Posts in ‘បទយកការណ៍’ Category

តើនេះជាទស្សនៈវិស័យ វ័យឆ្ងាយ ស៊ីជម្រៅ របស់រដ្ឋាភិបាលកម្ពុជា ក្នុងការអភិវឌ្ឃន៍ ស្ពានអាកាស នៅរាជធានី​ភ្នំពេញឬ? ចម្លើយ អាចខុសពីនេះ។ ប៉ុន្តែគេក៏មិនសូវយល់ ប៉ុន្មានដែរ ព្រោះបើតាមទម្លាប់ នៃការសាង​សង់​សំណង់​ថ្មីៗ ក្នុងរាជធានី នាសម័យនេះ គេត្រូវលើកដីសង់ផ្ទះ ឬផ្លូវឲ្យខ្ពស់ៗ ដើម្បីបញ្ជៀសការលិចទឹក នៅ​ពេល​មាន​ភ្លៀងធ្លាក់។ ហើយទម្លាប់ ដែលសឹងតែក្លាយ ជា«វប្បធម៌»នេះ បានបង្កការហួសចិត្តមិនតិចទេ ដល់​ពលរដ្ឋ​អ្នករស់នៅ ក្នុងរាជធានីកម្ពុជាខ្លួនឯង។

ការហួសចិត្ត ជារឿងមួយ និងចេះតែទ្រាំ តាមយថកម្មទៅ។ តែការខ្មាសអៀន គឺជារឿងមួយទៀត ជាពិសេស​ការខ្មាសអៀន នឹងពលរដ្ឋកម្ពុជា ដែលមកពីខេត្ត ឬជនបទស្រុកស្រែចំការ នេះតែម្ដង។ «នេះភ្លៀងតែមួយមេ លិចថ្នាក់ហ្នឹង ចុះបើភ្លៀងពីរបីមេ ទីក្រុងភ្នំពេញ មិនក្លាយទៅជាទីក្រុងទឹក ទៅហើយទេ?» នេះជាការលើឡើង របស់ស្រ្តីម្នាក់ មកពីខេត្តតាកែវ អ្នកស្រី មុំ លើកឡើងបែបនេះ ខណៈដែលអ្នកស្រី [...]

នៅផ្នែកខាងជើង នៃប្រទេសកម្ពុជា រថភ្លើង«ខុស»ខ្នាតមួយ បានអនុញ្ញាតឲ្យអ្នកជនបទ នៅទីនោះ អាចរស់​នៅ​ចិញ្ចឹមជីវិត របស់ពួកគេ។ រថភ្លើង ដែលត្រូវបានកសាងឡើង ដោយអ្នកនៅជនបទនោះ មានលក្ខណៈ ជាគ្រែ​ឫស្សី យកមកដាក់ នៅលើផ្លូវដែកជាតិ ដោយវាមានដំណើរការបាន ជាមួយនឹងម៉ាស៊ីនអូស ដ៏«កញ្ចាក់»មួយ។

ដោយសារ តែប្រព័ន្ធរថភ្លើងរបស់ប្រទេស មិនមានដំណើរការ ដូច្នេះមានប្រព័ន្ធរទេះឫស្សី រត់នៅលើ​ផ្លូវដែក​នេះទេ ដែលបានជួយ ឲ្យការរកទទួលទាននានា បានប្រព្រឹត្តិទៅ ដោយល្អប្រសើរ ក៏ដូចជាពិធីបុណ្យ ឬមង្គល​ការ របស់អ្នកស្រុកនោះដែរ។ ជាពិសេសនៅពេលមានជំងឺតម្កាត់នានានោះ ប្រព័ន្ធរទេះឫស្សី ក៏បានជួយ​ឲ្យ​អ្នក​ជំងឺ អាចទៅរកគ្រូពេទ្យ បានទាន់ពេល ឬគេអាចទៅអញ្ជើញគ្រូពេទ្យ ឲ្យមកព្យាបាលដល់ផ្ទះ យ៉ាងឆាប់រហ័ស​ដែរ។

លុយទ្រនាប់ដៃ ដើម្បីបន្តជីវិត...

តាមពិតទៅ ប្រព័ន្ធរទេះឫស្សី នេះមិនមានការអនុញ្ញាតឲ្យរត់ នៅលើផ្លូវដែករបស់ជាតិទេ [...]

