លិចនាវានៅកូរ៉េខាងត្បូង៖ បាត់ខ្លួនជិត៣០០នាក់ (vdo)
ក្រុមអ្នកជួយសង្គ្រោះ បានលើកត្រឡប់មកលើគោកវិញ បានត្រឹមតែ១៨២នាក់ ពីក្នុងចំណោម៤៧៧នាក់ប៉ុណ្ណោះ ពីលើនាវាដែលបានលិចនៅក្នុងសមុទ្រ នៅក្បែតំបន់ឆ្នេរខាងត្បូង នៃប្រទេសកូរ៉េខាងត្បូង នៅថ្ងៃពុធទី១៦ ខែមេសា ឆ្នាំ២០១៤នេះ។ ជាចំនួនដែលខុសយ៉ាងច្រើន បើប្រៀបធៀបនឹងការប្រកាសរបស់រដ្ឋាភិបាល កូរ៉េខាងត្បូង ដែលបានថ្លែងនៅមុននេះ។
នាវាលិច មើលពីចំងាយ និងសកម្មភាពជួយសង្គ្រោះ។ (រូបថត ផ្ដិតពីវីដេអូ)
លិចនាវា - រដ្ឋាភិបាលនៅរដ្ឋធានីសេអ៊ូល បានអះអាងនៅមុននេះថា មនុស្សចំនួន៣៦៨ ត្រូវបានជួយស្រង់ពីទឹក។ ប៉ុន្តែចំនួនេះ ទំនងជាខុសពីការពិត។ អ្នកនាំពាក្យរបស់ឆ្មាំការពារឆ្នេរសមុទ្រ បានថ្លែងបញ្ជាក់ប្រាប់ទីភ្នាក់ងារសារព័ត៌មានបារាំង អាអេហ្វប៉េ (AFP) [...]
