Posts tagged as "Terroriste"

ដំបូងគេ គឺប្រតិកម្មភ្លាមៗ ចេញពីរដ្ឋាភិបាល និងពីព្រះបរមរាជវាំង របស់ព្រះរាជាណា​ចក្រអេស្ប៉ាញ។ លោក ម៉ារីយ៉ាណូ រ៉ាហូយ (Mariano Rajoy) នាយករដ្ឋមន្ត្រីអេស្ប៉ាញ បានសរសេរនៅលើទំព័រទ្វីសធើរ (Twitter) របស់លោកថា៖ «ពួកភេរវជន នឹងមិនមានជ័យជំនៈដាច់ខាត ពីលើប្រជាជនមួយ ដែលស្រឡាញ់សេរីភាព នៅចំពោះភាពសហាវព្រៃផ្សៃ»។ ខណៈព្រះរាជាអេស្ប៉ាញ ព្រះបាទ ហ្វីលីពទី៦ (Felipe VI) បានបញ្ចេញព្រះរាជឱង្ការ តាមរយៈព្រះបរមរាជវាំងថា៖ «ពួកវានឹងមិនធ្វើឲ្យយើង ភ័យញាប់ញ័រអ្វីឡើយ។ ប្រទេសអេស្ប៉ាញទាំងមូល គឺជាក្រុងបាសឺឡូនតែមួយ។ មហាវិថី "Ramblas" នឹងក្លាយជាមហាវិថី របស់យើងទាំងអស់គ្នា ជាថ្មីទៀត។»។

បារាំង

បន្ទាប់មកប្រទេសបារាំង ដែលជាប់ជិតខាងបំផុត របស់អេស្ប៉ាញ ក៏បានសំដែងសមានចិត្ត តាមរយៈប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ចំពោះហេតុការណ៍ដ៏រន្ធត់ខាងលើ [...]

ការវាយប្រហារ ដោយបើករថយន្ដដឹកទំនិញធុនមធ្យម បុកមនុស្ស នៅតាមដងមហាវិថី «Ramblas» នៃទីក្រុងបាសឺឡូន របស់ប្រទេសអេស្ប៉ាញ ត្រូវបានអង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS) ចេញមុខមកទទួលស្គាល់ នៅប៉ុន្មាននាទីមុននេះ។ នេះ បើតាមគេហទំព័រ «Site»​ ដែលជាគេហទំព័រ ជំនាញខាងឃ្លាំមើលសកម្មភាព របស់ក្រុមភេរវនិយម នៅលើបណ្ដាញអ៊ិនធើណែត។

សារជាភាសាអារ៉ាប់ ដែលគេហទំព័រខាងលើ បានបង្ហោះបន្ត ពីទីភ្នាក់ងារផ្លូវការ របស់ក្រុមភេរវនិយម បានសរសេរឲ្យដឹងថា៖ «ជនដែលបានដឹកនាំ​ការវាយប្រហារ នៅទីក្រុង បាសឺឡូន សុទ្ធសឹងជាយុទ្ធជន របស់ក្រុមរដ្ឋអ៊ីស្លាម»។ សារដដែល បានសរសេរបន្តថា «ប្រតិបត្តិការខាងលើ ត្រូវបានធ្វើឡើង ដើម្បីឆ្លើយតប ទៅនឹងការអំពាវនាវ ឲ្យបើកការវាយប្រហារ ប្រឆាំងបណ្ដារដ្ឋសម្ព័ន្ធមិត្ត» ដែលបានធ្វើសង្គ្រាម ប្រឆាំងក្រុមរដ្ឋអ៊ីស្លាម [...]

មនុស្សយ៉ាងតិច១៣នាក់ បានស្លាប់ និងច្រើនជាង៥០នាក់ទៀត បានរងរបួស នៅក្នុងហេតុការណ៍ដ៏អាណោចអធម ដែលកើតឡើងកាលពីរសៀលថ្ងៃព្រហស្បត្តិ៍នេះ កណ្ដាលទីក្រុង បាសឺឡូន នៃប្រទេសអេស្ប៉ាញ។ រថយន្ដដឹកទំនិញ ធុនមធ្យមមួយគ្រឿង ត្រូវបានបើកបំបុក ចូលហ្វូងមនុស្ស តាមដងមហាវិថី «Ramblas» ដែលសម្បូរពោរពេញ ដោយអ្នកទេសចរណ៍​ របស់ទីក្រុងមួយនេះ ដែលស្ថិតនៅភាគខាងកើតប្រទេស ជាប់នឹងសមុទ្រមេឌីទែរ៉ាណេ។

