ចាប់ខ្លួនប្តីកំណាច ដែលបាញ់ប្រពន្ធខ្លួននៅស្ទឹងត្រែង ពីទឹកដីឡាវ
តាមសេចក្ដីរាយការណ៍ ពីខេត្តស្ទឹងត្រែង បានឲ្យដឹងថា នៅថ្ងៃទី១០ ខែ សីហា ឆ្នាំ២០១៥ វេលាម៉ោង ១៩ និង ៤០ នាទីយប់ មានហេតុការណ៍មួយ បានបង្កឲ្យភ្ងាក់ផ្អើល ដល់ប្រជាពលរដ្ឋ ដែលរស់នៅ ក្នុងភូមិសំរោង ទាំងមូល ដោយសារតែករណី អំពើហិង្សាក្នុងគ្រួសារមួយ រវាងប្តីនិងប្រពន្ធមួយគូរ បានផ្ទុះឡើង រហូតឈាន ដល់ដកកាំភ្លើងបាញ់ប្រពន្ធ ពីសំណាក់បី្តដែលជាទាហាន ហើយបណ្តាលឲ្យប្រពន្ធ រងរបួសធ្ងន់ធ្ងរ។ ករណីបាញ់ប្រហារប្រពន្ធនេះ កើតឡើងនៅភូមិសំរោង ឃុំសំបូរ ស្រុកសៀមប៉ាង ខេត្តស្ទឹងត្រែង។
មន្រ្តីនគរបាល ដែលចុះទៅដល់កន្លែងកើតហេតុ បានឲ្យដឹងថា ជនរងគ្រោះមានឈ្មោះ និច ចាន់ណៃ មានអាយុ ៣៧ ឆ្នាំ រស់នៅក្នុងភូមិចំការលើ ឃុំចំការលើ ស្រុកថាឡាបរិវ៉ាត់ ចំណែកឯជនបង្កជាប្តី ឈ្មោះ នៅ សារិទ្ធ មានអាយុ ៤១ឆ្នាំ រស់នៅក្នុងភូមិឃុំជាមួយគ្នា និងមានមុខរបរជាទាហាន នៅវរ:ការពារព្រំដែនលេខ ១០១។
សមត្ថកិច្ចបានដាក់សង្ស័យ ជាជំហានដំបូងថា [...]
