Posts tagged as "Am Samath"

អំ សំអាត៖ ចៅក្រម​ចោទ ហុង សុខហួរ តែ​មាន​ទិស​ដៅ សម រង្ស៊ី

អំ សំអាត៖ ចៅក្រម​ចោទ ហុង សុខហួរ តែ​មាន​ទិស​ដៅ សម រង្ស៊ី

លោក អំ សំអាត មន្រ្តីគ្រប់គ្រងបច្ចេកទេសស៊ើបអង្កេត នៃអង្គការលីកាដូ បានលើកឡើងថា ទាំងការ​ចាក់​ឃ្លីបវីដេអូ ទាំងការចោទសួរ របស់លោកចៅក្រម ទៅលើជនជាប់ចោទ លោក ហុង សុខហួរ បានធ្វើការ​បាញ​ឆ្ពោះ ទៅរកប្រធានគណបក្សសង្គ្រោះជាតិ លោក សម រង្ស៊ី។

ក្នុងកិច្ចសម្ភាស ជាមួយអ្នកសារព័ត៌មាន លោក សំអាត បានអះអាងថា៖ «ការដែលទាញ ទៅរកការបង្ហោះ ការដែលគាត់ស្រាវជ្រាវ តាំងពីឆ្នាំ២០០៦-២០០៧ ហេតុអ្វីបានជាមកបង្ហោះ ក្នុងថ្ងៃទី១២ ខែសីហា ឆ្នាំ​២០១៥​នេះ គែជាការទាញមួយ ភ្ជាប់ទៅនឹងការបង្ក ឲ្យមានចលាចលនៃបញ្ហាព្រំដែន។ យើងឃើញហើយ មុននឹង​មាន​ការបង្ហោះនេះ វាមានបញ្ហាព្រំដែនកើតឡើង ដូចជានៅស្វាយរៀង រតនគីរិ និងកំពង់ចាមជាដើម ដែល​ដឹកនាំដោយ តំណាងរាស្រ្តគណបកសសង្គ្រោះជាតិ ដែលបានចុះទៅពិនិត្យ នូវបង្គោលព្រំដែន ហើយបាន​បង្ក ឲ្យមានបរិយាកាសតានតឹង។»

មន្រ្តីអង្គការសង្គមស៊ីវិលរូបនេះបា នបន្ថែមថា ការបង្ហោះនូវបញ្ហា (ផែនទី និងសន្ធិសញ្ញា) [...]

ឲ្យ ឈូក បណ្ឌិត ចូល​ខ្លួន ដើម្បី​អាច​ចាប់​សកម្ម​ជន​បក្ស​ប្រឆាំង?

ឲ្យ ឈូក បណ្ឌិត ចូល​ខ្លួន ដើម្បី​អាច​ចាប់​សកម្ម​ជន​បក្ស​ប្រឆាំង?

នៅពេលដែលមតិមួយចំនួន និយាយថា ការចូលសារភាពរបស់លោក ឈូក បណ្ឌិត ដើម្បីអនុវត្តទោស​ក្នុង​ពន្ធនាគារ ទៅលើបទចោលបាញ់បោះ យ៉ាងអាណាធិបតេយ្យ ទៅលើកម្មករ ថាជាការបិទបញ្ចប់ នូការរិះគន់ និង​នីទណ្ឌភាពនៅកម្ពុជានោះ សម្រាប់មតិមួយចំនួន បានគិតថា ការចូលខ្លួន របស់អតីតអភិបាលក្រុងបាវិត ជាការបើកផ្លូវឲ្យរដ្ឋាភិបាលលោក ហ៊ុន សែន ឈាន ទៅចាប់ខ្លួនសកម្មជនគណបក្សប្រឆាំងផ្សេងទៀត។

