វ៉ាង ស្រីណូ ប្រកាសចូលរោងការ បញ្ចប់ពាក្យចចាមអារាម
តារាសម្តែងស្រី និយមស្លៀកពាក់ស៊ិចស៊ី បញ្ចេញដើមទ្រូងដ៏ទ្រលុកទ្រលន់ កញ្ញា វ៉ាង ស្រីណូ ទើបតែប្រកាសវិលចូលសិល្បៈវិញ កាលពីពេលកន្លងមកនេះ ព្រមជាមួយពាក្យចចាមអារាមថា នាងបានបង្កាត់ភ្លើងស្នេហ៍ ជាមួយមន្រ្តីផ្កាយបីម្នាក់នោះ ស្រាប់តែថ្មីៗនេះ នាងបានប្រកាសក្តែងៗថា កំពុងតែត្រៀមខ្លួន ចូលរោងការ ជាមួយបុរសម្នាក់ ដែលនាងអះអាងថា ជាគូរដណ្តឹងអាណិកជនខ្មែរ រស់នៅអាមេរិក។
តាមរយៈទំព័រហ្វេសប៊ុក របស់តារាសម្តែងរូបនេះ បានពន្លេចសារមួយខ្លី ដែលមានន័យថា ទាក់ទងនឹងព័ត៌មានលេចឮកន្លងមកនោះ កញ្ញាបានចេញមុខបកស្រាយរួចរាល់ហើយ។ អមជាមួយរូបភាព នៃបទសម្ភាសន៍របស់នាង ជាមួយទស្សនាវដ្ដីក្នុងស្រុកមួយ តារាសម្តែងស្រី ដែលរុំព័ទ្ធដោយរឿងអាស្រូវរូបនេះ បានសរសេរបន្ត នៅលើជញ្ជាំងហ្វេសប៊ុករបស់ខ្លួនទៀតថា៖ «តាមរយៈព័ត៌មាននេះ [...]