Posts by "មនោរម្យ.អាំងហ្វូ"

«គាត់ដឹងមុន (...) ដឹងមុនតាំងពីខែ៦ បន្ទាប់ពីបោះឆ្នោតឃុំ-សង្កាត់ហើយភ្លាម មានគេប្រាប់ ហើយគេហ្នឹងអាចយកជាការបាន។ ពេលនោះ ខ្ញុំនៅជាមួយគាត់ដែរ នៅភ្នំពេញ។ គេថា នៅចុងខែ៨ មិនមែនដើមខែ៩ទេ នឹងមានរឿងអាក្រក់កើតឡើង ចំពោះគាត់និងគណបក្ស។» នេះ ជាការអះអាងឡើង របស់កញ្ញា កឹម មនោវិទ្យា នៅក្នុងជំនួបមួយ ជាមួយក្រុមអ្នកគាំទ្រ នៅរសៀលថ្ងៃទី១៣ ខែមករានេះ ក្នុងក្រុង «Croissy Beaubourg» ក្បែររដ្ឋធានីប៉ារីស ប្រទេស​បារាំង។

ការលើកឡើងរបស់កញ្ញា ទំនងជាចង់អះអាង ពីការធ្វើពលិកម្មរបស់លោក កឹម សុខា ដែលដឹងខ្លួនមុនថា នឹងមានរឿងកើតឡើង ចំពោះរូបលោកនោះហើយក៏ដោយ ក៏នៅតែសុខចិត្តប្រឈម ដើម្បីអ្វីមួយ ដែលកូនស្រីច្បងរបស់លោកពន្យល់ថា ដើម្បីបង្ហាញឲ្យពលរដ្ឋកម្ពុជា និងសហគមន៍អន្តរជាតិ ដឹងពី«ភាពផ្ដាច់ការ»របស់លោក ហ៊ុន សែន និងរដ្ឋាភិបាលរបស់លោក។

សូមទស្សនាការថ្លែងឡើង របស់កញ្ញា កឹម មនោវិទ្យា នៅក្នុងភោជនីយដ្ឋាន «Le Comptoir [...]

បណ្ដាអ្នកប្រើប្រាស់បណ្ដាញសង្គម មិនបានលើកឡើងដោយផ្ទាល់ ឬដោយចេញមុខ ដាក់ព្រឹត្តិការណ៍ បង្កើតមូលនិធិត្រីចក្រយាន (ស៊ីក្លូ) នៅថ្ងៃនេះ របស់លោកនាយករដ្ឋមន្ត្រី ហ៊ុន សែន ទេ តែគ្រាន់តែការលើកឡើងនោះ មានទាក់ទងនឹង«ស៊ីក្លូ» ឬ«អ្នកធាក់ស៊ីក្លូ» ប៉ុណ្ណោះ។

ដូចយ៉ាងលោក មឿង តុលា នាយកមជ្ឈមណ្ឌលសម្ព័ន្ធការងារ និងសិទ្ធិមនុស្ស ហៅកាត់ថា «Central» បានបង្ហោះរូបថតឃើញលោក កំពុងជិះលើស៊ីក្លូមួយ ជាមួយនឹងពាក្យពេជន៍ដូច្នេះ៖ «ខ្ញុំថតសម្តែងលេងទេ កុំច្រឡំថា ខ្ញុំជាអ្នកធាក់សុីក្លូអី ហិហិ!​»។ បន្ទាប់ពីបង្ហោះបានប៉ុន្មាននាទី ប្រិយមិត្តរបស់លោក ជាច្រើននាក់ បានលើកឡើងដូចខាងក្រោម៖

ផ្លូវមួយខ្សែ នៅក្នុងក្រុង «Saint-Malo» ស្ថិតក្នុងតំបន់ «Bretagne» ភាគខាងលិចប្រទេសបារាំង នឹងត្រូវហាមឃាត់ ការធ្វើចរាចរណ៍ដោយយានយន្ដ សម្រាប់រយៈពេល២ខែ រាប់ចាប់តាំងពីថ្ងៃទី១៥ ខែមករា ទៅដល់ថ្ងៃទី១៥ ខែមីនាខាងមុខ ដើម្បីផ្ដល់ឱកាស ឲ្យបណ្ដាសត្វកង្កែប គីង្គក់ ហ៊ីង ឬកញ្ចាញ់ចេក... អាចរួមរ័ក (ពាក់)គ្នាបាន ដោយគ្មានការរំខាន។ នេះ បើតាមសេចក្ដីប្រកាសព័ត៌មានមួយ របស់សាលាក្រុង ដែលចេញផ្សាយឲ្យដឹង កាលពីម្សិលម៉ិញ។ 