លោក អំ សំអាត ប្រធានផ្នែកបច្ចេកទេសស៊ើបអង្កេត របស់អង្គការការពារសិទ្ធិមនុស្ស លីកាដូ បានសម្ដែង​ទស្សនៈ​របស់លោក ប្រាប់ទស្សនាវដ្ដីមនោរម្យ.អាំងហ្វូ ថាការចូលខ្លួនសារភាព របស់លោក ឈូក បណ្ឌិត នា​ពេលនេះថាអាចជានុយ សម្រាប់បំពាក់ ដើម្បីស្ទូចយកសកម្មជននានា របស់គណបក្សសង្គ្រោះជាតិ ពាក់ព័ន្ធ​នឹងអំពើហិង្សានៅស្ពាននាគ។ លោក បានពន្យល់ឡើងថា៖ «យើងមើលឃើញថា នៅពេលដែលសម្តេច​នាយក​រដ្ឋមន្រ្តី ប្រកាសឲ្យចាប់ខ្លួនបន្ថែមទៀតទៅលើសកម្មជនគណបក្សសង្គ្រោះជាតិ [...]

ឈូក បណ្ឌិត ចូល​ខ្លួន ព្រោះ​ចង់​«រួច»​ខ្លួន?

ឈូក បណ្ឌិត ចូល​ខ្លួន ព្រោះ​ចង់​«រួច»​ខ្លួន?

ការចូលសារភាពរបស់លោក ឈូក បណ្ឌិត បានបន្សល់ទុក នូវមន្ទិលយ៉ាងច្រើន ដល់សាធារណៈមតិ និងជា​ពិសេស ដល់មន្ត្រីដែលតាមឃ្លាំមើល ថាតើនេះជាការចូលសារភាព ដោយគ្មានល្បិចកិច្ចកល់ពីក្រោយ ឬយ៉ាង​ណា? មន្ត្រីអង្គការសង្គមស៊ីវិលមួយចំនួន បាននិយាយថា លោក ឈូក បណ្ឌិត ជាអ្នកមានអំណាចមួយរូប ហើយ​​មានខ្នងបង្អែក​នៅពីក្រោយ ដូច្នេះគេពិបាកនឹងជឿថា នៅពីក្រោយការចូលសារភាពនេះ មិនមានការ​សម្រប​សម្រួលគ្នា​នោះ​ណាស់។

ប្រធានផ្នែកបច្ចេកទេសស៊ើបអង្កេត របស់អង្គការការពារសិទ្ធិមនុស្ស លីកាដូ លោក អំ សំអាត បានថ្លែង​ប្រាប់​ទស្សនាវដ្តីមនោរម្យ.អាំងហ្វូ បានលើកឡើងវា វត្តមានរបស់លោក ឈូក បណ្ឌិត ក្រោយការថ្លែង ដ៏មានឥទ្ធិពល​របស់លោកនាយករដ្ឋមន្រ្តី បន្ទាប់ពីបានរត់គេចខ្លួន អស់រយៈពេលជាងបីឆ្នាំ ទៅហើយ។ លោកសំអាត បាន​និយាយថា ការបង្ហាញខ្លួននៅពេលនេះ ក៏ជាការបង្ហាញនូវការភ្ញាក់ផ្អើលមួយថ្មី ថាសមត្ថកិច្ចទាំងអស់ មិនមាន​លទ្ធភាពក្នុងការបំពេញការងារ [...]

