បែកធ្លាយថា គយនៅប៉ោយប៉ែតចាប់កម្មករអូសរទេះ ឲ្យបង់ពន្ធហួសកម្រិត
កម្មករអ្នកអូសរទេះនៅច្រកទ្វារព្រំដែន កម្ពុជា-ថៃ ជាច្រើននាក់ ត្រូវបានចាប់ឃាត់ខ្លួន និងឃាត់រទេះរបស់ពួកគេឲ្យបង់ពន្ធ ជាពិសេសនៅយប់ថ្ងៃទី២០ ខែមករា ឆ្នាំ២០១៥ កន្លងទៅនេះ។ នេះបើតាមការថ្លែងទុក្ខរបស់ក្រុមកម្មកររងគ្រោះទាំងនោះ ប្រាប់ទស្សនាវដ្ដីមនោរម្យ.អាំងហ្វូ នៅថ្ងៃនេះ។ ការចាប់ឃាត់ខ្លួននេះ បានធ្វើឡើងយ៉ាងចាស់ដៃ បន្ទាប់ពីក្រុមអ្នកអូសរទេះបានប្រមូលផ្តុំគ្នា ធ្វើការតវ៉ានៅមុខទីស្នាក់ការគយកាលពីពេលថ្ងៃកន្លងមក។ ក្រុមកម្មករមួយចំនួនបានរួចខ្លួនពីទីនោះមកវិញ ដោយសារពួកគេទាំងនោះ បានទៅចងការប្រាក់ពីគេ ដើម្បីបង់ឲ្យគយព្រោះចង់រួចខ្លួន។ ប៉ុន្តែកម្មករមួយចំនួនទៀត មិនបានចេញមកវិញភ្លាមៗទេ។
រីឯការចាប់បង់ពន្ធនេះទៀតសោធ មិនបានគិតពីលទ្ធភាពរបស់អ្នកអូសរទេះ ថារកបានចំណូលប៉ុន្មាន [...]