Posts tagged as "Conflits fonciers"

បន្ទាប់ពីមាន ការចុះផ្សាយ ដោយសារព័ត៌មានក្នុងស្រុកថា សហគមន៍ដែលតែង ធ្វើសកម្មភាពតវ៉ា ឱ្យដោះលែងស្រ្តី កំពុងជាប់ពន្ធនាគារ មានជួលកុមារតូចៗ ឱ្យចូលរួមធ្វើបាតុកម្ម តំណាងសហគមន៍បឹងកក់ លោក ចាន់ ពុទ្ធិសក្កិ បាន​អះអាងថា ក្រុមកុមារៗ ដែលបានមកចូលរួមតវ៉ា ឱ្យមានការដោះលែង សកម្មជនដីធ្លី ដែលកំពុងជាប់ពន្ធនាគារនោះ គឺជាកុមាររងគ្រោះ ពីការបាត់បង់ដីធ្លី ជាពិសេសនោះ ក្នុងចំណោមពួកគេ គឺជាកូនរបស់ស្រ្តី ដែលកំពុងជាប់ឃុំឃាំង នៅក្នុងពន្ធនាគារព្រៃស។ លោកបានពន្យល់ថា កុមារទាំងនោះ មកពីសហគមន៍បឹងកក់ ថ្មគោល និងកុមារមួយ​ចំនួន​ទៀត គឺជាកុមារដែលបានរង នូវការរំលោភសិទ្ធកុមារ។

ដោយធ្វើការសម្ភាស ជាមួយក្មេងៗតូចៗ ដែលមានចងក្រណាត់ នៅលើក្បាល សារព័ត៌មានក្នុងស្រុកនោះ បានឱ្យ​ដឹង​ថា ការចូលរួមតវ៉ា របស់ក្មេងៗតូចៗទាំងនោះ ដោយសារតែមានការជួល ពីក្រុមអ្នករៀបចំតវ៉ា។ ពួកគេមិនមែនជាកូន ចៅ ឬ ជាញាតិបង្កើត របស់សកម្មជនដីធ្លី ដែលត្រូវបានចាប់ខ្លួន [...]

កុមារា កុមារី ដែលជាកូន ឬជាប់សាច់ឈាម​ របស់ស្រ្តីជាប់នៅពន្ធនាគា បានត្អូញត្អែរ បង្ហាញឲ្យដឹងពីទុក្ខលំបាក ដ៏​ធំ​ធេង​របស់ពួកគេ នៅពេលដែលគ្មានម្តាយនៅជាមួយ ជាពិសេស គឺការសិក្សារបស់ពួកគេ ដែលត្រូវប្រឈម​នឹងបញ្ហា​ធ្ងន់ធ្ងរ។

កុមារី ស៊ាង ស្រីភាស់ កូនរបស់អ្នកស្រី ភួង សុភាព ដែលកំពុងជាប់ឃុំ នៅក្នុងពន្ធនាគា បានថ្លែងរៀបរាប់ថា តាំងពី​ម្តាយ​នាង ត្រូវបានគេចាប់ខ្លួនមក នាងមិនដែលបានទៅរៀន ឲ្យទៀងពេលទេ។ នាងតូច បានបញ្ជាក់ពីមូលហេតុថា ដោយសារតែ មិនមានលុយកាក់គ្រប់គ្រាន់ ពេលខ្លះគ្មានអាហារ ហូបចុកគ្រប់គ្រាន់ និងម្យ៉ាងទៀត នៅក្នុងអារម្មណ៍​នឹក​ម្តាយរហូត រៀនមិនចូល។ មានពេលខ្លះ ឃើញគេបណ្តើរម្តាយ នឹកម្តាយខ្លួនឯង នាងបានសុំទៅរដ្ឋាភិបាល សហរដ្ឋ​អាមេរិក តាមរយៈភរិយាប្រធានាធិបតី គឺលោកស្រី មីឆែល អូបាម៉ា (Michelle Obama) ឲ្យជួយរកយុត្តធម៌ ឲ្យក្រុម​គ្រួសារ​នាង និងអ្នកភូមិទាំង១១នាក់ផង។

ប្រភពព័ត៌មាន នៅនឹងកន្លែង បានឲ្យទស្សនាវដ្ដីមនោរម្យ.អាំងហ្វូដឹងថា រាល់ឯកសារការតវ៉ា ដែលត្រូវបានដាក់​ស្នើ​សុំ​នោះ មានសរសេរចំណុចពីរ ដែលអ្នកភូមិមិនសុខចិត្ត ទី១ មេភូមិ ថា ទន មិនបានប្រគល់ដី ដែលអ្នកភូមិបានទិញ ឲ្យ​ទៅ​អ្នកភូមិ ទី២ មេភូមិរូបនេះ មិនទទួលស្គាល់អ្នកភូមិ១៦៦គ្រួសារ ដែលមានតំណាង ជាអ្នកស្រី ឡុង សុគន្ធី ទេ។ ម្យ៉ាង​ទៀត មេភូមិខាងលើ បានបដិសេធ នូវឯកសារទាំងអស់ ដែលពាក់ព័ន្ធ និងរឿងដីធ្លីអ្នកភូមិថា ជាឯកសារ​មិន​ស្រប​ច្បាប់។

