Posts tagged as "Accident routiere"

បើតាមទំព័រហ្វេសប៊ុក របស់ស្នងការដ្ឋាននគរបាលខេត្តកណ្តាល បានផ្សាយឲ្យដឹងថា រឿងគ្រោះថ្នាក់នេះ បាន​កើតមាននៅ ថ្ងៃទី២៨.១០.២០១៥វេលា ម៉ោង០០.៣០នាទី ត្រង់ចំណុចរង្វង់មូលស្ពាន ព្រែកសំរោង នៅ​តាមបណ្តោយផ្លូវលេខ១១៥ ស្ថិតក្នុង ភូមិព្រែកសំរោង សង្កាត់តាខ្មៅ ក្រុងតាខ្មៅ បណ្តាលឲ្យ​ខូចខាត​រថយន្ត តែមិនប៉ះពាល់ដល់អាយុជីវិត មនុស្សឡើយ។

មុនពេលកើតហេតុ រថយន្តនេះធ្វើដំណើរ ក្នុងទិសដៅពីកើតទៅលិច តាមផ្លូវលេខ ១១៥ លុះមកដល់ ចំណុច​ខាងលើ រថយន្តបានបើកឡើង លើរង្វង់មូល តែក៏ជ្រួលចង្កូតធ្លាក់ ចេញពីផ្លូវតែម្តង ប៉ុន្តែជាសំណាងល្អ ដែល​មិនបណ្តាលឲ្យ មានមនុស្សរងគ្រោះទេ ក្នុងគ្រោះថ្នាក់នេះ។

រថយន្តប្រភេទ កាមរី ពណ៌សមានពាក់ផ្លាកលេខ ភ្នំពេញ 2C-4659 ដែលបើកធ្លាក់ ពីផ្លូវដោយឯកឯង នេះ​បើក​បរដោយលោក នាក់ សារឿន មានវ័យ ៥១ឆ្នាំ មានទីលំនៅក្នុងភូមិព្រែកហូរកើត សង្កាត់ ព្រែកហូរ ក្រុង​តាខ្មៅ។

ក្រោយពេលកើតហេតុ [...]

ហេតុការណ៍គ្រោះថ្នាក់​ចរាចរណ៍មួយ រវាងរថយន្តកុងតឺន័រ និងរថយន្តដឹកកម្មករ ដែលបានកើតឡើង នៅ​ព្រឹក ថ្ងៃទី២០ ខែតុលា ឆ្នាំ២០១៥ វេលាម៉ោង ០៦និង ២០នាទី នៅមុខមន្ទីរសាធារណៈការ និងដឹកជញ្ជូន ខេត្ត​កំពង់ស្ពឺ ស្ថិតក្នុងសង្កាត់ រការធំ ក្រុងច្បារមន ខេត្តកំពង់ស្ពឺ បណ្តាលឲ្យស្លាប់ម្នាក់ និងរបួស៣១នាក់។ នេះបើ​តាមការផ្សាយ របស់ទំព័រហ្វេសប៊ុក ដាក់ឈ្មោះ «បេឡាជាតិ​របប​សន្តិសុខ​សង្គម (បសស)» របស់ក្រសួង​ការងារ និងបណ្ដុះបណ្ដាលវិជ្ជាជីវៈ។

មូលហេតុ ដែលបង្កឲ្យមានគ្រោះថ្នាក់​ចរាចរណ៍​នេះកើត​មាន គឺដោយសារតែរថយន្តកុងតឺន័រ បាន​ព្យាយាម​បើកគេចពីម៉ូតូ តែជាអកុសល ក៏ជ្រុលចង្កូត ទៅបុកជាមួយរថយន្ត ដឹកកម្មករកម្មការនី បណ្តាលឱ្យស្លាប់ និង​រងរបួសធ្ងន់ស្រាលតែម្តង។

ក្រោយពេលកើតហេតុ ជនរងគ្រោះត្រូវបានបញ្ជូន ទៅមន្ទីរពេទ្យបង្អែកខេត្ត ចំនួន០៦នាក់, គ្លីនិក អ៊ុំ សារ៉ន ១២នាក់ និងគ្លីនិក សុខ ណា ១៣នាក់។

ករណីម៉ូតូបើកបុករថយន្ត ហៃឡែនឌឺ នេះបានកើតឡើងនៅថ្ងៃទី១៥ ខែតុលា ឆ្នាំ២០១៥នាវេលា ម៉ោង៩ និង៥០ នាទីព្រឹក ត្រង់ចំណុចស្តុបផ្លូវលេខ ២៦១ កែង ១៨២ ស្ថិតនៅក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ បណ្តាលឲ្យខូចខាតថ្ពាល់រថយន្តខាងមុខ។

តាមសម្តីរបស់ម្ចាស់ម៉ូតូ បានឲ្យដឹងថា គាត់ជិះម៉ូតូប្រភេទ កុបជ្រុងពណ៍ខៀវ មានស្លាក់លេខ ភ្នំពេញ 1K 6089 បានបុកជាមួយ រថយន្តហៃឡែនឌឺ ពាក់ស្លាក់លេខភ្នំពេញ 2AP 0896 នៅពេលដែលរថយន្តនោះ បត់ត្រឡប់មិនបានស៊ីញ៉ូ ធ្វើខូចខាតរថយន្តផ្នែកខាងមុខ។

