អ្នក​លេង​ហ្វេសប៊ុក​ប្រតិកម្ម ព្រោះ​លោក​តា ប្រាជ្ញ ឈួន រស់​ធម្មតា​សោះ!

មរណភាពរបស់លោកតា ប្រាជ្ញ ឈួន ដែលផ្សាយដោយសារព័ត៌មាន ក្នុងស្រុកមួយ កាលពីថ្ងៃទី៣១ខែតុលា បាន​បង្ក​ឱ្យ​មហាជន​ជា​ទូទៅ​សម្តែង នូវការភ្ញាក់ផ្អើល ហើយបានបង្អើលទាំងអ្នកលេងហ្វេសប៊ុក ឲ្យធ្វើការប្រតិកម្ម ទៅនឹងការផ្សព្វផ្សាយនោះ។
Loading...
  • ដោយ: ប្រាថ្នា ដោយ ប្រាថ្នា (ទំនាក់ទំនង៖ [email protected] ) - ភ្នំពេញ ថ្ងៃទី៣១ តុលា ២០១៤
  • កែប្រែចុងក្រោយ: November 01, 2014
  • ប្រធានបទ: ដំណឹង
  • អត្ថបទ: មានបញ្ហា?
  • មតិ-យោបល់

ប៉ុន្តែដំណឹងដ៏អកុសលនេះ ត្រូវ​បាន​បដិសេធ​ដោយ​ក្រុម​គ្រួសារ​របស់​លោក​តា ប្រាជ្ញ ឈួន ផ្ទាល់ ថា​មិន​មែន​ជា​ការ​ពិត​ទេ។ យ៉ាង​ណា​ក៏​ដោយ ក៏​ក្រុម​អ្នក​ប្រើ​ប្រាស់​បណ្ដាញ​សង្គម បាន​ភ្ញាក់​ផ្អើល​រួច​ទៅ​ហើយ បន្ទាប់​ពី​សារព័ត៌មាន​ក្នុង​ស្រុក​មួយ​ឈ្មោះ កោះសន្តិភាព បាន​ផ្សាយ​ដំណឹង នៅ​ព្រឹក​ថ្ងៃ​ទី​៣១ ខែ​តុលា​ថា អ្នក​ចម្រៀង​ចាប៉ី​ដ៏​ល្បី​ឈ្មោះ លោក​តា ប្រាជ្ញ ឈួន បាន​ទទួល​មរណភាព​ហើយ កាល​ពី​ថ្ងៃ​ទី​៣០ ខែ​តុលា កន្លង​ទៅ។

ក្រុមអ្នកប្រើប្រាស់បណ្ដាញ​សង្គម បាន​ធ្វើ​ប្រតិកម្ម​ខ្លាំង​ក្លា ជំទាស់​នឹង​ការ​ផ្សាយ​នេះ ដោយ​សារ​មាន​អ្នក​ប្រើ​ប្រាស់​បណ្ដាញ​សង្គម​មួយ​ចំនួន បាន​ដឹង​ច្បាស់​ថា លោក​តា​សិល្បៈករ​នៅ​មាន​ជីវិត​រស់រាន និង​មាន​សុខភាព​ល្អ​នៅ​ឡើយ។ ហើយ​ដោយ​សារ​តែ​ប្រតិកម្ម ដែល​ផ្ទុះ​ឡើង​នេះ​ដែរ ទើប​កាសែត​កោះសន្តិភាព ដែល​បាន​ចុះ​ផ្សាយ​បង្ក​ឱ្យ​មាន​ការ​ភ័ន្ត​ច្រលំ​នោះ បាន​បញ្ជូន​អ្នក​យក​ព័ត៌មាន​របស់​ខ្លួន ជា​បន្ទាន់​ឲ្យ​ចុះ​ទៅ​ដល់​ផ្ទះ​លោក​តា​ផ្ទាល់​តែ​ម្តង។

សារព័ត៌មានដដែលនេះ បានជួបជាមួយភរិយាលោកតា ប្រាជ្ញ ឈួន ឈ្មោះកែវ ព្រីង អាយុ៦៦ឆ្នាំ ហើយបាន​ស្រង់សម្ដីលោកយាយ មកសរសេរថា លោកតាព្រឹទ្ធាចារ្យភារម្យ ប្រាជ្ញ ឈួន ដែលមានវ័យប្រមាណ៧៨ឆ្នាំ នោះ​ហើយកំពុងរស់នៅភូមិស្រម៉ក្រោម ឃុំខ្វាវ ស្រុកទ្រាំង ខេត្តតាកែវ នៅពេលនេះសុខភាពរបស់គាត់វិញ​ល្អ​ប្រសើរ សម្រាន្ត និងងើបអង្គុយដោយខ្លួនឯង ចំពោះការហូបបាយវិញក៏ធម្មតាដែរ។

ចំណែកឯលោក សុះ ម៉ាច ប្រធានសមាគមសិល្បករខ្មែរ ក៏បានបញ្ជាក់ដូចគ្នាដែរថា លោកតា ប្រាជ្ញ ឈួន កំពុង​តែមានសុខភាពធម្មតា។ លោកថា ការចុះព័ត៌មានថា អ្នកចម្រៀងចាប៉ីរូបនេះទទួលមរណៈភាពនោះ គឺជាការ​«ប្រមាថអាយុជីវិត» អ្នកចាប៉ីដងវែងដ៏ល្បីឈ្មោះខាងលើ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...