យុទ្ធនាការអាវខ្មៅ៖ ស្ត្រីសកម្មជនដីធ្លី៥នាក់ ត្រូវបានឃាត់ខ្លួន
ស្ត្រីសកម្មជនខាងសិទ្ធិលំនៅដ្ឋានទាំងប្រាំរូប មានអ្នកស្រី ង៉ូវ ណារី - អ្នកស្រី ភោគ សុភីន - អ្នកស្រី យិន ស្រីន (អ្នកទាំងបីមកពីសហគមន៍បូរីកីឡា) - អ្នកស្រី ច្រាយ នឹម (មកពីសហគមន៍ថ្មគោល) និងអ្នកស្រី អ៊ឹម ស្រីទូច (មកពីសហគមន៍បឹងកក់)។ អ្នកទាំងប្រាំ ត្រូវបានអាជ្ញាធរខណ្ឌទួលគោល ចាប់បញ្ជូនខ្លួនឡើងរថយន្ដ យកទៅសាកសួរនៅក្នុងអធិការដ្ឋានខណ្ឌ នៅវេលាម៉ោង ប្រមាណជា៨ និង៥០នាទី ព្រឹកថ្ងៃទី១៦ ខែឧសភានេះ។
ក្រុមស្ត្រីសកម្មជនទាំងនេះ បានព្យាយាមជួបជុំគ្នា នៅត្រង់ចំណុចស្ដុបផ្សារដើមគ រាជធានីភ្នំពេញ ដើម្បីជួបជុំគ្នាជាមួយនឹងសកម្មជនផ្សេងទៀត ក្នុងយុទ្ធនាការ«ថ្ងៃចន្ទពណ៌ខ្មៅ» ដែលគ្រោងនឹងធ្វើក្នុងព្រឹកនេះ នៅមុខពន្ធនាគារព្រៃស។
ក្រុមអ្នកចូលរួមទាំងនេះ បាននាំគ្នាស្លៀកពាក់ ឬពាក់អាវពណ៌ខ្មៅ ដើម្បីទាមទារ ឲ្យមានការដោះលែងសកម្មជនការពារសិទ្ធិមនុស្សចំនួន៤រូប និងអគ្គលេខាធិការរង [...]
