ឈាង វុន៖ ការទទួលជនភៀសខ្លួនអូស្ត្រាលី ជា«កាតព្វកិច្ចអន្តរជាតិ»របស់កម្ពុជា
នារសៀលថ្ងៃទី២៦ ខែកញ្ញានេះ កម្ពុជា និងអូស្រ្តាលី នឹងចុះអនុស្សរណៈយោគយល់គ្នា (MOU) ជាទ្វេភាគីមួយ ដើម្បីឲ្យកម្ពុជាអាចនឹង ទទួលយកជនភៀសដោយខុសច្បាប់ ដោយមានការចុះហត្ថលេខាដោយ លោក ស ខេង រដ្ឋមន្ត្រីក្រសួងមហាផ្ទៃ ជាមួយលោក ស្កុត ម៉ូរីសុន (Scott Morrison) រដ្ឋមន្ត្រីក្រសួងអន្តោប្រវេសន៍ និងកិច្ចការពារព្រំដែនអូស្ត្រាលី។ នេះបើយោងតាម សេចក្តីប្រកាសព័ត៌មាន របស់ក្រសួងការបរទេសកម្ពុជា ដែលបានចេញផ្សព្វផ្សាយកាលពីថ្ងៃទី២៤ ខែកញ្ញានេះ។
ពាក់ព័ន្ធនឹងបញ្ហានេះ លោក ឈាង វុន ប្រធានគណៈកម្មការទី៥ នៃរដ្ឋសភា (កិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) ក្នុង សន្និសីទសារព័ត៌មាននាល្ងាចថ្ងៃទី២៥ ខែកញ្ញា បានលើកបញ្ជាក់ថា កម្ពុជាបានពីចារណាលើប្រាំចំណុច មុននិងសម្រេចធ្វើការទទួលយក ជនភៀសខ្លួនពីប្រទេសអូស្ត្រាលីទាំងនោះមកកម្ពុជា។ លោកបន្តថាចំណុចទាំងប្រាំនោះ រួមមានដូចជា ព្រមរស់នៅដោយស្ម័គ្រចិត្ត, [...]
