Posts tagged as "Frontiere"

ក្រុមយុវជន និងសកម្មជនព្រំដែន បានសម្ដែងការសោកស្តាយ ជាទូទៅរបស់ពួកគេ ចំពោះការខកខាន មិន​បានចូលទៅមើលដោយផ្ទាល់ ដល់បង្គោលព្រំដែន លេខ២០៣។ សម្រាប់ក្រុមតំណាងរាស្ត្រ មកពី​គណបក្ស​ប្រឆាំង ដែលបានដឹកនាំក្រុមពលរដ្ឋទាំងនេះ ចុះទៅមើលព្រំដែននោះ បានថ្លែងប្រតិកម្មថា ការហាមឃាត់​មិន​ឲ្យចូលទៅមើលបង្គោលព្រំដែននោះ ដោយសារបង្គោលនោះ ត្រូវបានបោះចូលមកក្នុងទឹកដីកម្ពុជា។ ខាង​ក្រោម​នេះ ជាប្រតិកម្មរបស់ពួកគេ ដែលបានធ្វើឡើង ជាមួយអ្នកសារព័ត៌មាន របស់ទស្សនាវដ្តី​មនោរម្យ.​អាំងហ្វូ ក្នុងការចុះទៅកាន់ទីនោះ ដោយផ្ទាល។

យុវជន សានីន និស្សិតមកពីសកលវិទ្យាល័យ ភូមិន្ទភ្នំពេញ បានលើកឡើងថា គេអនុញ្ញាតឲ្យមនុស្ស ចូល​បានតែ១០០នាក់ប៉ុណ្ណោះ។ យុវជនបានបន្តថា ការមកលើកនេះ ខុសពីលើកមុន ព្រោះកាលពីលើកមុន មាន​ការប៉ះទង្គិច ដោយផ្ទាល់ រវាងពលរដ្ឋកម្ពុជា និងពលរដ្ឋ-កងទ័ពវៀតណាម។ តែពេលនេះ បែរជាខ្មែរ និង​ខ្មែរ​បានប៉ះគ្នាទៅវិញ។ [...]

«​ខ្ញុំ​ចង់​ផ្តល់ព័ត៌មាន ​ជូន​ប្រជាពលរដ្ឋ ថា​អ្វីដែល​យើង​កំពុងតែ​ត្រូវការ កំពុងតែ​ចង់បាន នៅ​ស្រុក​គេ ​ចំហរ​​ជា​សាធារណៈ​ អត់​មាន​ពាក់ព័ន្ធ​អី​សោះ» នេះជាការថ្លែងឡើង របស់ប្រធាន​គណបក្ស​សង្គ្រោះ​ជាតិ លោក សម រង្ស៊ី នៅក្នុងពិធីជួបជាមួយ​ តំណាង​កម្មករ-កម្មការិនី នៅក្នុង​ទីស្នាក់ការ​ សហជីព​សេរី​កម្មករ​ នៃ​ព្រះរាជា​ណា​ចក្រ​​កម្ពុជា កាលពី​ព្រឹកថ្ងៃទី​១៩ ខែកក្កដានេះ​ ។

ការលើកឡើង របស់មដឹកនាំគណបក្សប្រឆាំង ជាការឆ្លើយតប ទៅនឹងការចោទប្រកាន់ របស់អង្គភាព​ព័ត៌មាន និង​ប្រតិកម្ម​រហ័ស ​របស់​ទីស្តីការគណៈរដ្ឋមន្ត្រី រួមទាំង​រដ្ឋមន្ត្រីការបរទេស លោក ហោ ណាំហុង ផង ដែល​ថា​ការបង្ហោះ នៅលើទំព័រហ្វេសប៊ុកផ្លូវការ របស់លោក សម រង្ស៊ី ពីតម្លៃច្បាប់ចម្លងផែនទី ដែលគណបក្ស​សង្គ្រោះ​ជាតិ បានស្នើទិញពីវិទ្យាស្ថានជាតិ នៃព័ត៌មានភូមិសាស្ត្រ បារាំង ក្នុងតម្លៃ ១៦៨ដុល្លារនោះ [...]

ពលរដ្ឋចំនួនជាង៣ពាន់នាក់ បើតាមតួលេខផ្ដល់ដោយ លោក រៀល ខេមរិន្ទ្រ ឬជាង២ពាន់នាក់ បើតាមតួ​លេខ​ផ្ដល់ដោយអ្នកសង្កេតការណ៍ បានធ្វើដំណើរក្នុងថ្ងៃទី១៩ ខែកក្កដានេះ ដើម្បីចុះទៅពិនិត្យមើលបង្គោល​ព្រំដែន លេខ២០៣ ដែលស្ថិតនៅនេះ ​ត្រង់​ចំណុច​ភូមិ​ធ្លក ឃុំ​ត្នោត ស្រុក​កំពង់រោទិ៍ ខេត្ត​ស្វាយរៀង។ ប៉ុន្តែ​ដំណើរ​របស់​ក្រុមពលរដ្ឋទាំងនោះ បានជួបនឹងភាពលំបាកជាច្រើន ក្នុងនោះមានដូចជា ការរៀបចំជួបជុំគ្នា និង​ដំណើរ​កាត់​តាម ដងផ្លូវដែលសម្បូរដោយភក់ជ្រាំ នារដូវវស្សាជាដើម។

