ទំនប់វារីអគ្គសនី នៅក្បែរព្រំដែនឡាវ-កម្ពុជា គំរាមត្រីផ្សោតកម្ពុជា
មូលនិធិធម្មជាតិពិភពលោក ហៅកាត់ជាភាសាអង់គ្លេសថា WWF បានព្រមានថា ទំនប់វារីអគ្គិសនីនៅលើទន្លេមេគង្គ ដែលគ្រោងសាងសង់ដោយប្រទេសឡាវ ជាប់នឹងព្រំដែនកម្ពុជា អាចនឹងពន្លឿនការស្លាប់ផុតពូជ នៃបណ្ដាត្រីផ្សោតនៅក្នុងប្រទេសកម្ពុជា។ មូលនិធិពិភពលោកមួយនេះ ថែមទាំងបានទាមទារ ឲ្យបញ្ឈប់ជាបន្ទាន់នូវគម្រោងសាងសង់ ដែលគួរឲ្យបារម្ភនេះ។
ត្រីផ្សោត ហែលនៅលើទន្លេមេគង្គនៅក្នុងខេត្តក្រចេះ នៃប្រទេសកម្ពុជា។ (រូបថត TANG CHHIN SOTHY)
ធនធានធម្មជាតិ - មូលនិធិធម្មជាតិធិពិភពលោក បានថ្លែងពន្យល់ថា ប្រសិនបើទំនប់ ដុង សាហុង (Don Sahong) ត្រូវបានសាងសង់ឡើង ដែលស្ថិននៅមិនឆ្ងាយប៉ុន្មានពីព្រំដែនប្រទេសកម្ពុជានោះ តែគម្រោងនេះក៏នៅមិនឆ្ងាយប៉ុន្មានដែរពីជម្រកត្រីផ្សោត [...]
