មេបក្សសង្រ្គោះជាតិ ត្រូវហាមឃាត់មិនឲ្យមើលព្រំដែន
បន្ទាប់ពីចុះជួបអ្នកគាំទ្រនៅស្រុកកោះធំ ខេត្តកណ្តាលមក លោកសម រង្ស៊ី ជាប្រធាន និងលោកកឹម សុខា ជាអនុប្រធានគណបក្សសង្រ្គោះជាតិ ដែលជាគណបក្សជំទាស់ បានបន្តដំណើរទៅពិនិត្យមើលព្រំដែនកម្ពុជាជាប់ព្រំដែនវៀតណាម លើទឹកដីខេត្តកណ្តាល តែដំណើរចុះទៅត្រួតពិនិត្យនោះ ត្រូវបានកម្លាំងសមត្ថកិច្ចកម្ពុជា ដែលឈរជើង នៅតំបន់នោះ ហាមឃាត់មិនឲ្យចូលត្រួតពិនិត្យ ក្រោមហេតុផលថាគ្មានគោលការណ៍ ពីថ្នាក់លើ។
លោក សម រង្ស៊ី នៅក្នុងដំណើរតាមដងទន្លេ ទៅមើលបង្គោលព្រំដែនកម្ពុជាវៀតណាម។ (រូបថតផ្តិតពីវីដេអូ)
សិទ្ធិ - «មានន័យថា មានលាក់លៀមអ្វីមិនល្អនៅក្នុងហើយ បានជាមិនឲ្យពួកយើងចូលទៅមើល។ ប្រសិនបើនៅក្នុងហ្នឹងគ្មានអ្វីអាក្រក់ គឺអត់ខ្លាចឲ្យយើងទៅឃើញទេ។ [...]