តើនរណាមួយ ដែលមិនស្គាល់ប្រទេសន័រវេស ដែលល្បីខាងស្អាតស្អំ សម្បូរសប្បាយ និងមានស្ថានភាព​សង្គម ល្អ​ប្រសើរ​ជាង​គេក្នុងលោក? ប៉ុន្តែយុវជនប្រុសស្រី បីរូប ដែលមានជំនាញ ខាងរចនាសម្លៀកបំពាក់ និងផ្សព្វ​ផ្សាយ​តាម​បណ្ដាញ Blog មកពីប្រទេសនេះ មានបំណងចង់ដឹងថា តើជីវិតរស់នៅ របស់កម្មករ​កម្មកា​រិនី នៅក្នុងប្រទេសផ្សេង ដូច​យ៉ាង​កម្ពុជាជាដើម មានសភាពបែបណា? ពួកគេបានសាកល្បងមក​មើល​ផ្ទាល់ និងបានធ្វើការងារមួយចំនួន ដូច​នយោជិក​ក្នុងស្រុក... ទីបំផុតលទ្ធផលដែលចេញមក គឺការសម្រក់ទឹកភ្នែក។

នៅក្នុងរយៈពេលដែលពួកគេ បានចូលមកស្នាក់នៅ ក្នុងប្រទេសកម្ពុជា ពួកគេបានតាមដាន និងថតយក​ទិដ្ឋភាព ពីកម្មករ​កម្ពុជាសឹងតែរាល់ថ្ងៃ ពីព្រឹកទាល់ល្ងាច ជាពិសេស ត្រូវក្រោកពីព្រហាម ដើម្បីស្រូតរូតរះ​ធ្វើ​ដំណើរ ទៅកាន់​រោងចក្រ... គោលបំណងធំបំផុត របស់ពលករទាំងនោះ គឺផលិតសម្លៀកបំពាក់ ដើម្បីលក់​ទៅឲ្យយីហោធំៗ នៅក្នុង​បណ្ដាប្រទេសអ៊ឺរ៉ុប និងអាមេរិក។

«យុទ្ធជនរបស់អង្គការ រដ្ឋអ៊ីស្លាម (បារាំងហៅ EI អង់គ្លេសហៅ ISIS) បានចាប់បង្ខាំង និងចាប់ពង្រត់ស្ត្រីជា​ច្រើន​នាក់ នៅពេលដែលពួកគេ បានវាយដំណ្ដើម យកបានតំបនមួយ ឬត្រឡប់​ទៅកាន់កាប់ទីនោះវិញ។ ស្ត្រី​ទាំងអស់នោះ ជួនកាលត្រូវបានលក់ចេញ ក្នុងតម្លៃ"បារីមួយកញ្ចប់" ជួនកាលមានតម្លៃរប់រយ ឬរាប់ពាន់​ដុល្លា។» នេះជាការថ្លែងឡើង របស់អ្នកស្រី ហ្សៃណាប បានហ្គៀរ៉ា អ្នកទទួលខុសត្រូវមួយរូប របស់អង្គការ​សហ​ប្រជាជាតិ ដែលទទួលបន្ទុកខាងការឃ្លាំមើល អំពើហិង្សាផ្នែកផ្លូវភេទ នៅក្នុងជម្លោះប្រដាប់អាវុធ។

ការអះអាងខាងលើនេះ មាននៅក្នុង«កំណត់ត្រា»ដ៏តក់ស្លុតមួយ ដែលអ្នកស្រី បានហ្គៀរ៉ា បានធ្វើឡើង ដោយ​យោងទៅលើសាក្សីជាច្រើន និងត្រូវបានទូរទស្សន៍អង់គ្លេស «BBC» យកមករាយការណ៍។ សារព័ត៌មាន​អង់គ្លេស «The Guardian» ក៏បានអះអាងដែរថា រឿងនេះជាការជួញដូរមនុស្សដ៏ធំមួយ នៅក្នុងយុទ្ធសាស្ត្រ​របស់​ក្រុមអង្គការរដ្ឋអ៊ីស្លាម ដើម្បីទាក់ទាញ [...]