Posts tagged as "Bachar el-Assad"

វិបត្តិនៅស៊ីរី៖ នរណា​ប្រឆាំង​នរណា ហើយ​នរណា​គាំទ្រ​នរណា?

វិបត្តិនៅស៊ីរី៖ នរណា​ប្រឆាំង​នរណា ហើយ​នរណា​គាំទ្រ​នរណា?

បើគេមិនបានតាមដានវិបត្តិ នៅក្នុងប្រទេសស៊ីរី (ទឹកដីមួយភាគសព្វថ្ងៃ ជាទីតាំងកណ្ដាលមួយ របស់ក្រុម​រដ្ឋអ៊ីស្លាម - ពាក្យ​អារ៉ាប់​ហៅ Daech ពាក្យកាត់​បារាំង​ហៅ EI ពាក្យកាត់អង់គ្លេសហៅ ISIS) ដែលកើតឡើង តាំងពីឆ្នាំ២០១១មកនោះទេ គេច្បាស់ជាវង្វេង មិនដឹងថាតើនរណាជាអ្វី ឬនរណាធ្វើអ្វីនោះឡើយ។ បើមើល​មួយភ្លែត គេច្បាស់ជាគិតថា វិបត្តិនេះ បានធ្វើឲ្យប្លុកពីរប្រឈមមុខដាក់គ្នា នោះគឺពិភពកាន់សាសនាអ៊ីស្លាម និងពិភពលោកខាងលិច។ តែមិនដូច្នេះទេ ព្រោះបើសូម្បីពិភពអារ៉ាប់ ដែលកាន់សាសនាអ៊ីស្លាមខ្លួនឯង ក៏​បាន​បែងចែក ការគាំទ្រនិងការប្រឆាំង ក្រុមបក្សពួក នៅក្នុងវិបត្តិស៊ីរីនេះដែរ។

ជាពិសេស នៅក្នុងរយៈពេលចុងក្រោយនេះ ប្រទេសរ៉ូស្ស៊ី ដែលជាប្រទេសមហាអំណាចមួយដែរ បាន​លូក​ដៃ​របស់​ខ្លួន ចូលធ្វើអន្តរាគមន៍ ទៅក្នុងវិបត្តិនេះបន្ថែមទៀត ដែលបង្កឲ្យភាពស្មុគ្រស្មាញ មានកាន់តែ​ខ្លាំង​ឡើង។

វីដេអូ​ពន្យល់ពីវិបត្តិជនអន្ដោប្រវេសន៍ នៅអ៊ឺរ៉ុប

វីដេអូខាងលើនេះ ដែលមានរយៈពេលជាង៦នាទី ត្រូវបានផលិតឡើង ដោយ «In a Nutshell» ក្រុម​អ្នក​ជំនាញ​អាល្លឺម៉ង់ ខាងគំនូរមួយក្រុម នៅក្រុង «Kurzgesagt» ប្រទេសអាល្លឺម៉ង់។ វីដេអូនេះ ត្រូវបាន​សារព័ត៌មាន នៅក្នុង​ប្រទេសជាច្រើន នៅអ៊ឺរ៉ុបខាងលិច យកមកផ្សព្វផ្សាយបន្ត ដើម្បីពន្យល់អ្នកអានរបស់ពួកគេ ឲ្យ​ដឹង​ពី​វិបត្តិ​នៃ​ជន​អន្តោប្រវេសន៍ ដែលមានលក្ខណៈខ្លីៗ ងាយយល់។

វិបត្តិជនភៀសខ្លួន ដែលមានមូលហេតុ កើតចេញពីជម្លោះដ៏រ៉ាំរ៉ៃ នៅក្នុងប្រទេសស៊ីរីខ្លួនឯង បន្ទាប់ពីមេដឹកនាំ​ត្រកូល អែលអាសាធ (el-Assad) បានច្បាមយកអំណាច មកកាន់កាប់តាំងពីឪពុក រហូតដល់កូន...។ សូម​បញ្ជាក់​ដែរថា នៅលើវីដេអូ លោកអ្នកអាចជ្រើសរើស យកការដាក់ចំណងជើង ជាភាសាណាមួយ ដែលលោក​​អ្នក​អាច​អាន និងយល់បាន៕

ISIS ដាក់​គ្រាប់​បែក​កម្ទេច​ពន្ធនាគារ​មួយ របស់​ស៊ីរី

ISIS ដាក់​គ្រាប់​បែក​កម្ទេច​ពន្ធនាគារ​មួយ របស់​ស៊ីរី

មួយភាគធំ នៃពន្ធនាគារដែលស្ថិតនៅ កណ្ដាលវាលខ្សាច់ និងមានឈ្មោះ គួរឲ្យព្រឺខ្លាច សម្រាប់ប្រជាជនស៊ីរីនោះ ត្រូវ​បាន​កម្ទេចចោល ដោយគ្រាប់បែក របស់ក្រុមសមាជិករដ្ឋអ៊ីស្លាម។ គ្រាប់បែកទាំងនោះ បានដាក់នៅខាងក្នុង និងនៅជុំ​វិញ​ពន្ធនាគារ ដែលធ្វើឲ្យកម្លាំងនៃការផ្ទុះ បានបំផ្លាញអាគារ របស់ពន្ធនាគារសឹងតែទាំងស្រុង។ នៃបើតាមសេចក្ដី​រាយ​ការណ៍ របស់ក្រុមអ្នកឃ្លាំមើលសិទ្ធិមនុស្ស ដែលលបលួចធ្វើការ នៅក្នុងប្រទេស៊ីរី។

