Posts by "សុបិន្ដ"

ប្រព័ន្ធសុវត្ថិភាព នៃការប្រើប្រាស់ទ្រូងផ្លូវមួយ ដែលមានឈ្មោះជាភាសាអង់គ្លេស «Safety Truck» ត្រូវបាន​បង្កើត​ឡើង នៅប្រទេសអាហ្សង់ទីន ដែលសម្បូរទៅដោយគ្រោះថ្នាក់ចរាចរណ៍ សឹងជារៀងរាល់ម៉ោង។ ហើយ​គឺក្រុមហ៊ុនបច្ចេកវិទ្យា «សាមស៊ុង» របស់ប្រទេសកូរ៉េខាងត្បូង ជាអ្នកសិក្សា និងអភិវឌ្ឍន៍ពីប្រព័ន្ធ​សុវត្ថិភាព​នេះ មុននឹងដាក់ឲ្យប្រើប្រាស់ នៅក្នុងប្រទេស។

មិនសូវខុសគ្នាប៉ុន្មាន ពីការដាក់អេក្រង់វីដេអូក្នុងរថយន្ដ ឲ្យអ្នកបើកបរអាចមើលឃើញ ពីផ្លូវខាងក្រោយ​របស់​ខ្លួននោះទេ គ្រាន់តែប្រព័ន្ធនេះ ធ្វើបញ្ច្រាសមកវិញ គឺចង់ឲ្យអ្នកបើកបរ ពីក្រោយរថយន្ដធុនធ្ងន់ មើលឃើញ​ឲ្យច្បាស់ ពីផ្លូវដែលនៅខាងមុខ មុននឹងសម្រេចចិត្ត ថាតើអាច«វ៉ា»បាន ឬអត់។

នៅក្នុងប្រព័ន្ធនេះ ក្រុមហ៊ុនបានបំពាក់កាម៉េរ៉ាវីដេអូមួយ នៅមុខរថយន្ដធុនធ្ងន់ ហើយបញ្ជូនរូបភាព​ដែល​ចាប់​បាន ពីផ្លូវថ្នល់ខាងមុខ ទៅឲ្យអេក្រង់ទូរទស្សន៍ចំនួន៤ បំពាក់នៅផ្នែកក្រោយ [...]

ក្រុមក្ដាម រាងដូចបង្កងសមុទ្រ ដែលគេឲ្យឈ្មោះថា ជា«ក្ដាមក្រហម»នោះ  បានឡើងមកបង្កកខ្លួន និងបន្ទាប់​មកបានងាប់ នៅលើឆ្នេរភាគខាងត្បូង នៃរដ្ឋកាលីហ្វ័រនី សហរដ្ឋអាមេរិក។ អ្នកវិទ្យាសាស្ត្រមួយរូប ពីសកល​វិទ្យាល័យកាលីហ្វ័រនី អ្នកស្រី លីនស៊ី សាឡា () បានថ្លែងឲ្យដឹងពីហេតុការណ៍នេះថា៖ «វាពិតជាបណ្ដាល មក​ពីការឡើងកម្ដៅ នៅក្នុងទឹក»។

បើតាមធម្មតា ក្រុមក្ដាមក្រហម ដែលមានប្រវែងប្រមាណជា ពី២,៥ ទៅ៧,៥សង់ទីម៉ែត្រទាំងនោះ ចូលចិត្ត​រស់​នៅ ក្នុងសមុទ្រ កាលីហ្វ័រនីខាងក្រោម នៃប្រទេសម៉ិចសិក។ ប៉ុន្តែហេតុការណ៍ ឡើងមកបង្កកខ្លួន នៅ​លើ​គោក របៀបនេះ មិនដែលកើតមានពីមុនមកទេ៕

អ្នកដែលមានបំណងចង់បានអារម្មណ៍ស្រៀវស្ងើបខ្លាំងនោះ ប្រាកដជាមិនខុសបំណងឡើង ជាមួយនឹង​ពោង​រំអិលខ្លួនចុះលេងទឹក មួយនេះ។ អ្នកអាចមើលឃើញពីអារម្មណ៍នេះបាន ដោយទស្សនាវីដេអូខាងលើនេះ ផលិត​និងថតដោយ អ្នកជំនាញពីរនាក់ គឺលោក AJ Aguirre និងលោក Ben Hamner។

ពោងនេះ ត្រូវបានគេឲ្យឈ្មោះថា «The Royal Flush» ស្ថិតក្នុងឧទ្យានកំសាន្ដទឹក ឈ្មោះ «BSR Cable Park» នៃ​ក្រុងវ៉ាកូ របស់រដ្ឋតិចសាស សហរដ្ឋអាមេរិក។

តើនរណាមួយ មិនចង់មកលេង នៅពេលដែលបានឃើញរូបភាពទាំងនេះ?

ប្រសិនបើក្រពើ ជាសត្វសាហាវ តែមនុស្សបានធ្វើ នូវអំពើសាហាវជាងសត្វក្រពើ រាប់សិបដង។ នៅក្នុងរដ្ឋ ល្វីសាន (Louisiane) សហរដ្ឋអាមេរិក ក្រុមអ្នកទេសចរណ៍ធម្មជាតិ បានទស្សនានូវឈុត​ឆាក​ដ៏​រន្ធត់មួយ នៅ​ពេលដែលពួកគេ ត្រូវបានដឹកតាមកាណូត ទៅក្នុងដំណើរកំសាន្ដ ឈ្មោះហៅថា «Pearl River Eco-Tours» នៅលើទន្លេ ភៀល ដែលសម្បូរទៅដោយសត្វព្រៃ ជាពិសេសសត្វក្រពើ។

ក្នុងពេលដែលហ្វូងជ្រូកព្រៃជាច្រើនក្បាល បានចូលមករកចំណី និងផឹកទឹកទន្លេនោះ នរណាក៏បានដឹងដែរថា នៅមិនឆ្ងាយពីទីនោះ មានសត្វក្រពើមួយក្បាល កំពុងតាមសង្កេតមើល ហ្វូងសត្វចតុបាតទាំងនេះ ដើម្បីរង់​ចាំ​មើលឱកាសមកដល់។ ប៉ុន្តែមិនចាំបាច់ឱកាស ដែលនឹងកើតឡើង ដោយឯកឯងនោះឡើយ ព្រោះមគ្គទេស​ទេសចរណ៍មួយរូប ដែលស្ថិតនៅលើកាណូត បានបោះនុយជាចំណីជាច្រើន ទៅឲ្យជ្រូកព្រៃមួយក្បាល ដើម្បី​ឲ្យសត្វតិរច្ឆានមួយក្បាល ពីក្នុងចំណោមនោះ តាមមករកស៊ីចំណី និងរំកិលខ្លួន ឲ្យមកកៀកជាមួយ​សត្វ​ក្រពើ។

បណ្ដាទេសចរណ៍ [...]