លោក រៀល ខេមរិន្ទ្រ តំណាងរាស្រ្តមណ្ឌលស្វាយរៀង មកពីគណបក្សសង្រ្គោះជាតិ បានថ្លែងរៀបរាប់ ការ​ណាត់ពេលជួបជុំគ្នា នៅទីលានប្រជាធិបតេយ្យ រាជធានីភ្នំពេញ បានធ្វើឡើងតាំងពីម៉ោង៥ព្រឹក តែទម្រាំ​បាន​ជួបជុំគ្នា និងចេះតែមានពលរដ្ឋ មកចូលរួមកាន់តែច្រើននោះ ទើបការចាកចេញ ពីទីណាត់ជួប ត្រូវ​អូស​បន្លាយ​ពេលដល់ម៉ោង៦។ លោក បានថ្លែងឲ្យដឹងទៀតថា គម្រោងដំបូងថា [...]

តើមេដឹកនាំធំៗទាំងពីរ ដែលមិនត្រូវគ្នានេះ ចេះតែយកឈ្នះរៀងៗខ្លួន ឬយ៉ាងណា? តើផែនទីដែលត្រូវ​បាន​រដ្ឋាភិបាល យកមកប្រើប្រាស់ នាពេលកន្លងមក ក្នុងការយកមកកំណត់ព្រំដែន រវាងប្រទេសកម្ពុជា និង​ប្រទេស​ជិតខាង មានការទទួលស្គាល់ ពីអន្តរជាតិឬទេ? សម្រាប់ប្រជាពលរដ្ឋ ដែលជាសាក្សី«រស់» ស្ថិតនៅ​តាមព្រំដែនជាច្រើន សុទ្ធតែបានអះអាងថា ដីស្រែចំការ កេរិ៍្តដូនតារបស់ខ្លួន ត្រូវបានប្រទេសជិតខាង ឈ្លាន​ពានយកជាបន្តបន្ទាប់ រាប់សិបឆ្នាំមកហើយ មិនដែលមានអាជ្ញាធរកម្ពុជាណា អើពើឬដោះស្រាយនោះទេ។

តើមន្ត្រីអាជ្ញាធរថ្នាក់ក្រោម អាចធ្វើអ្វីបាន បើសូម្បីមន្ត្រីជាន់ខ្ពស់ ក៏មានការស្រពិចស្រពិល ក្នុងបញ្ហាព្រំដែន ដែរនោះ? ដូចយ៉ាងរដ្ឋមន្រ្តីក្រសួងមហាផ្ទៃ លោក ស ខេង ជាដើម សុទ្ធតែធ្លាប់បានទទួលស្គាល់ ពីភាពមិន​ច្បាស់​លាស់​នៃព្រំដែន។ លោក ស ខេង បានថ្លែងដូច្នេះ នៅក្នុងកិច្ចប្រជុំផ្សព្វផ្សាយ អំពីបច្ចុប្បន្នភាពការងារ កំណត់​ព្រំដែន ជាមួយប្រទេសវៀតណាម [...]

ពលរដ្ឋប្រមាណ២៣គ្រួសារ តំណាងឱ្យប្រជាពលរដ្ឋ ជាង៤៥គ្រួសារ នាំគ្នារុះរើរបងដែកស័ង្កសី នៅលើដីផ្លូវ​សារធារណៈ ចេញដោយខ្លូនឯង ដោយសារពលរដ្ឋទាំងនោះ អស់ជំនឿលើអាជ្ញាធរ ថាអាចជួយដោះ​ស្រាយ​បាន។ របងដែកនោះ មានទទឹងប្រមាណ១០ម៉ែត្រ និងបណ្តោយ ជាងមួយគីឡូម៉ែត្រ នៅចំណុច ឡធ្យូង ក្នុង​ភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

លោក សឿន ប្រុស អ្នកឆ្លើយឆ្លងព័ត៌មាន របស់ទស្សនាវដ្ដីមនោរម្យ.អាំងហ្វូ ដែលនៅក្នុង​ហេតុការណ៍បាន​ឲ្យដឹងថា ប្រជាពលរដ្ឋទាំងនោះ បានសុំឲ្យ កូនចៅរបស់លោក ឱក សុផាន បញ្ឈប់ការសាងសង់ ទាំងបំពាន តាមបញ្ជាចៅហ្វាយរបស់ខ្លូន ហើយរឿងវិវាតនេះ មិនមែនជារឿងថ្មីៗទេ វាជាជម្លោះរាំរ៉ៃដែល អាជ្ញាធរ​ក្រុង​ប៉ោយប៉ែត ហាក់មិនអើពើ ដោះស្រាយឲ្យពលរដ្ឋសោះ។ រហូតមកដល់ថ្ងៃទី ១៤ និងទី១៥ ខែកក្កដា ឆ្នាំ​២០១៥​នេះ ទើបផ្ទុះការតវ៉ាសាជាថ្មី លទ្ធផល គឺនៅមិនមានការអន្តរាគមន៍ ណាមួយដដែល។

លោក សឿន ប្រុស [...]