Posts tagged as "Norodom Ranariddh"

ចំពោះបញ្ហាព្រំដែនដ៏រស៊ើបនេះ កំពុងក្លាយជាប្រធានបទមួយ ដែលគណបក្សប្រជាជនកម្ពុជា និងរដ្ឋាភិបាល បានចោទគណបក្សសង្គ្រោះជាតិថា ជាការធ្វើឡើង ដើម្បីកេងចំណេញនយោបាយប៉ុណ្ណោះ។ ឯគណបក្ស​សង្គ្រោះជាតិ ដែលជាគណបក្សប្រឆាំងនោះ ក៏បានលើកឡើងវិញដែរថា បើគិតថា ជាការចំណេញផ្នែក​នយោបាយមែននោះ តោងគណបក្សប្រជាជនកម្ពុជាខ្លួនឯង ដែលមានសិទ្ធិ និងអំណាចពេញទី ក្នុងការ​ដោះ​ស្រាយ គួរតែអាចបង្ហាញសកម្មភាព ដោះស្រាយបញ្ចប់ ដើម្បីទាញយកប្រជាប្រិយភាព ឲ្យបានកាន់តែ​ច្រើន​ទៅ។

យ៉ាងណាក៏ដោយ ក៏ដំណោះស្រាយព្រំដែន ជាមួយប្រទេសវៀតណាម ដោយរដ្ឋាភិបាលកម្ពុជា មិនទទួល​បានការជឿទុកចិត្ត ពីពលរដ្ឋមួយភាគ (រួមទាំងពលរដ្ឋរងគ្រោះផង) និងមន្ត្រីគណបក្សប្រឆាំងនោះឡើយ។ ជាពិសេស នៅពេលដែលរដ្ឋាភិបាលខ្លួនឯង បានអះអាងថា ខ្លួនបានផ្ញើរកំណត់ទូត ពីវិវាតរឿងព្រំដែន ទៅ​កាន់ប្រទេសវៀតណាម ចំនួនយ៉ាងហោច១០ដងហើយ តែផ្ទុយទៅវិញ កំណត់ទូតចំនួន ៨ដង មិនត្រូវ​បាន​ប្រកាស ជាសាធារណៈទេ។

ប្រសិនបើសេចក្ដីព្រាងច្បាប់ ស្តីពី«សមាគម និងអង្គការក្រៅរដ្ឋាភិបាល» កំពុងត្រូវបានរដ្ឋសភាកម្ពុជា ទទួល​យកមកពិនិត្យ បន្ទាប់រងនូវភាពចម្រូងចម្រាស រវាងរដ្ឋាភិបាល និងក្រុមអង្គការសង្គមស៊ីវិលនោះ ស្រាប់តែ​ពេលនេះ គេបានឮប្រតិកម្មជាលើកដំបូង រស់ព្រះអង្គម្ចាស់ នរោត្ដម រណឫទ្ធិ ប្រធានគណបក្សហ្វុនស៊ីនប៉ិច ដោយព្រះអង្គបានគាំទ្រ ឲ្យមានច្បាប់នេះ នៅក្នុងប្រទេសកម្ពុជា។ ប៉ុន្តែប្រធានគណបក្សហ្វុនស៊ីនប៉ិចអង្គ​នេះ បានមានបន្ទូលថា ក្រុមអង្គការសង្គមស៊ីវិល ក៏គួរជាអ្នកសម្រេច ទៅលើច្បាប់នេះដែរ។

ការលើកឡើងរបស់ព្រះអង្គ ត្រូវបានធ្វើឡើង នៅចំពោះមុខ ក្រុមអ្នកសារព័ត៌មាន នាស្នាក់ការគណបក្ស​ហ្វុនស៊ីនប៉ិច កាលបីព្រឹកថ្ងៃទី១៨ ខេមិថុនា ឆ្នាំ២០១៥។ ព្រះរាជបុត្រ នៃអតីតព្រះមហារវក្សត្រ នរោត្ដម សីហនុ បានបង្ហាញ ពីការយល់ឃើញរបស់ទ្រង់ថា អង្គការក្រៅរដ្ឋាភិបាល មានតួនាទីធំធេង ក្នុងសង្គម​កម្ពុជា។ ព្រះអង្គបាន​លើក​ឡើង​ថា ដើម្បី ថែរក្សានូវអ្វី [...]

ប្រទេសចិន រក្សានូវចំណងទាក់ទង ដោយរឹងមាំ ជាមួយប្រទេសកម្ពុជា ហើយត្រៀមខ្លួនរួចជាស្រេច ក្នុងការបង្កើតជា​សហគមន៍ នៃផលប្រយោជន៍ មួយឡើង សម្រាបវាសនា និងការទទួលខុសត្រូវរួម ជាមួយនឹងប្រទេសបងប្អូនជិតខាង តាមរង្វង់ផលប្រយោជន៍សេដ្ឋកិច្ច។ នេះជាការថ្លែងឡើង របស់លោក លី យ៉ានឆាវ អនុប្រធានាធិបតី នៃប្រទេសចិន នៅក្នុងជំនួប ជាមួយប្រធានគណបក្សហ្វុនស៊ីនប៉ិច ព្រះអង្គម្ចាស់ នរោត្ដម រណឬទ្ធិ កាលពីថ្ងៃអង្គារ ក្នុងរដ្ឋធានី ប៉េកាំង ដកស្រង់ដោយ សារព័ត៌មានផ្លូវការ «China News»។

