បេក្ខនារីប្រលងបាក់ឌុបឆ្នាំនេះម្នាក់ សម្រាលកូនពេលប្រលង
តាមប្រសាសន៍របស់លោក ញ៉ែម សំអឿន ប្រធានមណ្ឌលអនុវិទ្យាល័យ ជាស៊ីមស្មាច់មានជ័យ ខេត្តកោះកុង បានប្រាប់សារព័ត៌មានក្នុងស្រុកមួយថា សិស្សស្រីដែលឈឺពោះឆ្លងទន្លេនោះ មានឈ្មោះ ពេជ្រ សំអាត អាយុ២៥ឆ្នាំ (មានគ្រួសារហើយ) ជាសិស្សបំពេញវិជ្ជា (ស្វ័យរិន) ពិតជាមិនបានប្រឡងវិញ្ញាសារគណិតវិទ្យា ដែលជាវិញ្ញាសារចុងក្រោយមែន ដោយសារនាងមិនស្រួលខ្លូន ហើយនៅល្ងាចថ្ងៃប្រលងចុងក្រោយនេះ នាងបានឈឺពោះសម្រាលកូន។
លោក ញ៉ែម សំអឿន បានប្រាប់អ្នកសារព័ត៌មានទៀតថា៖ «ការមិនបានប្រឡងមុខវិជ្ជានេះ នឹងបានពិន្ទុស្មើសូន្យ»។
តាមរយៈ Facebook ផ្លូវការរបស់ក្រសួងអប់រំ យុវជន និងកីឡា ចេញផ្សាយ នៅល្ងាចថ្ងៃទី២៥ ខែសីហា ឆ្នាំ២០១៥ បានឱ្យដឹងថា មានបេក្ខនារីម្នាក់ ពុំបានប្រឡងនូវវិញ្ញាសារចុងក្រោយ ដោយសារតែនាងឈឺពោះសម្រាលកូន។ សិស្សស្រីម្នាក់ ដែលឈឺពោះសម្រាលកូននោះ គឺប្រឡងនៅមណ្ឌលអនុវិទ្យាល័យ ជាស៊ីមស្មាច់មានជ័យ ខេត្តកោះកុង។ [...]