តំណាងអ្នកភូមិអ្នកស្រី ឡុង សុគន្ធី បានលើកឡើងថា មូលហេតុដែលអ្នកភូមិថ្នល់បត់ ដាក់ការតវ៉ាពីបញ្ហាទាំងអស់នេះ ឲ្យទម្លាក់មេភូមិ ព្រោះគាត់ មិនបានប្រគល់ដី និងទឹកប្រាក់មួយចំនួន ឲ្យទៅអ្នកភូមិ ក្នុងការដោះដូរលក់ដីធ្លីផ្សេងៗ។ ក្នុង​នោះ មានឈ្មោះ ម៉ក់ សារឿន ក្នុងទឹកប្រាក់ ៧៤ ៥០០បាត និងលុយខ្មែរ៨៥ ០០០០ រៀល នៅមានអ្នកភូមិ​ជាច្រើន​ទៀត ដែលមិនទទួលបានដីធ្លីជាដើម។ តំណាងអ្នកភូមិ បានបន្ថែមថា [...]

ប្រសិនបើក្រុមហ៊ុនភាគច្រើន តែងមានពិន្ទុមិនសូវល្អ ក្នុងវិស័យគោរពសិទ្ធិមនុស្ស និងចូលចិត្តប្រើប្រាស់ កម្លាំង​ប្រាក់​របស់ខ្លួន ដើម្បីយកឈ្នះ ឲ្យខាងតែបាននោះ ប៉ុន្តែនៅខេត្តរតនគិរី មានក្រុមហ៊ុនរុករករ៉ែចំនួនពីរ ត្រូវបានក្រុមមន្ត្រី​សង្គម​ស៊ីវិល ដែលធ្វើការឃ្លាំមើល នៅក្នុងខេត្ត ថ្លែងសរសើរថា ជាក្រុមហ៊ុនគំរូដ៏កម្រ។

លោក ឆាយ ធី អ្នកសម្របសម្រួល របស់សមាគមការពារសិទ្ធិមនុស្ស អាដហុក ខេត្ត រតនគិរី បានលើកឡើងថា ក្រុមហ៊ុន​ទាំងពីរ គឺក្រុមហ៊ុន មីស្កូហ្គូល និងក្រុមហ៊ុនអង្គរហ្គូល (MESCO GOLD & ANKOR GOLD) មានគោលជំហរ​ស្មោះត្រង់ ចំពោះរដ្ឋាភិបាល ប្រជាជន និងសង្គមស៊ីវិល ពាក់ព័ន្ធនឹងការធ្វើអាជីវកម្មរ៉ែ ដែលបានបង្ហាញថា មានផល​ប៉ះពាល់ដល់ប្រជាពលរដ្ឋ ដែលនៅតំបន់នោះពិតមែន។ ដោយក្នុងមូលហេតុនេះ ក្រុមហ៊ុនបានសន្យាថា នឹងផ្តល់​សំណងសមរម្យ និងមិនបង្ខិតបង្ខំ ឲ្យប្រជាពលរដ្ឋចាកចេញ ដោយគ្មានសំណងនោះឡើយ ពោលគឺក្រុមហ៊ុនធ្វើការ [...]

ក្រុមសហគមន៍ជំលោះដីធ្លីមាន បឹកក់ បុរីកីឡា និងព្រលានយន្តហោះ អេសអូអេស (SOS) បានជួបជុំគ្នា យកញត្តិ​ទៅ​ដាក់ នៅស្ថានទូតអាមេរិក នាព្រឹកថ្ងៃទី ១៣ ខែមីនានេះ ដើម្បីស្នើរសុំជួបពិភាក្សា ជាមួយលោកស្រី មីសែល អូបាម៉ា (Michelle Obama) អំពីបញ្ហាជំលោះដីធ្លី និងសកម្មជនមួយចំនួន ដែលកំពុងជាប់ពន្ធនាគារ ខណៈពេលដែលអ្នកស្រី មកធ្វើទស្សនកិច្ចវប្បធម៌ នៅកម្ពុជា ក្នុងថ្ងៃទី ២០ ដល់ថ្ងៃទី ២២ ខែមីនាខាងមុខ។

អ្នកស្រី ច្រាយ នីម តំណាងសហគមន៍បឹងកក់ បានប្រាប់ទស្សនាវដ្តីមនោរម្យ.អាំងហ្វូថា ការដែលក្រុមអ្នកស្រី ចង់​ជួប​ពិភាក្សាជាមួយនឹងលោកស្រី មីសែល អូបាម៉ា ព្រោះចង់ឲ្យលោកស្រីជួយ យកបញ្ហារបស់ពួកគាត់ ទៅពិភាក្សា​ជា​មួយ​នឹងថ្នាក់ដឹកនំាកម្ពុជា ដើម្បីធ្វើយ៉ាងណា ជួយជម្រុញការដោះស្រាយ បញ្ហាជំលោះដីធ្លី និងស្ត្រីសកម្មជនដីធ្លី ដែល​កំពុង​ជាប់ពន្ធនាគារ ដូចជាអ្នកស្រី ទេព វន្នី លោកយាយ ម៉ាមី ជាដើម។ អ្នកស្រី ច្រាយ នីម បានិយាយថា [...]