ក្រុង ប៉ាលមៀរ អតីតរាជធានីបូរាណមួយ របស់ប្រទេស ត្រូវបានក្រុមស្ម័គ្រប្រយុទ្ធ របស់ព្រះជាម្ចាស់ ឬហៅថា ជីហាដ (jihad) វាយដំណ្ដើមកាន់កាប់បាន កាលពីជាង១០ថ្ងៃមុន។

ក្រុមសមាជិក រដ្ឋអ៊ីស្លាម បានបង្ហោះសារ នៅលើបណ្ដាញសង្គម ទ្វីសធើរ (Twitter) នូវរូបថតជាច្រើន បង្ហាញពីការ​កម្ទេច​ពន្ធនាគារនេះ។ ប៉ុន្តែសម្រាប់លោក «Mohammad Sarmini» សកម្មជនប្រឆាំង ដើម្បីសេរីភាពនៅស៊ីរី ដែល​កំពុង​រស់​នៅ​គេចខ្លួន បានចាត់ទុកថា [...]

ក្រុម​ប្រឆាំង​នៅ​ស៊ីរី​ប្រយុទ្ធ​គ្នា​ឯង​ស្លាប់​ច្រើន​នាក់ ចុង​សប្ដាហ៍​នេះ

ក្រុម​ប្រឆាំង​នៅ​ស៊ីរី​ប្រយុទ្ធ​គ្នា​ឯង​ស្លាប់​ច្រើន​នាក់ ចុង​សប្ដាហ៍​នេះ

អំពើហឹង្សានេះ បានផ្ទុះឡើងខ្លាំងរវាងក្រុម ដែលប្រឆាំងនឹងរបប របស់លោក បាឆារ អែលអាសាធ (Bachar el-Assad) ប្រធានាធិបតីស៊ីរីបច្ចុប្បន្ន ជុំវិញការដណ្ដើមមកគ្រប់គ្រង នូវទឹកដីជាប់ព្រំដែនមួយចំនួន។ កងស្ម័គ្រប្រយុទ្ធ​និយមអ៊ីស្លាម ដែលមានចំនួនកើនឡើង នៅក្នុងចំណោមក្រុមឧទ្ទាមនោះ ក៏បានជួបប្រយុទ្ធគ្នាជាញឹកញាប់ នៅក្នុងតំបន់​ភាគ​ខាង​ជើង​នៃប្រទេសស៊ីរីដែរ ដោយបានធ្វើឲ្យមានមនុស្សស្លាប់ជាច្រើនរយនាក់។

ក្រុមសកម្មជនឃ្លាំមើលសិទ្ធិមនុស្សបានរាយការណ៍ថា ការប្រយុទ្ធដ៏ស្រួចស្រាវ នៅថ្ងៃសុក្រទី០៤ខែតុលានេះ នៅក្នុងភូមិ​អាហ្សាស (Azaz) ស្ថិតនៅមិនឆ្ងាយប៉ុន្មានពីព្រំដែនជាមួយប្រទេសទួគីរ រវាងក្រុមនិយមអ៊ីស្លាមដែលស្និតនឹង​បណ្ដាញ​ភេវរនិយម អាល់ កៃដា (Al-Qaïda) ទល់នឹងកងទ័ពសេរីស៊ីរី ដែលទទួលបានការជួយឧបត្ថម្ភ ពីសំណាក់មហាអំណាចធំៗ នៅបស្ចឹមលោក។

ចំណែកឯនៅទីក្រុងដាម៉ាសឯណេះវិញ ក្រុមអធិការកិច្ចនៃអង្គការសហប្រជាជាតិ [...]

ស៊ីរី៖ អាមេរិក​និង​បារាំង​ត្រៀម​វាយ ទីក្រុង​ដាម៉ាស​ថា ម្រាម​ដៃ​ចាំ​តែ​កេះ​កៃ​ទទួល

ស៊ីរី៖ អាមេរិក​និង​បារាំង​ត្រៀម​វាយ ទីក្រុង​ដាម៉ាស​ថា ម្រាម​ដៃ​ចាំ​តែ​កេះ​កៃ​ទទួល

«យើងកំពុងរងចាំ ការរំលោភឈ្លានពានណាមួយ នៅគ្រប់ពេលវេលាទាំងអស់ ហើយយើងក៏ត្រៀមខ្លួនរួចជាស្រេច ដើម្បី​វាយបកវិញនៅគ្រប់ពេលដែរ» នេះជាសម្ដីរបស់អ្នកទទួលខុសត្រូវជាន់ខ្ពស់ម្នាក់ ផ្នែកខាងសន្តិសុខនៃរបបគ្រប់​គ្រង​ស៊ីរី ដែលលើកពីករណីនៃវាយប្រហារណាមួយ ពីសំណាក់កងទ័ពបស្ចឹមលោក ទៅលើរដ្ឋអំណាចរបស់ប្រធានាធិបតីស៊ីរី លោក បាឆារ អាល់អាសាធ (Bachar al-Assad)។


មនុស្សទាំងស្រីប្រុស ក្មេងចាស់ ដួលដេកស្លាប់នឹងឧស្ម័នគីមីបំពុល នៅតំបន់ជាយក្រុងដាម៉ាស ប្រទេសស៊ីរី។ (រូបថត Liberation.fr)

របបគ្រប់គ្រងនៅប្រទេសស៊ីរីនេះ ត្រូវបានគេសង្ស័យថា បានធ្វើការវាយប្រហារដែលមានជាតិថ្នាំគីមីពុល កាលពីថ្ងៃទី២១​ខែសីហាកន្លងទៅ ទៅលើពួកអ្នកបះបោរ និងប្រជាជនស្លូតត្រង់ខ្លួនឯង។ សហរដ្ឋអាមេរិក ក្នុងពេលនេះ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...