នៅក្នុងជំនួបនោះដែរ មេដឹកនាំទាំងពីរ បានរំលឹកឡើងវិញ ពីការបន្ដទំនាក់ទំនងជាន់ខ្ពស់ ប្រកបដោយនិរន្តរភាព និង​កាន់តែស្រួចស្រាវ រវាងគណបក្សរាជានិយម ហ្វុនស៊ីនប៉ិច កម្ពុជា និងគណបក្សកុម្មុយនីសចិន។ សារព័ត៌មានចិន បាន​បន្តរាយការណ៍ទៀតថា ព្រះអង្គម្ចាស់ នរោត្ដម រណឬទ្ធិ វិញ បានមានបន្ទូលឆ្លើយតប នឹងលោកអនុប្រធានាធិបតីចិនវិញ ពីការគាំទ្រជានិច្ចជាកាស នូវទំនាក់ទំនង [...]

សម្តេចក្រុមព្រះ នរោត្ដម រណឫទ្ធិ បានមានបន្ទូលបកស្រាយ ចំពោះអ្នកសារព័ត៌មាន ថានិមិត្តសញ្ញាថ្មី ឬឡូហ្គោ (Logo) របស់គណបក្សហ៊្វុនស៊ិនប៉ិច មិនមែនជាការរំលាយគណបក្សហ៊្វុនស៊ិនប៉ិច និងគណបក្សសង្គមរាស្ត្ររាជាធិបតេយ្យ បញ្ចូលគ្នានោះទេ ពោលគ្រាន់តែមានលក្ខណៈ ប្រហាក់ប្រហែលគ្នាប៉ុណ្ណោះ។

នៅព្រឹកថ្ងៃទី១២ ខែមីនានេះ សមាជិកសមាជិការ របស់គណបក្សហ៊្វុនស៊ិនប៉ិច បានធ្វើអង្គសមាជ ដើម្បីអនុម័ត​ប្តូរ​និមិត្ត​សញ្ញាថ្មី របស់គណបក្ស ដោយបានដករូប វិមានឯករាជ្យ នៅក្នុងនិមិត្តសញ្ញានោះចេញ និងដាក់រូបមួយផ្សេងទៀត ដែល​មានសណ្ឋាន ដូចជារូបនិមិត្តសញ្ញា នៅក្នុងគណបក្ស សង្គមរាស្ត្ររាជាធិបតេយ្យ ដែលសម្តេចក្រុមព្រះ ធ្លាប់​បាន​បង្កើតឡើង មុននឹងរំលាយចោលវិញ ហើយបានត្រឡប់មក ធ្វើព្រះប្រធាន នៅគណបក្សហ៊្វុនស៊ីនប៉ិចវិញ។

និមិត្តសញ្ញាថ្មីនេះ បានធ្វើឲ្យមនុស្សមួយចំនួន បានការងើយឆ្ងល់ថា តើការផ្លាស់ប្តូរនិមិត្តសញ្ញានេះ ជាការរំលាយ​ចូល​គ្នា [...]

ភាសា«បង្រួបបង្រួម អ្នករាជានិយម» របស់ព្រះអង្គម្ចាស់ នរោត្ដម រណឫទ្ធិ ទំនងជាមិនដូច ទៅនឹងភាសាបង្រួបបង្រួម ដែលចេញពីបបូរមាត់របស់លោក ញឹក ប៊ុនឆៃ នោះទេ។ ប្រសិនបើសម្ដេចក្រុមព្រះ នរោត្ដម រណឫទ្ធិ បានស្នើឲ្យ​មាន​ការផ្លាស់ប្ដូរ ឡូហ្គោ ឬស្លាកគណបក្សទាំងអស់ និងស្នើរសុំឲ្យកាត់បន្ថយ​ចំនួន​សមាជិក គណកម្មការនាយកគណបក្ស ពី ២៥៣នាក់ មកត្រឹមតែ ២៧នាក់ ដើម្បីអ្វីមួយ ដែលព្រះអង្គម្ចាស់មានបន្ទូលថា នឹងជួយ​ឲ្យ​មាន​ប្រសិទ្ធិភាព​ ក្នុងការងារនោះ តែសម្រាប់លោក ញឹក ប៊ុនឆៃ វិញ មិនគិតដូច្នេះទេ។

បំណងរបស់ព្រះប្រធានជាថ្មី នៃគណបក្សហ្វ៊ុនស៊ីនប៉ិច ដែលធ្លាប់បានដើរចេញពីគណបក្ស អស់រយៈពេល៨ឆ្នាំនោះ ទំនង​ជានៅមានភាពប្រទាំងប្រទើស ជាមួយនឹងអតីតអគ្គលេខា និងត្រូវជាអនុប្រធានទីពីរ របស់ព្រះអង្គយ៉ាង​ខ្លាំងក្លា​នៅឡើយ។ ហើយនេះ ជាអ្វី​ដែល​លោក ញឹក ប៊ុនឆៃ ខ្លួនលោកបានអះអាងដោយផ្ទាល់ នៅក្នុងសន្និសីទការសែតមួយ នៅគេហដ្ឋានរបស់លោក នា​ខណ្ឌជ្រោយចង្វារ [...]