បញ្ជូន​សកម្មជន​បក្ស​ប្រឆាំង​ទាំង​បី ទៅ​ឃុំ​នៅ​ព្រៃសរ បន្ទាប់​ពី​​សម្ដី ហ៊ុន សែន

បញ្ជូន​សកម្មជន​បក្ស​ប្រឆាំង​ទាំង​បី ទៅ​ឃុំ​នៅ​ព្រៃសរ បន្ទាប់​ពី​​សម្ដី ហ៊ុន សែន

បន្ទាប់ពីដាក់ឃុំសកម្មជនប្រឆាំង ទាំង១១នាក់ឡើងវិញ និងនៅក្រោយពេលមិន​ដល់ ២៤​ម៉ោង នៃការថ្លែងជា​សាធារណៈ របស់នាយករដ្ឋមន្ត្រីកម្ពុជា លោក ហ៊ុន សែន ឲ្យប្រកាស​តាម​ចាប់​ខ្លួន ​អ្នក​ជាប់ពាក់ព័ន្ធបន្ថែម ​ក្នុង​អំពើ​ហិង្សា​នៅ​ស្ពាន​នាគ ​ក្បែរ​ទីលាន​ប្រជាធិបតេយ្យ កាល​ពី​ថ្ងៃ​ទី​១៥ ខែ​កក្កដា ឆ្នាំ​២០១៤នោះ​ សកម្មជនបី​នាក់ ពីក្នុងចំណោម៥នាក់ផ្សេងទៀត របស់គណបក្សសង្គ្រោះជាតិ ត្រូវបានអាជ្ញាធរចាប់ខ្លួន ជាបន្តបន្ទាប់ និងត្រូវ​បាន​ចៅក្រម​ស៊ើបសួរ​ នៃ​សាលា​ដំបូង​រាជធានី​ភ្នំពេញ សម្រេចឲ្យឃុំខ្លួន ជាបណ្ដោះអាសន្ន ក្រោម​បទ​ចោទ​ចូលរួម​អំពើ​កុបកម្ម នៅថ្ងៃទី៥ ខែសីហានេះ។ សកម្មជនទាំងបីនាក់នោះ មានលោក គឹម ហួរ អាយុ២៨ឆ្នាំ លោក រឿន ចិត្រា អាយុ៣៣ឆ្នាំ និងលោក យា ថុង អាយុ២៧ឆ្នាំ។

កាលពីថ្ងៃចន្ទ ​លោក​ ហ៊ុន សែន​ បាន​បញ្ជាឲ្យ​អាជ្ញាធរ​ តាម​ចាប់​ខ្លួនជន ​ដែលពាក់ព័ន្ធនឹង​អំពើ​ហិង្សា​ ដើម្បីយក​មកផ្ដន្ទាទោស។ លោកនាយករដ្ឋមន្ត្រី [...]

ប្រមូល​ប្រតិកម្ម​របស់​សង្គម​ស៊ីវិល ប្រឆាំង​សេចក្ដី​ព្រាង​ច្បាប់ NGO

ប្រមូល​ប្រតិកម្ម​របស់​សង្គម​ស៊ីវិល ប្រឆាំង​សេចក្ដី​ព្រាង​ច្បាប់ NGO

ប៉ុន្មានថ្ងៃកន្លងមកនេះ ក្រុមអង្គការសង្គមស៊ីវិលរាប់រយ រួមទាំងមន្រ្តីរបស់ខ្លួន និងប្រជាពលរដ្ឋមួយចំនួន បាន​នឹងកំពុងបន្ត ធ្វើការតវ៉ាមិនចេះចប់ ដោយជំទាស់ មិនចង់ឲ្យច្បាប់មួយនេះ កើតជារូបរាងឡើយ។ សង្គម​ស៊ីវិល​ទាំងនោះ នៅតែទាមទារ ឲ្យមានការកែសម្រួល និងព្រមទទួលយកអនុសាសន៍ របស់ក្រុមខ្លួន។ ប៉ុន្តែ​ចំពោះ​រដ្ឋាភិបាលកម្ពុជាវិញ នៅតែជម្រុញឲ្យច្បាប់នេះចេញ ឲ្យខាងតែបាន។

សម្រាប់មេដឹកនាំគណបក្សសង្គ្រោះជាតិ លោក សម រង្ស៊ី មិនគាំឲ្យមានច្បាប់គ្រប់គ្រង អង្គការសង្គមស៊ីវិល​នោះឡើយ ដោយលោកបានអះអាងថា បើទោះជាមាន ក៏ត្រូវធ្វើការកែតម្រូវឡើងវិញសិនដែរ។ ចំពោះ​ព្រះ​អង្គម្ចាស់ នរោត្តម រណឬទ្ធិ វិញ ក៍ធ្លាប់មានបន្ទូល នាពេលថ្មីៗនេះថា ចំពោះសេចក្តីព្រាងច្បាប់នេះ ត្រូវតែ​មាន​ហើយ តែរដ្ឋាភិបាលត្រូវប្រគល់សិទ្ធិ ទៅឲ្យភាគីពាក់ព័ន្ធ ពិសេសសមាគម និងអង្គការក្រៅរដ្ឋាភិបាល ជាអ្នក​មានសិទ្ធិសម្រេច។

សូមទស្សនាកិច្ចសម្ភាស [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...