Posts by "ជា ធីរិទ្ធ"

រាជធានីភ្នំពេញ - លោក ឡៅ ម៉ុងហៃ ដែលជាអតីតមន្រ្តី​ធ្វើការ​នៅអង្គការសហប្រជាជាតិ និងជាអ្នកវិភាគ​ឯករាជ្យ បាន​លើកឡើងនៅក្នុង​វិទ្យុអាស៊ីសេរីផ្សាយ​ជា​ខេមភាសា​កាលពីយប់មិញថា កិច្ចព្រមព្រមព្រៀងក្រុងប៉ារីសនេះ នៅ​តែ​មាន​សុពលភាពដដែល ហើយលោកបានហៅ​ការលើក​ឡើង​របស់មន្រ្តីរដ្ឋាភិបាល លោក ជាម យៀប ថាជាការ​និយាយ​ខុស​ទាំងស្រុង។ ហេតុផលដែលនិយាយខុស ត្រូវបានអ្នក​វិភាគ​រូបនេះបកស្រាយថា កិច្ចព្រមព្រៀងនេះ មានឧបករណ៍​សំខាន់​ចំនួន ៣ ដែលបញ្ជាក់ថា មិនទាន់អស់​សុពលភាព។

ទី១ កិច្ចព្រមព្រៀង ស្តីពីដំណោះស្រាយបញ្ហានយោបាយរួម នៃជំម្លោះកម្ពុជា នៅក្នុងប្រទេសកម្ពុជា។ ទី២ កិច្ចព្រម​ព្រៀង​ស្តីពីការធានានូវអធិបតេយ្យភាព ឯករាជ្យភាព បូរណភាពទឹកដី និងភាពមិនអាចឲ្យប្រទេសណាមួយ រំលោភបាននូវ​បូរណភាពទឹកដីកម្ពុជា។ ទី ៣ សេចក្តីថ្លែងការណ៍ ស្តីពីការស្តារ និងការកសាងប្រទេសកម្ពុជាឡើងវិញ។

លោក ឡៅ ម៉ុងហៃ បន្ថែមថា [...]

សាលារាជធានីភ្នំពេញ បានស្នើឲ្យគណបក្សសង្គ្រោះជាតិ បញ្ឈប់សកម្មភាពប្រមូលស្នាមមេដៃ ពីប្រជាពលរដ្ឋនៅតាមផ្ទះ​ពលរដ្ឋ និងតាមទីសាធារណៈ ដូចជានៅតាមផ្សារជាដើមនៅទូទាំងរាជធានី ព្រោះវាប៉ះពាល់ដល់សណ្តាប់ធ្នាប់សាធារណៈ និងការរស់នៅរបស់ពលរដ្ឋ។ ជាមួយនឹងការអំពាវនាវនេះ មន្រ្តីរដ្ឋាភិបាលបានស្វាគមន៍ចំពោះសំណើនេះផងដែរ។ តែ​មន្រ្តី​បក្សប្រឆាំង អ្នកតាមដានស្ថានការណ៍សង្គម បានលើកឡើងថា គ្មានហេតុផលណាមួយ ធ្វើឲ្យប៉ះពាល់ដល់សណ្តាប់ធ្នាប់​សាធារណៈឡើយ។

រូបថតជំនួស- បង្ហាញពីមេដៃដែលផ្ដិតរួច។ (រូបថត MONOROOM.info)

រាជធានីភ្នំពេញ - «គ្រាន់តែប្រមូលស្នាមមេដៃពីពលរដ្ឋដែលគាំទ្រ ក៏ធ្វើឲ្យខូចសណ្តាប់ធ្នាប់សាធារណៈដែរ ពិតជា​ហួស​ចិត្តណាស់» ជាសម្តីរបស់លោក ហូ វ៉ាន់ [...]

អស់រយៈពេលជាច្រើនសប្តាហ៍មកហើយ ដែលរដ្ឋសភា និងរដ្ឋាភិបាលឯកបក្សរបស់លោក ហ៊ុន សែន បានកើតឡើង​ក្នុងនីតិកាលទី ៥ នេះ។អ្នកវិភាគនយោបាយនៅកម្ពុជា មានលោកបណ្ឌិត កែម ឡី ជាដើម បានអះអាងថា រដ្ឋាភិបាល​ថ្មី​នេះ មិនសូវទទួលបានការស្វាគមន៍ ពីសំណាក់សហគមន៍អន្តរជាតិនោះទេ ហើយថា ពេលនេះគណបក្សប្រជាជនកម្ពុជា បានដើរដល់ផ្លូវទាល់ច្រកហើយ។