សេចក្ដីរាយការណ៍ ដែលធ្លាក់មកដល់ នៅមុននេះបន្តិច បានឲ្យដឹងថា នគរបាលក្រុង បាសឺឡូន បានអះអាងថា​ ទង្វើខាងលើនេះ ជា«ការវាយប្រហារភេរវកម្ម» ហើយបុរសម្នាក់ ដែលស្ថិតក្នុងហេតុការណ៍ ត្រូវបានអាជ្ញាធរចាប់ខ្លួន។ នគរបាលបានបញ្ជាក់ទៀតថា គ្មានមនុស្សណាម្នាក់ បានលាក់ខ្លួន នៅក្នុងហាងលក់​ភេសជ្ជៈ កណ្ដាលទីក្រុងនោះទេ ដែលផ្ទុយស្រឡះ ពីព័ត៌មានមួយចំនួន [...]

ហេតុការណ៍បានកើតឡើង នៅវេលាម៉ោងប្រមាណជា ៧ និង៥៥នាទីព្រឹកថ្ងៃពុធ ទី៩ ខែសីហានេះ។ ទាហាន​៦នាក់ មកពីកងវរសេនាធំទី៣៥ «Infanterie de Belfort» ដែលត្រូវបានដាក់ពង្រាយ ដើម្បីពង្រឹង​សន្ដិសុខ នៅ​ក្នុង​ក្រុង «Levallois-Perret» បានរងរបួស បន្ទាប់ពីរថយន្ដមួយគ្រឿង ត្រូវបានបើកបំបុក សំដៅពួកគេ នៅ​លើ​ទីលាន «Verdun» កណ្ដាលក្រុងមួយនេះ ដែលស្ថិតនៅភាគពាយ័ព្យ ជាប់រដ្ឋធានីប៉ារីស។ ទាហាន​៤នាក់ ត្រូវ​បាន​បញ្ជូន​ទៅកាន់មន្ទីរពេទ្យទាហាន «Bégin» ដែលស្ថិតនៅមួយចំហៀងទៀត (ភាគអាគ្នេយ៍) នៃ​រដ្ឋធានី​របស់ប្រទេសបារាំង។

បើតាមរូបភាព ដែលថតជាប់ដោយកាម៉េរ៉ាសុវត្ថិភាព បានបង្ហាញឲ្យឃើញថា រថយន្ដប្រភេទ «BMW» ពណ៌​ខ្មៅ​មួយគ្រឿង ដែលចតនៅក្នុងផ្លូវមួយក្បែរនោះ ទំនងជា​ត្រូវបានម្ចាស់របស់វា កាន់ចង្កូតត្រៀមរួចជាស្រេច ​ក្នុង​ការ​បើក​ចេញពីទីនោះ សំដៅទៅរកក្រុមយោធា។ មិនខុសទេ ព្រោះរូបភាពបានបង្ហាញបន្តទៀតថា រថយន្ដ​នេះ ត្រូវបាន​បើកក្នុង​ល្បឿនយឺតៗ [...]

«ព្រោះយើងមិនចង់ ឲ្យមានបាតុកម្ម ដើម្បីប្រឆាំង នឹងស្ថានទូតអាមេរិក និងអង្គការក្រៅរដ្ឋាភិបាលនោះទេ» នេះ ជាទឡ្ហីករណ៍មួយ ក្នុងចំណោមទឡ្ហីករណ៍ផ្សេងទៀត ដែលលើកឡើងដោយលោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ដើម្បីការពារចំណាត់ការរបស់លោក ប្រឆាំងអង្គការក្រៅរដ្ឋាភិបាលមួយ របស់អាមេរិក ឈ្មោះ «Agape International Missions (AIM)» ដែលលោកអះអាងថា បានប្រមាថពលរដ្ឋ និងប្រទេសកម្ពុជា។ 

ទឡ្ហីករណ៍ទាំងនេះ ត្រូវបានលោក ហ៊ុន សែន លើកឡើង​ក្នុងពិធីចែកសញ្ញាបត្រមួយ នៅព្រឹកថ្ងៃទី១ ខែសីហានេះ នៅក្នុងបញ្ជារបស់លោក ទៅកាន់ក្រសួងមហាផ្ទៃ និងក្រសួងការបរទេសកម្ពុជា ឲ្យបិទអង្គការនេះ ក្រោមហេតុផលថា ប្រធានស្ថាបនិកប្រចាំប្រទេសកម្ពុជា របស់អង្គការខាងលើ បានផ្ដល់បទសម្ភាស ទៅឲ្យបណ្ដាញទូរទស្សន៍អាមេរិក «CNN» ហើយបាន​និយាយយ៉ាងច្រើន ទាក់ទងនឹង​ឧស្សាហកម្មជួញដូរផ្លូវភេទ នៅក្នុងប្រទេសកម្ពុជា។

»​ [...]