Posts in ‘អត្ថបទមានវីដេអូ’ Category

ការប្រកួតរវាងក្រុម របស់រាជធានី ម៉ាឌ្រីដ (Madrid) ទាំងពីរ មិនជាស្រួលប៉ុន្មានទេ នៅលើទីលានប្រកួត បើទោះជាក្រុម រៀលម៉ាឌ្រីដ (Real Madrid) បានទទួលជោគជ័យក៏ដោយ។ ប៉ុន្តែការហ្វឹកហាត់ នៅមុនការប្រកួត បានបញ្ចប់​ទៅ​ដោយ​ភាព​រំភើបចិត្ត និងពោរពេញដោយសមានចិត្ត។

នៅក្នុងពេលដែលកីឡាករបាល់ទាត់អន្តរជាតិ គ្រីស្ទៀនណូ រ៉ូណាល់ដូ កំពុងហ្វឹកហាត់ កម្ដៅសាច់ដុំរបស់ខ្លួន នៅលើ​ទីលានប្រកួត កណ្ដាលពហុកីឡាដ្ឋាន កីឡាករល្បីឈ្មោះយើង បានជ្រុលជើងបញ្ជូនបាល់ ពីក្នុងជើងរបស់ខ្លួន ធ្លាយ​ទៅ​ប៉ះកុមារាម្នាក់ ដែលកំពុងឈរ នៅក្នុងចំណោមអ្នកគាំទ្រ របស់ក្រុមរៀលម៉ាឌ្រីដ។ តារាបាល់ទាត់ រ៉ូណាល់ដូ បានដឹងខ្លួន ក៏បានចូលទៅក្បែរ ហើយបានដោះអាវ ពីខ្លួនឲ្យទៅកុមារ ដែលបើតាមមើលទំនង កុមារបានអភ័យទោស របស់​កីឡាករ​ល្បី ម្នាក់នេះរួចហើយ (សូមទស្សនាវីដេអូខាងលើ)៕

គ្មានអ្វីអាចមករំខាន នូវជំនក់ចិត្ត ក្នុងការបំបោលសេះ ដោយឆាប់ដល់ទិសដៅ ដើម្បីយកឈ្នះឲ្យបាននោះឡើយ បើ​ទោះ​ជាលោក ប្លេក សាញ ត្រូវរបូតខោ បង្ហាញកំប៉េះគូទ នៅកណ្ដាលឆាកក៏ដោយ។

លោក ប្លេក សាញ បានថ្លែងទាំងសើចក្អាកក្អាយថា៖ «ខ្ញុំបារម្ភច្រើន សម្រាប់ការប្រណាំងសេះមួយនេះ ដែលខ្ញុំចង់​យក​ជ័យជំនះ។ តែខោខ្ញុំ បានចាប់រអិល ធ្លាក់ចេញពីចង្កេះ តាំងពីពេលចាប់ផ្ដើមម្លេះ។ រឿងដែលពិបាកនោះ គឺខ្ញុំមិនអាច​ធ្វើអ្វី​បាន ជាមួយនឹងខោរបស់ខ្ញុំនេះទេ។»

កីឡាករដែលបានបញ្ចាប់ ការប្រកួតរួបនេះ បានបន្តទៀតថា៖ «ខ្ញុំគិតថា មនុស្សម្នានឹងសើច ពីឈុតឆាកឥតព្រៀង​ទុក​នេះ។ ប៉ុន្តែយ៉ាងហោចណាស់ ពួកគេមិនអាចនិយាយថា ខ្ញុំមិនបានផ្ចង់អារម្មណ៍ នៅក្នុងការបំបោល សេះប្រណាំង​នេះ​ឡើយ។»

បើទោះជាការផ្ចង់អារម្មណ៍ របស់លោក ប្លេក មានខ្លាំង រហូតរបូតខោមិនខ្វល់ យ៉ាងនេះក៏ដោយ តែលោកបានទទួល​ជ័យជំនះ តែត្រឹមចំណាត់លេខពីរប៉ុណ្ណោះ។ [...]

តារាសម្ដែង និងបង្ហាញម៉ូដ កូនកាត់ អាមេរិក-អាល្លឺម៉ង់ នាង ហីឌី គ្លូម (Heidi Klum ) បានចេញមកបង្ហាញខ្លួន យ៉ាង​រោល​រាល នៅក្នុងឈុតចម្រៀងថ្មី មានចំណងជើងថា «Fire Meet Gasoline» របស់អ្នកចម្រៀង Sia ដែលទើបនឹងបង្ហោះ ដាក់​ផ្សាយ​ជាផ្លូវការ កាលពីថ្ងៃទី២៣ ខែមេសានេះ។

បើទោះជា នាងមានអាយុ៤១ឆ្នាំ ហើយក៏ដោយ ប៉ុន្តែភាពស៊ិចស៊ី របស់នាង ហីឌី គ្លូន នៅតែមាន ជាពិសេស ក្នុងពេល​ដោះ​សម្លៀកបំពាក់ ថតឈុតដុតកម្ដៅ តារាសម្ដែង ប្រុសអាមេរិកម្នាក់ទៀត ឈ្មោះ ផេដ្រូ ប៉ាស្កាល (Pedro Pascal) ដែល​ល្បី​ឈ្មោះ ក្នុងភាពយន្ដរឿង Game of Thrones៕