ក្រោយពេលកើតហេតុ ភាគីទាំងពីរ បានជជែកគ្នាយ៉ាងតឹងសរសៃករ ដើម្បីយកឈ្នះ តែរាងៗខ្លួន។ ប៉ុន្តែ​នៅ​ពេលនោះ ក្រុមមន្ត្រីសមត្ថកិច្ចបានចុះ មកជួយសម្របសម្រួលភាគីទាំងសងខាង កុំមានរឿងវែងជាងនេះ។ ចំណែកខាងម្ចាស់ម៉ូតូ សុខចិត្តយករថយន្តនោះ ទៅជួសជុលដើម្បីបញ្ចាប់រឿង ព្រោះខ្លួនជាជាង ខាង​រថយន្ត​ស្រាប់៕

គ្រោះថ្នាក់ក្រឡាប់រថយន្ត ពីរបីត្រឡប់នេះ កើតមាននៅវេលាម៉ោង១២ និង៤០ នាទីថ្ងៃត្រង់ នាថ្ងៃទី ០៨ ខែ​តុលា ឆ្នាំ២០១៥ នៅតាមបណ្តាលផ្លូវជាតិលេខ៥ ក្នុងភូមិទួលម្កាក់ សង្កាត់រលាប ក្រុងពោធិ៍សាត់ បណ្តាល​ឲ្យមនុស្ស ចំនួន២នាក់ រងរបួសស្រាល។

តាមសម្តីរបស់លោក អេវ ងីម ជាម្ចាស់រថយន្ត មានវ័យ៣១ឆ្នាំ រស់នៅខេត្តប៉ៃលិន បានឲ្យដឹងថាមុន ពេល​កើតហេតុ គាត់ជិះរថយន្ត ធ្វើដំណើរពីប៉ៃលិន ទៅខេត្តតាកែវមានគ្នា ៧នាក់ តែពេលកំពុងធ្វើដំណើរ ស្រាប់​តែរថយន្តដាច់កាឡេ ទៅមុខមិនរួច ទើបគាត់បានហៅជាង មកជួសជុល។ ពេលជួសជុលរួច ជាង និង​ម្ចាស់​រថយន្ត បានបើកសាក មិនទាន់បាន១គីឡូម៉ែតផង ជាងបានបើកជែងគេឯងពេញផ្លូវ រហូតដល់ក្រឡាប់​ឡាន​ពីរបីត្រឡប់ ដល់ទើលើលូ។

លោក អេវ ងីម បានបន្តទៀតថា នេះសំណាងល្អហើយ ដែលគាត់ពាក់ខ្សែក្រវ៉ាត់ និងក្រុមគ្រួសារមិនបាន ជិះ​ជាមួយ នៅពេលសាករថយន្ត កុំអីត្រូវគ្រោះថ្នាក់មិនខាន់។ ចំណែកជាងជួសជុលរថយន្តនោះ មានឈ្មោះ ប្រាក់ [...]

ករណីរថយន្តហ៊ីយ៉ាន់ដាយ ក្រឡុកស៊ីម៉ង់ របស់ក្រុមហ៊ុន CLTK បត់កិនម៉ូតូនេះ បានកើតឡើង នៅវេលា​ម៉ោង២១ និង១០នាទីយប់ នាថ្ងៃទី០៧ ខែតុលា ឆ្នាំ២០១៥ នៅចំពីមុខក្រុមហ៊ុន CLTK ដែលស្ថិតនៅតាម បណ្តោយផ្លូវវេងស្រេង ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ បណ្តាលឲ្យបុរសម្នាក់ ស្លាប់ធ្លាយខួរចេញមកក្រៅ។

តាមប្រភពពីកន្លែងកើតហេតុ បានឲ្យដឹងថា មុនពេលគ្រោះថ្នាក់ ឃើញជនរងគ្រោះ ជិះម៉ូតូហុងដា សេ១២៥ ពណ៍ខ្មៅស្លាកលេខ ភ្នំពេញ 1CM 7043 បើកតាមផ្លូវជាតិលេខ ៣ ពីជើងទៅត្បូង លុះមកដល់ កន្លែងកើត​ហេតុ ក៏មានរថយន្តក្រឡុកស៊ីម៉ង់មួយគ្រឿង ពណ៍ស ស្លាក់លេខភ្នំពេញ 3B 9655 ធ្វើដំណើ បញ្រ្ចាស់ទិស​គ្នា បានជ្រួលទៅបុកកិនជនរងគ្រោះ ចេញខួរស្លាប់ភ្លាមៗ នៅនឹងកន្លែង។ បន្ទាប់ពីបង្កគ្រោះថ្នាក់នេះរួច អ្នកបើក​រថយន្តក្រឡុកស៊ីម៉ង់ បានរត់គេចខ្លួនបាត់ឈឹង ដោយបន្សល់ទុករថយន្ត នៅនិងកន្លែង។

ជនរងគ្រោះក្នុងហេតុការណ៍នេះ មានឈ្មោះ សុខ វិសាល [...]