Posts in ‘ពីនេះពីនោះ’ Category

អ្នកស្នេហាកីឡាទាំងឡាយ តែងឃើញជាញឹកញយ នូវមនុស្សប្រុសម្នាក់ ពីរនាក់ ឬពេលខ្លះទាំងហ្វូង បាន​រត់កាត់ទីលានប្រកួតបាល់ទាត់ ឬបាល់អោបជាដើម។ អ្នកខ្លះពីក្នុងចំណោមនោះ ថែមទាំងបាន«ស្រាត» រួច​រត់ចូលក្នុងការប្រកួត នៅក្រោមក្រសែរភ្នែកមនុស្សរាប់សិបនោះទៀត។ មនុស្សទាំងនោះ មានភាគច្រើនជា​បុរស។ តែពេលនេះ អ្នករត់កាត់ស្រាតខោអាវនោះ មានមនុស្សស្រីម្ដង ដែលបានធ្វើឲ្យមានការភ្ញាក់ផ្អើល នៅ​ក្នុងការប្រកួតបាល់អោបមួយ រវាងក្រុមជម្រើសជាតិ ញ៉ូហ្សេឡេន និងក្រុមអាហ្សង់ទីន កាលពីចុង​សប្ដាហ៍​មុន។

នាង រូស គូប៉ា (Rose Kupa) អាយុ២៥ឆ្នាំ បានដោះខោអាវចេញពីខ្លួន លោតពីកន្លែងអង្គុយរបស់ខ្លួន ហើយ​បានរត់កាត់ទីលានប្រកួតបាល់អោប ដោយបានឆ្លៀតទះកំប៉េះគូថកីឡាករម្នាក់ បានមួយដៃ មុននឹងនាង​ត្រូវ​បានភ្នាក់ងារសន្តិសុខ លោតសង្គ្រប់ពីលើ ដើម្បីចាប់ឃាត់ខ្លួននាង។

បន្ទាប់ពីហេតុការណ៍នោះហើយ នារីក្លាហានត្រូវបានគេដោះលែងវិញ ដោយមិនមានការផាកពិន័យ [...]

វីដេអូនេះ ត្រូវបានថត និងដាក់ផ្សាយតាំងពីខែឧសភា តែវាទើបតែបង្អើលអ្នកទស្សនា ឲ្យចុចចូលមើល​យ៉ាង​សម្បើមដៃ នៅចុងសប្ដាហ៍កន្លងមកនេះ។ រហូតមកដល់ថ្ងៃនេះ មនុស្សដែលចុចចូលទៅទស្សនា មានចំនួន​ច្រើនជាង៦សែនដងទៅហើយ។

ម្ចាស់វីដេអូបានពន្យល់ថា លោកបានដាក់ម៉ាស៊ីនថតរូប ឲ្យចាប់យករូបភាពជារៀងរាល់២០វិនាទីម្ដង ហើយ​បានដំណើរការ ចាប់តាំងពីម៉ោង៧ព្រឹក រហូតដល់ម៉ោង៥ល្ងាច ក្នុងការសាងសង់រោងសិប្បកម្មមួយ ក្នុងរដ្ឋ អូហៃយ៉ូ (Ohio) សហរដ្ឋអាមេរិក។

អ្នកទាំងអស់ ដែលជាតួអង្គនៅក្នុងវីដេអូ មិនមែនជាកម្មករអាជីព ជាអ្នកជំនាញពីក្រុមហ៊ុនណាមួយនោះ​ឡើយ តែជាសមាជិកសមញ្ញៗក្នុងសហគមន៍សាសនាដ៏ស្ងាត់ស្ងៀមមួយ និងសុទ្ធតែជាអ្នកដែលមិនសូវ​ខ្វល់នឹងបច្ចេកវិទ្យាទំនើប។ ពួកគេ​មានការចាត់តាំងគ្នាយ៉ាងល្អ ដើម្បីឈានទៅបំបែកឯកត្តកម្ម ខាងការ​សាងសង់រោងសិប្បកម្ម ដែលមានទំហំដ៏ធំមួយ ដោយប្រើរយៈពេលតិចបំផុត។

ពីម៉ោង៧ព្រឹក ដល់ម៉ោង៥ល្ងាច មានរយៈពេល១០ម៉ោង [...]

ពិធីនេះ បានចំណាយប្រាក់ និងបានប្រព្រឹត្តិទៅ ដូចអាពាហ៍ពិពារទាំងឡាយ ដែលធ្វើឡើងសម្រាប់​បណ្ដា​ជន​ដែលរស់នៅ ក្នុងតំបន់នោះអញ្ចឹងដែរ។ តែរឿងដែលនឹកគិតមិនដល់នោះ គឺកញ្ញា ម៉ង់គ្លី អាយុ១៨ឆ្នាំ បាន​ជ្រើសរើសស្វាមីរបស់ខ្លួន ជាសត្វសុនខអនាថា នៅតាមចិញ្ចើមថ្នល់មួយក្បាល មកធ្វើជាស្វាមីសំណព្វ​ចិត្ត​​របស់​នាង។

មូលហេតុសំខាន់ដែលឈានទៅដល់ការសម្រេចចិត្តយកសត្វឆ្កែ ជាកូនកម្លោះនោះ ដោយសារតែ​ក្រុម​គ្រួសារ​ដែលរស់នៅក្នុងរដ្ឋចារឃែន (Jharkhand) ភាគខាងកើតប្រទេសឥណ្ឌា ចង់បណ្ដេញ«ព្រលឹងព្រាយ​បីសាច» ដែលចូលមកសណ្ឋិតក្នុងខ្លួន របស់នាងក្រមុំ ម៉ង់គ្លី។ ហេតុការណ៍នេះ ត្រូវបានអះអាងរក​ឃើញ​ដោយ​គ្រូ​អាចារ្យ​ម្នាក់ ហើយបានជំរុញឲ្យគ្រួសារនេះ រៀបចំអាពាហ៍ពិពាហ៍នេះឡើង។

លោក ស្រ៊ី អាណមនដា (Sri Amnmunda) ឪពុករបស់កូនក្រមុំ បានថ្លែងប្រាប់គេហទំព័រព័ត៌មាន ដេល្លីម៉ែល (Daily Mail) របស់អង់គ្លេសថា៖ «យើងជឿស៊ប់ ទៅលើពិធីបន់ស្រន់នេះ»។ [...]