ដាក់រោមភ្នែកសិប្បនិម្មិតញឹកញាប់ អាចធ្វើឲ្យរោមភ្នែកពិតលែងដុះរហូត
ការតរោមភ្នែកដែលមានតម្លៃ ពី១០០ទៅ៤០០ដុល្លារនៅប្រទេសជឿនលឿន និងប្រមាណជា១០ ទៅ៣០ដុល្លារនៅប្រទេសក្រីក្រនោះ គឺជាការប្រើកាវបិទរោមភ្នែកជ័រភ្ជាប់ទៅនឹងគែមត្របកភ្នែក និងរោមភ្នែកធម្មជាតិ ដើម្បីឲ្យស្ត្រីមានរោមភ្នែកក្រាស់ និងស្អាតដោយមិនចាំបាច់លាបម៉ាស្ការ៉ាឡើយ។ ជាទូទៅរោមភ្នែកសិប្បនិម្មិតអាចស្ថិតនៅជាប់បានពី១ ទៅ៦សប្ដាហ៍។ ដូច្នេះស្ត្រីណាដែលចង់ស្អាតរាល់ថ្ងៃ ត្រូវតែវិលត្រឡប់ទៅហាងអ៊ុតសក់ ឬហាងកែសម្ផស្សវិញ ដើម្បីតរោមភ្នែកឲ្យពេញឡើងវិញ។
ទង្វើដែលតរោមភ្នែកម្ដងហើយម្ដងទៀតនេះ ត្រូវបានអ្នកជំនាញមកពីសាកលវិទ្យាល័យ រ៉ូយ៉ាល់ នៅចក្រភពអង់គ្លេស ព្រមានថា អាចធ្វើឲ្យរោមភ្នែកធម្មជាតិមិនអាចទ្រាំទ្រនឹងទម្ងន់កាវ ព្រមទាំងទម្ងន់រោមជ័រនោះបាន រហូតធ្វើឲ្យវារលើងគល់ និងងាប់ឫស [...]