ផ្លូវដែលត្រូវសម្រេច ឲ្យបិទការធ្វើចរាចរណ៍នោះ មានឈ្មោះ «Petits Ports» ស្ថិតនៅក្បែរជ្រោយមួយ ឈ្មោះ «Varde» ដែលលយចូលទៅក្នុងសមុទ្រ។ នៅទីនោះ ជាផ្នែកមួយនៃតំបន់អភិរក្ស និងត្រូវបានដាក់បញ្ចូល ក្នុងបញ្ជីនៃលំហធម្មជាតិ ដែលរងការប៉ះពាល់ខ្លាំង។ សាលាក្រុងបានគូសបញ្ជាក់ថា កាលពីឆ្នាំទៅម៉ិញ ចរាចរណ៍យានយន្ដ នៅលើបណ្ដោយផ្លូវនេះ បានបណ្ដាលឲ្យសត្វកង្កែប គីង្គក់... ងាប់យ៉ាងសន្ធឹកសន្ធាប់ នៅខណៈពេលដែលពួកវា [...]

មូលនិធិត្រីចក្រយាន (ឬស៊ីក្លូ) បង្កើតឡើងដោយលោក ហ៊ុន សែន មិនមែនសម្រាប់ អ្នកធាក់ស៊ីក្លូទូទៅទេ! តែសម្រាប់ផ្ដល់ប្រយោជន៍ ជូនអ្នកធាក់ស៊ីក្លូណា ដែលមានប័ណ្ណសម្គាល់សមាជិក របស់មូលនិធិនេះ តែប៉ុណ្ណោះ។ លោក ហ៊ុន សែន នាយករដ្ឋមន្ត្រីកម្ពុជា និងជាប្រធានគណបក្សប្រជាជនកម្ពុជា បានប្រកាសដូច្នេះ កាលពីព្រឹកម៉ិញ ក្នុងឱកាសជួបសំណេះសំណាល ព្រមទាំងពិសារអាហារ ជាមួយអ្នកធាក់ស៊ីក្លូក្នុងរាជធានីភ្នំពេញ ប្រមាណជា៣០០នាក់ នៅមជ្ឈមណ្ឌលកោះពេជ្រ កណ្ដាលរាជធានីភ្នំពេញ។

លោកនាយករដ្ឋមន្ត្រីថា អ្នកដែលចង់ចូលជាសមាជិកមូលនិធិ គឺទទួល អ្នកដែលមិនចង់ចូល ក៏មិនបង្ខំឲ្យចូលដែរ។ អ្នកមានប័ណ្ណមូលនិធិ ទើបទទួលបានប្រយោជន៍ ពីមូលនិធិស៊ីក្លូ និងត្រូវបានទទួលស្គាល់ ពីរបបសន្តិសុខសង្គម (បសស) និងការចូលពិនិត្យព្យាបាល ក្នុងមន្ទីរពេទ្យរដ្ឋដោយមិនគិតថ្លៃ និងអត្ថប្រយោជន៍ផ្សេងទៀតដ៏ច្រើន ចាប់ពីថ្ងៃទី១៣ ខែមករា ឆ្នាំ២០១៨នេះតទៅ។

បន្ថែមពីលើនេះ [...]

ហេតុការណ៍បានកើតឡើង នៅយប់ថ្ងៃពុធ ក្នុងព្រលានយន្ដហោះអន្តរជាតិ នៃរដ្ឋធានី វ៉ាសូវី (ប្រទេសប៉ូឡូញ)។ សំណាងល្អ អ្នកដំណើរ៥៩នាក់ នៅក្នុងយន្ដហោះ មិនទទួលរងគ្រោះថ្នាក់អ្វីទេ ក្រៅតែពីការភ័យភិត ដែលបានកើតឡើង នៅពេលយន្ដហោះធ្វើការចុះចតនោះ។

យន្ដហោះប្រភេទ «Bombardier Dash Q400» របស់ក្រុមហ៊ុនអាកាសចរណ៍ក្នុងស្រុក ឈ្មោះ «LOT» របស់ប្រទេសប៉ូឡូញ ដែលបានហោះចេញ ពីក្រុង «Cracovie» ស្ថិតក្នុងភាគខាងត្បូង បានបង្ខំចិត្តចុះចតជាបន្ទាន់ នៅលើផ្លូវយន្ដហោះមួយ ដែលត្រូវឆ្លងកាត់ ផ្លូវធំនៃព្រលានយន្ដហោះ ហើយបង្កឲ្យចរាចរណ៍យន្ដហោះ ត្រូវរងនូវភាពរអាក់រអួល អស់រយៈពេលយ៉ាងតិច ៤ម៉ោង។

អ្នកនាំពាក្យព្រលានយន្ដហោះ បានថ្លែងឲ្យដឹងថា៖ «នៅវេលាម៉ោង ២៣ និង១០នាទី យប់ថ្ងៃពុធ ផ្លូវយន្ដហោះធំជាងគេ ត្រូវបានអនុញ្ញាឲ្យបើកធ្វើចរាចរណ៍ឡើងវិញ ហើយយន្ដហោះទាំងឡាយ ក៏អាចចុះចត និងហោះងើបខ្លួនឡើង បានដែរ»។