Posts by "អ៊ុម វ៉ារី"

តាមលិខិតដែលចុះហត្ថលេខា ដោយ​អនុ​ប្រធាន​គណបក្ស​សង្គ្រោះ​ជាតិ លោក កឹម សុខា និង​ជា​អនុ​ប្រធាន​រដ្ឋសភា​ទី១​នៃ​រដ្ឋសភា ស្នើ​សុំ​តែង​តាំង លោក សាយ បូរី និង​លោក ឡៅ ម៉ុងហៃ ជា​ទីប្រឹក្សា​ផ្ទាល់ ដែល​មាន​ឋានៈ​ស្មើរ​រដ្ឋមន្ត្រី។

លិខិតចុះថ្ងៃទី០១ ខែធ្នូ ឆ្នាំ២០១៤ របស់​លោក កឹម សុខា ដែល​ទើប​មក​ដល់​ដៃ​អ្នក​សារព័ត៌មាន​នៅ​ថ្ងៃ​នេះ បាន​បង្ហាញ​នូវ​ហេតុផល​ថា៖ «ដើម្បី​បំពេញ​ការងារ​ជូន​រដ្ឋសភា ដែល​ជា​ស្ថាប័ន​កំពូល​របស់​ជាតិ ឲ្យ​បាន​ជោគ​ជ័យ និង​មាន​ប្រសិទ្ធិភាព​ខ្ពស់»។ ក្រោយ​ពី​ការ​ស្នើ​សុំ​តែង​តាំង​ទីប្រឹក្សា​ពីរ​រូប​នេះ លោកកឹម សុខា មាន​​មន្រ្តី​ខុទ្ទកាល័យ ទីប្រឹក្សា រួម​ទាំង​ជំនួយ​ការ​ផ្ទាល់​ផង​នោះ ប្រមាណ​ជា​២៣​នាក់​ហើយ។

ខ្លាដុះស្លាប...

ការស្នើសុំតែងតាំងលោក(បណ្ឌិត) សាយ បូរី និងលោក(បណ្ឌិត) ឡៅ ម៉ុងហៃ ជាទីប្រឹក្សាផ្ទាល់លោក កឹម សុខា [...]

នៅចំពោះអ្នកសារព័ត៌មាន​ច្រើន​នាក់ នា​វិមាន​រដ្ឋសភា លោកស្រី កែ សុវណ្ណរតន៍ ប្រធាន​គណៈ​កម្មការ​សុខាភិបាល សង្គមកិច្ច អតីត​យុទ្ឋជន យុវនីតិ​សម្បទា ការងារ បណ្តុះ​បណ្តាល​វិជ្ជា​ជីវៈ និង​កិច្ចការ​នារី​(គណៈកម្មការ​ទី៨) នៃ​រដ្ឋសភា បាន​ធ្វើ​ចំណាប់​អារម្មណ៍​ពិសេស​ទៅ​លើ​សិទ្ធិ​«ស្រ្តី» ដែល​មាន​ភាព​ធ្លាក់​ចុះ ក្នុង​ការ​គាំពារ​ពី​សំណាក់​មន្រ្តី នៃ​ក្រសួង​សា្ថប័ន​ពាក់ព័ន្ធ​ក្នុង​​រដ្ឋាភិបាល។

តំណាងរាស្រ្តមកពីគណបក្ស​សង្គ្រោះ​ជាតិ​រូប​នេះ បាន​បញ្ជាក់​ថា សុខភាព​ស្រ្តី​ជា​កត្តា​ចំបង ដែល​ត្រូវ​យក​ចិត្ត​ទុក​ដាក់ និង​ការពារ ដូច​ជា​ការ​ជម្រុញ​ឲ្យ​មាន​ការ​អនុវត្ត​អនុ​សញ្ញា​ស្តី​ពី​ការ​ទប់​ស្កាត់ និង​ការ​រើស​អើង​លើ​ស្រ្តី និង​អំពើ​ហិង្សា​លើ​ស្រ្តី និង​ការ​ចាប់​ស្រ្តី​ដាក់​ពន្ធនាគារ​ជា​ដើម។ លោក​ស្រី​នឹង​សហការ​ជា​មួយ​ស្ថាប័ន​ចំនួន​បួន ក្នុង​ការ​ពង្រឹង​ការ​អនុវត្ត​ច្បាប់ ជា​មួយ​ប្រទេស​ដទៃ [...]

លោក មាជ សុវណ្ណារ៉ា ស្ថាបនិក​វិទ្យុ​ខ្មែរ​បុស្តិ៍ បាន​បង្ហាញ​នូវ​គោល​បំណង នៃ​ការ​ធ្វើ​កូដកម្ម​បង្អត់​អាហារ​នេះ ក្នុង​លិខិត​សរសេរ​ដោយ​ដៃ​ផ្ទាល់​មួយ​ច្បាប់ ដែល​ទស្សនាវដ្ដី​មនោរម្យ.អាំងហ្វូ ទើប​នឹង​ទទួល​បាន ហើយ​សូម​យក​មក​បង្ហាញ​ជូន ដូច​ខាង​ក្រោម។ លិខិត​នោះ​សរសេរ​ជា​អាថ៌​ថា៖ «បង្រួម​ចិត្ត​ស្ងប់ ចូលរួម​ចំណែក​នូវ​ការ​បង្ហាញ នូវ​ការ​បញ្ចប់​បញ្ហា​នីទណ្ឌភាព នៃ​សង្គម​គ្មាន​នីតិរដ្ឋ និង​ចង់​ឃើញ​សង្គម​មាន​យុត្តិធម៌ កើត​មាន​ដ៏​ពិត​ប្រាកដ សម្រាប់​ប្រជា​ពលរដ្ឋ​ខ្មែរ។»

