Posts tagged as "Phay Siphan"

ជាការចម្លែកមួយ ដែលលោក ហ៊ុន សែន នាយករដ្ឋមន្ត្រីរបស់ប្រទេសកម្ពុជា បានបង្ហាញពីរូបភាពដើរកំសាន្ដ ជួបជុំស៊ីផឹក ជាមួយក្រុមគ្រួសារ និងមន្ត្រីជិតស្និតរបស់ខ្លួន ខណៈកិច្ចប្រជុំគណៈរដ្ឋមន្ត្រី ដែលទាក់ទងនឹងការដឹកនាំជាតិ ត្រូវបានលើកពេល ពីរសប្ដាហ៍ជាប់ៗគ្នា។ មិនត្រឹមតែប៉ុណ្ណឹង សម័យប្រជុំរដ្ឋសភាកាលពីថ្ងៃចន្ទ ដើម្បីធ្វើវិសោធនកម្ម​លើកទីពីរ ទៅលើច្បាប់ស្ដីពីគណបក្សនយោបាយ ដែលធ្វើឡើងក្រោមបញ្ជា របស់លោកនោះ ក៏គេមិនឃើញវត្តមាន របស់លោក​ចូលរួម​ដែរ។

បើនិយាយទៅ លោក ហ៊ុន សែន មិនបានបង្ហាញមុខជាសាធារណៈ តាំងពីក្រោយថ្ងៃដែលលោកបញ្ជា ឲ្យធ្វើវិសោធនកម្មច្បាប់នេះ និងឲ្យចាត់​វិធានការ លើ «បន្ទប់ស្ថានការណ៍» ពោល គឺលោកបានបាត់មុខ ក្រោយពេលលោកចូលរួមរំលឹកខួប នៃការ​បង្កើត​គណបក្សប្រជាជនកម្ពុជា កាលពីថ្ងៃទី២៨ ខែមិថុនា នៅកោះពេជ្រ។

តើលោកទៅណា? តើការដើរកំសាន្ដ ជួបជុំស៊ីផឹក របស់លោក ហ៊ុន សែន ដែលមានរយៈពេល២សប្ដាហ៍ [...]

ដើម្បីប្រតិកម្ម តបទៅនឹងសេចក្ដីប្រកាសព័ត៌មាន ចេញផ្សាយកាលពីថ្ងៃពុធ ទី១៨ ខែមករា របស់អង្គការឃ្លាំ​មើល​ពិភពលោក ហៅជាភាសាអង់គ្លេសថា «Global Witness» លោកនាយករដ្ឋមន្ត្រី ហ៊ុន សែន បាន​ជ្រើសរើស​ពាក្យដ៏ពិសេសៗ មានដូចជា «ល្ងង់ - ឆ្កួតលីលា និងឡប់»ជាដើម មកសរសេរ​ហៅ​អង្គការ​អន្តរជាតិ​មួយ​នេះ នៅលើទំព័រហ្វេសប៊ុករបស់លោក។ លោកថែមទាំងប្រាប់ឲ្យអង្គការមួយនេះ គួរទៅចូល​រៀន​បន្ថែម​ទៀត​ផង។

នៅក្នុងសេចក្ដីប្រកាសព័ត៌មាននោះ អង្គការអន្តរជាតិ ដែលមានទីស្នាក់ការធំ នៅក្នុងរាជធានី ឡុងដ៍ នៃ​ចក្រភព​អង់គ្លេស បានរិះគន់លោក ហ៊ុន សែន និងរបបដឹកនាំរបស់លោក តាមរយៈការ​ស៊ើប​អង្កេត​របស់​ខ្លួន ថា​ពោរ​ពេញ​ដោយអាថ៌កំបាំង ការបំផ្លិចបំផ្លាញធនធានធម្មជាតិ អំពើពុករលួយ បក្ខពួក​និយម ជាមួយ​នឹង​ការ​ក្ដោប​ក្ដាប់ នៅក្នុងដៃនៃសមាជិកគ្រួសារត្រកូល «ហ៊ុន» នូវសរសៃឈាមសេដ្ឋកិច្ចជាតិកម្ពុជា។ អង្គការ «Global Witness» បាន​សរសេរ​ថា៖ «កម្ពុជា [...]