លោក ហ៊ុន សែន នៅមន្ទីររដ្ឋសភាថ្ងៃទី២៤ខែកញ្ញាឆ្នាំ២០១៣។ (រូបថត MONOROOM.info/ O.Vary)

រាជធានីភ្នំពេញ - ព្រឹត្តិការណ៍នយោបាយនៅក្នុងប្រទេសកម្ពុជា ក្នុងរយៈពេល២០ឆ្នាំចុងក្រោយនេះ ពោលគឺចាប់​តាំង​ពីឆ្នាំ ១៩៩៣ ដែលគេបានឲ្យឈ្មោះប្រទេសកម្ពុជាថា ជាប្រទេសកាន់របបប្រជាធិបតេយ្យសេរីពហុបក្ស។ ព្រឹត្តការណ៍​នយោបាយទាំងនោះ បានកើតឡើងនៅក្នុងសង្គមកម្ពុជា [...]

ប្រធានគណបក្សសង្គ្រោះជាតិ លោក សម រង្ស៊ី នៅយប់នេះ នឹងធ្វើដំណើរតាមយន្តហោះ ឆ្ពោះទៅកាន់បណ្តាប្រទេស​នៅ​សហគមន៍អ៊ឺរ៉ុប និងអង្គការសហប្រជាជាតិ នៅទីក្រុងញ៉ូយក សហរដ្ឋអាមេរិក។ ដំណើរទៅក្រៅប្រទេសរបស់លោក សម រង្ស៊ី នៅពេលនេះ ត្រូវបានលោក កែម ឡី អ្នកវិភាគនយោបាយនៅកម្ពុជាលើកឡើងថា គឺជាជំហាន វិជ្ជមានមួយ​សម្រាប់​គណបក្សប្រឆាំង។

លោកសម រង្ស៊ី ចុះជួបពលរដ្ឋអ្នកលក់ត្រកួន មុនពេលលោកឡើងយន្ដហោះ ថ្ងៃទី០៧ខែតុលាឆ្នាំ២០១៣។ (រូបថត គណបក្ស)

រាជធានីភ្នំពេញ - អ្នកវិភាគនយោបាយឯករាជ្យនៅកម្ពុជា លោក កែម ឡី បានធ្វើការអត្ថាធិប្បាយជុំវិញ ដំណើរទៅក្រៅ​ប្រទេសរបស់លោក សម រង្ស៊ី មេដឹកនាំបក្សប្រឆាំងប្រាប់ទស្សនាវដ្ដីមនោរម្យព័ងអាំងហ្វួ នៅថ្ងៃនេះថា នេះគឺជាយុត្តិសាស្រ្ត​ដ៏ល្អមួយ [...]

ជុំវិញបញ្ហាអន្តោប្រវេសន៍ ដ៏ចម្រូងចម្រាសនេះ អ្នកវិភាគនយោបាយឯករាជ្យ និងជាអ្នកស្រាវជ្រាវផ្នែកសង្គម លោកបណ្ឌិត កែម ឡី បានផ្តល់នូវគំនិតចំនួន ៦ចំណុច ផ្ញើជូនរដ្ឋាភិបាលអាណត្តិថ្មី តាមរយៈបទសម្ភាសន៍ ជាមួយទស្សនាវដ្តីមនោរម្យ.អាំងហ្វូ ដូចខាងក្រោម៖

សូមជម្រាបសួរលោក កែម ឡី! បញ្ហាជនអន្តោប្រវេសន៍ខុសច្បាប់ ជាពិសេស គឹបញ្ហាជនអន្តោប្រវេសន៍​​វៀតណាម​តែម្តង បានក្លាយគឺជាផ្ទាំងស៊ីបមួយ បាញ់ចំពោះរដ្ឋាភិបាលរបស់លោក ហ៊ុន សែន។ បញ្ហា​ជនជាតិវៀតណាមនេះ ក៏ត្រូវបានគេ​មើលឃើញថា គឺជាមួលហេតុចម្បង ដែលធ្វើឲ្យគណបក្ស​លោក​ ហ៊ុន សែន ធ្លាក់សំឡេងគាំទ្រ​ផង​ដែរ។ តើលោក បណ្ឌិតមានគំនិត ឬអនុសាសន៍​យ៉ាង​ណា​ដែរ សម្រាប់រដ្ឋភិាបាលអាណត្តិថ្មីនេះ ឲ្យធ្វើការ​កែទម្រង់ បាទ?

កែម ឡី៖ ខ្ញុំមាន៦ ចំណុចសំខាន់ៗ ដែលផ្ញើជូនទៅរដ្ឋាភិបាលថ្មី សម្រាប់ធ្វើការកែទម្រង់ដូចតទៅៈ

[...]