លិខិតដែលកម្រាស​ពីរ​ទំព័រ និង​ដែល​បាន​សរសេរ​ក្នុង​ថ្ងៃ​ទី​៥ ខែ​ធ្នូ ពី​ពន្ធនាគារ​ព្រៃ​សរ​(ម១)​នេះ សកម្មជន​គណបក្ស​សង្គ្រោះ​ជាតិ​រូប​នេះ​បាន​បន្ថែម​ថា នីទណ្ឌភាព​នៅ​កម្ពុជា (ភាព​គ្មាន​ទោស ព្រោះ​អ្នក​«ល្មើស»​រួច​ខ្លួន ឯ​អ្នក​«រងគ្រោះ»​ត្រូវ​ជាប់​គុក) កំពុង​កើត​មាន ខណៈ​កម្ពុជា​ខ្លួន​ឯង [...]

«អតុល្យភាព១២យ៉ាង» នៅកម្ពុជា ដែល​លើក​ឡើង​ដោយ​លោក ហ៊ុន សែន ត្រូវ​បាន​លោក សម រង្ស៊ី គាំទ្រ។ បន្ថែម​ពី​លើ​នេះ លោក សម រង្ស៊ី បាន​ស្នើ​ឲ្យ​បញ្ចូល​អតុល្យភាព ចំនួន​ពីរ​ទៀត នោះ​គឺ គម្លាត​រវាង​អ្នក​មាន​និង​អ្នក​ក្រ ទៅ​លើ​បញ្ហា​ទ្រព្យ​សម្បត្តិ និង​គម្លាត​រវាង​ធន​ធាន​ធម្មជាតិ និង​ការ​ធ្វើ​អាជីវកម្ម​លើ​ធន​ធាន​ធម្មជាតិ។ នេះ​ការ​លើក​ឡើង របស់​នាយក​រដ្ឋ​មន្រ្តី​កម្ពុជា​លោក ហ៊ុន សែន កាល​ពី​ក្នុង​ពិធី​ចែក​សញ្ញាបត្រ ដល់​និស្សិត​វិទ្យាស្ថាន​ខ្មែរ​ជំនាន់​ថ្មី នា​ព្រឹក​ថ្ងៃ​ទី ០៤ ខែ​ធ្នូ ឆ្នាំ​២០១៤នេះ ដោយ​លោក​បាន​ចាត់​ទុក​ការ​ឆ្លើយ​ឆ្លង​គ្នា​នេះ ថា​ជា​«វប្បធម៌​នៃ​ការ​សន្ទនា ដើម្បី​កសាង​ប្រទេស​ជាតិ»។

ផ្ដើមចេញពីគោលការណ៍នេះ ទើប​លោក ហ៊ុន សែន បាន​និយាយ​ថា ការ​ផ្ដល់​អសនៈ​ក្រម ទៅ​ក្រុម​តំណាង​រាស្ត្រ​ភាគ​តិច ឲ្យ​មាន​ប្រធាន​ម្នាក់​មាន​ថានៈ​ស្មើ នាយក​រដ្ឋមន្ត្រី​នោះ បាន​សេចក្ដី​ថា [...]

ប្រធានមជ្ឈមណ្ឌលប្រជាពលរដ្ឋ ដើម្បី​ការ​អភិវឌ្ឍន៍ និង​សន្តិភាព លោក យ៉ង់ គីមអេង បាន​បញ្ជាក់​ប្រាប់​ទស្សនាវដ្តី​មនោរម្យ.អាំងហ្វូ​ថា លោក​មាន​ការ​កោត​សរសើរ ចំពោះ​ភាព​ស្មោះ​ត្រង់​​របស់​​លោក​ស្រី ហ៊ុន ស៊ីណាត មន្ត្រី​ជាន់​ខ្ពស់​រដ្ឋា​ភិបាល និង​ជា​សាច់​ញាតិ​របស់​លោក​នាយក​រដ្ឋមន្ត្រី ហ៊ុន សែន ក្នុង​ការ​លា​លែង​ពី​តំណែង​ក្នុងជួររដ្ឋាភិបាល ដោយ​លោក​ចាត់ទុក​ថា នេះ​ជា​ការ​ទទួល​ខុស​ត្រូវ​មួយ​យ៉ាង​ធំ របស់​អ្នក​នយោបាយ។

ការថ្លែង​សរសើរ​របស់​ប្រធាន​មជ្ឈមណ្ឌល​ប្រជា​ពលរដ្ឋ ដើម្បី​ការ​អភិវឌ្ឍន៍ និង​សន្តិភាព​ខាង​លើ បានធ្វើ​ឡើង​បន្ទាប់​ពី​លោកស្រី ហ៊ុន ស៊ីណាត ប្អូន​ស្រី​បង្កើត​របស់​លោក​ ហ៊ុន សែន បាន​បញ្ចប់​តំណែង​របស់​ខ្លួន ពី​អនុ​រដ្ឋលេខាធិការ​ក្រសួង​ទំនាក់​ទំនង​ជា​មួយ​រដ្ឋសភា ព្រឹទ្ធសភា និង​អធិការ​កិច្ច កាល​ពី​ថ្ងៃ​ទី០១ ខែ​ធ្នូ ឆ្នាំ​២០១៤។ ការ​បញ្ចប់​មុខតំ​ណែង​នេះ ដោយ​យោង​តាម​ព្រះ​រាជក្រឹត្យ [...]