍ នៅក្រុង ហ្វឺកឺសិន (Ferguson) នៃ​រដ្ឋ មីស៊ូរី (Missouri) កាលពីខែសីហា ឆ្នាំទៅម៉ិញ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...